കെ.എസ്​.ആർ.ടി.സി: നഷ്ടം പറഞ്ഞ്​ വെട്ടിയത്​ 35,682 കിലോമീറ്ററിലെ ഓ​ട്ടം

തി​രു​വ​ന​ന്ത​പു​രം:​​ വ​രു​മാ​ന ന​ഷ്ട​ത്തി​ന്‍റെ പേ​രു​പ​റ​ഞ്ഞ്​ കെ.​എ​സ്.​ആ​ർ.​ടി.​സി​യു​ടെ ശൃം​ഖ​ല​യി​ൽ​നി​ന്ന്​ വെ​ട്ടി​ക്കു​റ​ച്ച​ത്​ ​35,682 കി​ലോ​മീ​റ്റ​ർ. ‘കി​ലോ​മീ​റ്റ​റി​ന്​ 35 രൂ​പ ല​ഭി​ക്കാ​ത്ത​തും ​പ്ര​യോ​ജ​ന​മി​ല്ലാ​ത്തു​മാ​യ’ ട്രി​പ്പു​ക​ൾ എ​ന്ന്​ എ​ഴു​തി​ത്ത​ള്ളി​യാ​ണ്​ ഇ​ത്ര​യും ദൂ​ര​ത്തെ സ​ർ​വി​സു​ക​ൾ ​നി​ർ​ത്ത​ലാ​ക്കി​യ​ത്. സ​ർ​വി​സ്​ പു​നഃ​ക്ര​മീ​ക​ര​ണ​ത്തി​ന്‍റെ മ​റ​വി​ലാ​ണ്​ റൂ​ട്ടു​ക​ൾ കൈ​വി​ട്ട​ത്.

മു​ൻ​കാ​ല​ങ്ങ​ളി​ൽ സാ​മൂ​ഹി​ക​​പ്ര​തി​ബ​ദ്ധ​ത കൂ​ടി പ​രി​ഗ​ണി​ച്ചാ​യി​രു​ന്നു സ​ർ​വി​സു​ക​ൾ നി​ശ്ച​യി​ക്കു​ന്ന​ത്. എ​ന്നാ​ൽ, അ​തൊ​ഴി​വാ​ക്കി പ​ക​രം കി​ലോ​മീ​റ്റ​ർ അ​ടി​സ്ഥാ​ന​പ്പെ​ടു​ത്തി​യു​ള്ള വ​രു​മാ​ന​മാ​ണ്​ പു​തി​യ പ​രി​ഗ​ണ​ന. ഇ​തോ​ടെ, ഗ്രാ​മീ​ണ റൂ​ട്ടു​ക​ളി​ൽ പ​ല​തി​ലും കെ.​എ​സ്.​ആ​ർ.​ടി.​സി സാ​ന്നി​ധ്യം തീ​രെ ഇ​ല്ലാ​താ​യി. ഈ ​റൂ​ട്ടു​ക​ളെ​ല്ലാം സ്വ​കാ​ര്യ​ബ​സു​ക​ൾ​ക്ക്​ വി​ട്ടു​കൊ​ടു​ത്താ​ണ്​ കെ.​എ​സ്.​ആ​ർ.​ടി.​സി​യു​ടെ ക​ളം​മാ​റ്റം.

അ​തേ​സ​മ​യം, സ്വ​കാ​ര്യ ബ​സു​ക​ൾ​ക്കു​ള്ള പെ​ർ​മി​റ്റി​ൽ രാ​ത്രി ഒ​മ്പ​തും പ​ത്തും വ​രെ സ​ർ​വി​സ്​ നി​ഷ്ക​ർ​ഷി​ച്ചി​ട്ടു​ണ്ടെ​ങ്കി​ലും ഏ​ഴോ​ടെ ഇ​വ​രെ​ല്ലാം സ​ർ​വി​സ്​ അ​വ​സാ​നി​പ്പി​ക്കു​ക​യാ​ണ്. ഇ​ത് ഗ്രാ​മീ​ണ മേ​ഖ​ല​ക​ളി​ൽ യാ​ത്രാ​​ക്ലേ​ശം രൂ​ക്ഷ​മാ​ക്കു​ന്നു. ഒ​ന്നി​ല​ധി​കം ബ​സു​ക​ളു​ള്ള റൂ​ട്ടു​ക​ളി​ൽ ‘ഓ​രോ ദി​വ​സ​വും ഓ​രോ ബ​സ്’​ എ​ന്ന നി​ല​യി​ൽ ഊ​ഴം​വെ​ച്ച്​ അ​വ​സാ​ന ട്രി​പ്​​ ഓ​പ​റേ​റ്റ്​ ചെ​യ്യ​ണ​മെ​ന്ന്​ മാ​സ​ങ്ങ​ൾ​ക്ക്​ മു​​മ്പ്​​ ഗ​താ​ഗ​ത മ​ന്ത്രി നി​ർ​ദേ​ശി​ച്ചി​ട്ടും ന​ട​പ്പാ​യി​ട്ടി​ല്ല.

കി​ലോ​മീ​റ്റ​ർ വെ​ട്ടി​ക്കു​റ​​ക്ക​ൽ കെ.​എ​സ്.​ആ​ർ.​ടി.​സി​ക്ക്​ ഭീ​ഷ​ണി​യാ​യി പു​തി​യ പെ​ർ​മി​റ്റ്​ സ്വ​ന്ത​മാ​ക്കി സ്വ​കാ​ര്യ​ബ​സു​ക​ളു​ടെ ക​ട​ന്നു​ക​യ​റ്റ​ത്തി​ന്​ കൂ​ടി വ​ഴി​യൊ​രു​ക്കു​ക​യാ​ണ്. കി​ലോ​മീ​റ്റ​റി​ൽ 35 രൂ​പ വ​രു​മാ​നം കി​ട്ടാ​ത്ത സ​ർ​വി​സു​ക​ളെ​ല്ലാം നി​ർ​ത്ത​ലാ​ക്കാ​ൻ ഡി​പ്പോ​ക​ൾ​ക്ക് കെ.​എ​സ്.​ആ​ർ.​ടി.​സി ക​ർ​ശ​ന നി​ർ​ദേ​ശം ന​ൽ​കി​യി​രു​ന്നു. ഇ​തോ​ടെ, പ​ല സ​ർ​വി​സു​ക​ളും നി​ല​ച്ചു. കെ.​എ​സ്.​ആ​ർ.​ടി.​സി പി​ൻ​വാ​ങ്ങി​യ​തോ​ടെ, ഈ ​റൂ​ട്ടു​ക​ളി​ലെ​ല്ലാം യാ​ത്രാ​​​​​ക്ലേ​ശം രൂ​ക്ഷ​മാ​യി. ഈ ‘​യാ​ത്രാ​​​ക്ലേ​ശ’​ത്തി​ന്‍റെ മ​റ​വി​ൽ നി​യോ​ജ​ക​മ​ണ്ഡ​ലാ​ടി​സ്ഥാ​ന​ത്തി​ൽ ജ​ന​കീ​യ സ​ദ​സ്സു​ക​ൾ വി​ളി​ച്ച്​ സ്വ​കാ​ര്യ ബ​സു​ക​ൾ​ക്ക്​ റൂ​ട്ട്​ അ​നു​വ​ദി​ക്കാ​നു​ള്ള കു​റു​ക്കു​വ​ഴി നീ​ക്ക​ങ്ങ​ളാ​ണ്​ ന​ട​ന്ന​ത്. ഇ​തി​ന്‍റെ ആ​ദ്യ​ഘ​ട്ട​മെ​ന്ന നി​ല​യി​ൽ 503 പെ​ർ​മി​റ്റു​ക​ളാ​ണ്​ അ​നു​വ​ദി​ച്ച​തും. ഇ​നി​യും 508 ​പെ​ർ​മി​റ്റു​ക​ൾ കൂ​ടി പ​രി​ഗ​ണ​ന​യി​ലാ​ണ്.

സാ​ധാ​ര​ണ ബ​സ് ഓ​ടി​ക്കാ​ന്‍ സൗ​ക​ര്യ​മു​ള്ള റൂ​ട്ടു​ക​ളി​ൽ ബ​സ്​ ഉ​ട​മ​ക​ള്‍ അ​പേ​ക്ഷി​ക്കു​ക​യും റീ​ജ​ന​ല്‍ ട്രാ​ന്‍സ്‌​പോ​ര്‍ട്ട് അ​തോ​റി​റ്റി​ക​ള്‍ (ആ​ര്‍.​ടി.​എ) പ​രി​ശോ​ധി​ച്ച് അ​നു​വ​ദി​ക്കു​ക​യു​മാ​ണ് ചെ​യ്തി​രു​ന്ന​ത്. ഇ​തി​ന്​ വി​രു​ദ്ധ​മാ​യി ഇ​താ​ദ്യ​മാ​യാ​ണ്​ റൂ​ട്ട്​ സ​ർ​ക്കാ​ർ നി​ർ​ദേ​ശി​ക്കു​ക​യും ബ​സു​ട​മ​ക​ളി​ൽ​നി​ന്ന്​ അ​പേ​ക്ഷ ക്ഷ​ണി​ക്കു​ക​യും ചെ​യ്ത​ത്. സ്വ​കാ​ര്യ​ബ​സു​ക​ൾ ഓ​ടാ​ൻ അ​നു​മ​തി ന​ൽ​കി​യ 28,146 കി​ലോ​മീ​റ്റ​ര്‍ പാ​ത​യി​ല്‍ 617 കി​ലോ​മീ​റ്റ​ർ മാ​ത്ര​മാ​ണ്​ നി​ല​വി​ല്‍ ബ​സ് സ​ര്‍വി​സ് ഇ​ല്ലാ​ത്ത​തെ​ന്ന​താ​ണ്​ മ​റ്റൊ​രു കൗ​തു​കം.