മെയ്​ നാലുമുതൽ കെ.എസ്​.ഇ.ബി ക്യാഷ്​ കൗണ്ടറുകൾ തുറക്കും

തിരുവനന്തപുരം: ലോക്​ഡൗണിനെ തുടർന്ന്​ അടച്ച കെ.എസ്​.ഇ.ബിയുടെ ക്യാഷ്​ കൗണ്ടറുകൾ മെയ്​ നാലുമുതൽ തുറക്കുമെന്ന് ​ മുഖ്യമന്ത്രി പിണറായി വിജയൻ. കൗണ്ടറുകൾക്ക്​ മുന്നിൽ തിരക്കുണ്ടാകുന്നത്​ ഒഴിവാക്കാൻ കൺസ്യൂമർ നമ്പർ അടിസ്​ഥാനമാക്കിയായിരിക്കും ക്രമീകരണം.

ലോക്​ഡൗൺ സമയത്തെ ബില്ലുകൾക്ക്​ മെയ്​ 16 വരെ സർചാർജ്​ ഒഴിവാക്കുമെന്ന്​ വൈദ്യുതി ബോർഡ്​ അറിയിച്ചിരുന്നു. പരമാവധി ഓഫിസിൽ എത്താതെ ഓൺലൈൻ സംവിധാനം ഉപയോഗിക്കാൻ ശ്രമിക്കണമെന്നും മുഖ്യമന്ത്രി അറിയിച്ചു.