ബൈക്കിടിച്ച്​ ബസ്​ കത്തി; യാത്രക്കാർ രക്ഷപ്പെട്ടു, ബൈക്ക്​ യാത്രികൻ മരിച്ചു

മൂ​വാ​റ്റു​പു​ഴ: കാ​റി​നെ മ​റി​ക​ട​ക്കു​ന്ന​തി​നി​ടെ നി​യ​ന്ത്ര​ണം വി​ട്ടെ​ത്തി​യ ബൈ​ക്ക് കെ.​എ​സ്.​ആ​ർ.​ടി.​സി ബ​സി​ലേ​ക്ക് പാ​ഞ്ഞു​ക​യ​റി​യ​തി​നെ​ത്തു​ട​ർ​ന്നു ണ്ടാ​യ അ​പ​ക​ട​ത്തി​ൽ ബ​സും ബൈ​ക്കും ക​ത്തി​ന​ശി​ച്ചു. ബ​സി​ലു​ണ്ടാ​യി​രു​ന്ന 44 യാ​ത്ര​ക്കാ​ർ അ​ദ്​​ഭു​ത​ക​ര​മാ​യി ര​ക്ഷ​പ്പെ​ട്ടു. ഇ​ടി​യു​ടെ ആ​ഘാ​ത​ത്തി​ൽ റോ​ഡി​ൽ തെ​റി​ച്ചു​വീ​ണ് ഗു​രു​ത​ര​മാ​യി പ​രി​ക്കേ​റ്റ ബൈ​ക്ക് യാ​ത്രി​ക​ൻ പ​ത്ത​നാ​പു​രം പ​റ​ങ്കി​മാം​വി​ള പു​ത്ത​ൻ​വീ​ട്ടി​ൽ അ​നൂ​പ് അ​ല​ക്സ് (18) മ​രി​ച്ചു.

തി​ങ്ക​ളാ​ഴ്ച വൈ​കീ​ട്ട്​ നാ​ലോ​ടെ മൂ​വാ​റ്റു​പു​ഴ-​കോ​ട്ട​യം എം.​സി റോ​ഡി​ൽ ഈ​സ്​​റ്റ്​ മാ​റാ​ടി പ​ള്ളി​പ്പ​ടി​യി​ലാ​ണ് സം​ഭ​വം. തൃ​ശൂ​രി​ൽ​നി​ന്ന്​ കോ​ട്ട​യ​ത്തേ​ക്ക് പോ​കു​ക​യാ​യി​രു​ന്ന തൃ​ശൂ​ർ ഡി​പ്പോ​യി​ലെ ഫാ​സ്​​റ്റ്​ പാ​സ​ഞ്ച​ർ ബ​സും മൂ​വാ​റ്റു​പു​ഴ ഭാ​ഗ​ത്തേ​ക്ക് വ​രു​ക​യാ​യി​രു​ന്ന യു​വാ​വ് സ​ഞ്ച​രി​ച്ച ബൈ​ക്കും ത​മ്മി​ലാ​ണ് ഇ​ടി​ച്ച​ത്. ബ​സി​ന​ടി​യി​ൽ കു​ടു​ങ്ങി​യ ബൈ​ക്കു​മാ​യി 20 മീ​റ്റ​റോ​ളം മു​ന്നോ​ട്ടു​പോ​യ ശേ​ഷ​മാ​ണ് ബ​സ് നി​ന്ന​ത്. ഇ​തി​നി​ടെ, ബൈ​ക്കി​​​െൻറ പെ​ട്രോ​ൾ ടാ​ങ്ക് ത​ക​ർ​ന്ന് ഇ​ന്ധ​നം റോ​ഡി​ലൊ​ഴു​കി​യ​തോ​ടെ തീ ​പ​ട​ർ​ന്ന് ബ​സും ബൈ​ക്കും ക​ത്തി അ​മ​രു​ക​യാ​യി​രു​ന്നു.

തീ ​പ​ട​രു​ന്ന​തി​നി​ടെ 44 യാ​ത്ര​ക്കാ​രും ബ​സി​ൽ​നി​ന്ന് ഇ​റ​ങ്ങി അ​ക​ലേ​ക്ക് ഓ​ടി ര​ക്ഷ​പ്പെ​ട്ട​തി​ന്​ തൊ​ട്ടു​പി​ന്നാ​ലെ ബൈ​ക്ക് പൊ​ട്ടി​ത്തെ​റി​ച്ച്​ ബ​സ് പൂ​ർ​ണ​മാ​യി ക​ത്തി​ന​ശി​ച്ചു. ബ​സി​ന​ടി​യി​ലേ​ക്ക്​ തെ​റി​ച്ചു​വീ​ണ അ​നൂ​പി​നെ നാ​ട്ടു​കാ​ർ പു​റ​ത്തി​റ​ക്കി ആ​ദ്യം മൂ​വാ​റ്റു​പു​ഴ ആ​ശു​പ​ത്രി​യി​ലും പി​ന്നീ​ട് കോ​ട്ട​യം മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ലും പ്ര​വേ​ശി​പ്പി​ച്ചു. രാ​ത്രി എ​​േ​ട്ടാ​ടെ മ​രി​ച്ചു.