വിദ്യാർഥികൾക്ക്​ ലാപ്​ടോപ് നൽകാൻ കെ.എസ്​.എഫ്​.ഇ വിദ്യാശ്രീ 

തിരുവനന്തപുരം: കോവിഡ്​ പശ്ചാത്തലത്തിൽ ഓൺലൈൻ പഠനം വിപുലീകരിക്കാൻ വിദ്യാർഥികൾക്ക്​  കെ.എസ്​.എഫ്​.ഇ മുഖേന ലാപ്​ടോപ്​ വിതരണ പദ്ധതി നടപ്പാക്കും. കെ.എസ്​.എഫ്​.ഇ വിദ്യാശ്രീ എന്ന പേരിൽ കുടുംബശ്രീയുമായി ചേർന്നാണ്​​ ഇത്​ നടപ്പാക്കുകയെന്ന്​ മുഖ്യമന്ത്രി പിണറായി വിജയൻ അറിയിച്ചു.

15,000 രൂപ ചിട്ടിത്തുകയും 500 രൂപ പ്രതിമാസ അടവുള്ള 30 മാസത്തെ സമ്പാദ്യ പദ്ധതിയാണിത്​.  മൂന്ന്​ മാസതവണ അടച്ചാൽ​ 15,000 രൂപ പരമാവധി വിലയുള്ള ലാപ​്​ടോപ്​ കെ.എസ്​.എഫ്​.ഇ മുഖേന വായ്​പയായി നൽകും. വായ്​പയുടെ പലിശ നാലു ശതമാനം കെ.എസ്​.എഫ്​.ഇയും അഞ്ചു ശതമാനം സർക്കാരും വഹിക്കും. പദ്ധതി ഉപ​േയാഗപ്പെടുത്തുന്നവർക്കായി വിവിധ വകുപ്പുകളുടെയും സർക്കാർ ഏജൻസികളുടെയും സന്നദ്ധ സംഘടനകളുടെയും സബ്​സിഡി ലഭ്യമാക്കാൻ ശ്രമിക്കു​െമന്നും മുഖ്യമന്ത്രി പറഞ്ഞു.