അറ്റകുറ്റപ്പണിക്കിടെ വൈദ്യുതി വകുപ്പ് ജീവനക്കാരൻ ഷോക്കേറ്റ് മരിച്ചു

കുമ്പള: അറ്റകുറ്റപ്പണിക്കിടെ വൈദ്യുതി വകുപ്പ് ജീവനക്കാരൻ ഷോക്കേറ്റ് മരിച്ചു. കാസർകോട് സ്വദേശിയും സീതാംഗോളി വൈദ്യുതി ഓഫീസിലെ ലൈൻമാനുമായ പ്രദീപ്(40) ആണ് മരിച്ചത്. ശനിയാഴ്ച ഉച്ചയോടെ സൂരംബയൽ കുമാരമംഗലത്ത് അറ്റകുറ്റപ്പണികൾ നടത്തുന്നതിനിടെയാണ് അപകടം ഉണ്ടായത്.

കെ.എസ്.ഇ.ബി ഉദ്യോഗസ്ഥരും പൊലീസും അപകടസ്ഥലത്തെത്തി. മൃതദേഹം കാസർഗോഡ് ജനറൽ ആശുപത്രിയിലേക്ക് മാറ്റി.