Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightപെരിന്തൽമണ്ണയിൽ...

പെരിന്തൽമണ്ണയിൽ കെ.എസ്.ആർ.ടി.സി ബസിന് കല്ലേറ്; ഡ്രൈവർക്കും യാത്രക്കാരനും പരിക്ക്

text_fields
bookmark_border
പെരിന്തൽമണ്ണയിൽ കെ.എസ്.ആർ.ടി.സി ബസിന് കല്ലേറ്; ഡ്രൈവർക്കും യാത്രക്കാരനും പരിക്ക്
cancel

പെരിന്തൽമണ്ണ: ദേശീയപാതയിൽ പെരിന്തൽണ്ണ പോളിടെക്നിക് ഹോസ്റ്റലിന് എതിർവശം കെ.എസ്.ആർ.ടി.സി ബസിന് നേരെ കല്ലേറ്. ബസ് കൈകാണിച്ച് നിർത്തിച്ച ശേഷം നാലു പേർ കല്ലെറിയുകയായിരുന്നു. ഡ്രൈവർ കോഴിക്കോട് പടനിലം സ്വദേശി അഷ്റഫിനാണ് (39) പരിക്കേറ്റത്. ഇദ്ദേഹം പെരിന്തൽമണ്ണ ജില്ല ആശുപത്രിയിൽ ചികിത്സ തേടി. ബസിന്‍റെ മുൻഭാഗത്ത് ഇരുന്നിരുന്ന യാത്രക്കാരൻ അരീക്കോട് സ്വദേശിക്കാണ് പരിക്കേറ്റത്.

പെരിന്തൽമണ്ണ ഭാഗത്തു നിന്നും സുൽത്താൻ ബത്തേരിയിലേക്ക് പോകുകയായിരുന്ന ബസാണ് വെള്ളിയാഴ്ച രാവിലെ 8.45 ന് അക്രമിക്കപ്പെട്ടത്. ബസിന്‍റെ ചില്ലുകൾ തകർന്നിട്ടും തുടരെ എറിയുകയായിരുന്നെന്നും കല്ലെറിഞ്ഞയാളുകൾ സ്കൂട്ടറിൽ കയറി രക്ഷപ്പെട്ടെന്നും ഡ്രൈവർ പറഞ്ഞു.

പെരിന്തൽമണ്ണ പൊലീസ് സ്ഥലത്തെത്തി. യാത്രക്കാരെ മറ്റൊരു ബസിൽ കയറ്റിവിട്ടു. ബസിൽ പത്തോളം യാത്രക്കാരാണുണ്ടായിരുന്നത്.

Show Full Article
TAGS:KSRTC hartal 
News Summary - KSRTC bus pelted with stone in Perinthalmanna
Next Story