ജൂലൈ 15 വരെ വൈദ്യുതി നിയന്ത്രണമില്ലെന്ന്​ കെ.എസ്​.ഇ.ബി

തിരുവനന്തപുരം: അണക്കെട്ടുകളിലെ ജലനിരപ്പ്​ തീരെ കുറ​െഞ്ഞങ്കിലും ജൂലൈ 15 വരെ സംസ്ഥാനത്ത്​ വൈദ്യുതിനിയന്ത്രണം ഏർപ്പെടുത്തേണ്ടതില്ലെന്ന്​ കെ.എസ്​.ഇ.ബി തീരുമാനിച്ചു. ജൂലൈ 15ന്​ അന്നത്തെ നില പരിശോധിച്ച്​ ആവശ്യമായ നടപടികൾ എ ടുക്കും. വൈദ്യുതിനിയന്ത്രണം ഒഴിവാക്കാൻ എല്ലാ ശ്രമവും നടത്തുമെന്ന്​ വൈദ്യുതിനില അവലോകനം ചെയ്​തശേഷം ചെയർമാൻ എൻ.സി. പിള്ള വാർത്തസമ്മേളനത്തിൽ പറഞ്ഞു.

സർക്കാറുമായി ആലോചിച്ചുമാത്രമേ നിയന്ത്രണം ഏർപ്പെടുത്തൂ. ജല വൈദ്യുതി ഉൽ​പാദനം ദിവസം 12 ദശലക്ഷം യൂനിറ്റ്​ എന്ന നിലയിൽ തുടരും. 64 ദശലക്ഷം യൂനിറ്റ്​ പുറത്തുനിന്ന്​ എത്തിക്കും. ജൂൺ 15 ഒാടെ കാലവർഷം ശക്തിപ്പെടുമെന്ന പ്രവചനമാണ്​ കാലാവസ്ഥ നിരീക്ഷണ കേന്ദ്രം നൽകുന്നത്​. ജൂലൈയിൽ 1523 ദശലക്ഷം യൂനിറ്റിനുള്ള വെള്ളം പ്രതീക്ഷിക്കുന്നു. ഇതി​​​െൻറ 25 ശതമാനം ലഭിച്ചാൽ പോലും പിടിച്ചുനിൽക്കാനാകും. ​ജലനിരപ്പ്​ 392 ദശലക്ഷം യൂനിറ്റിലേക്ക്​ താഴ്​ന്നാൽ ഗുരുതര സാഹചര്യമാണ്​. അതിന്​ 10​ ദിവസത്തോളം സമയമുണ്ട്​. ജൂലൈ 15ന്​ ദുരന്തനിവാരണസമിതിയും സാഹചര്യങ്ങൾ വിലയിരുത്തും​.

പുറത്തുനിന്ന്​ പരമാവധി വൈദ്യുതി എത്തിക്കാൻ ശ്രമിക്കാൻ​ യോഗം തീരുമാനിച്ചു. 500 മെഗാവാട്ട്​​ കൂടി എത്തിക്കാൻ ലൈൻ ശേഷി തരണമെന്ന്​ കേന്ദ്ര ലോഡ്​ ഡെപ്​പാച്ചിങ്​ സ​​െൻററിനോട്​ ആവശ്യപ്പെടും. എച്ച്​.ടി-ഇ.എച്ച്​.ടി വിഭാഗങ്ങ​േളാട്​ കാപ്​റ്റിവ്​ വൈദ്യുതി പരമാവധി ഉപയോഗിക്കാൻ അഭ്യർഥിക്കും.

പുറത്തുനിന്ന്​ വൈദ്യുതി കൊണ്ടുവരുന്നതിന്​ ആകസ്​മിക തടസ്സം നേരിട്ടാൽ നേരിയ പ്രയാസമുണ്ടാകും. ബുധനാഴ്​ച 300 മെഗാവാട്ടി​​​െൻറ കുറവ്​ വന്നിരുന്നു. കായംകുളം അടക്കം സംസ്ഥാനത്തെ താപനിലയങ്ങളിലെ വൈദ്യുതി ഉപയോഗിക്കില്ല. അതിന്​ 11 രൂപയോളം യൂനിറ്റിന്​ വില നൽകേണ്ടി വരും. കൂടങ്കുളം ലൈൻ വേഗത്തിൽ പൂർത്തിയായാൽ 800 മെഗാവാ​േട്ടാളം വൈദ്യുതി കൊണ്ടുവരാനാകും.

വൈദ്യുതിനിരക്ക്​ 70 പൈസ​േയാളം വർധിപ്പിക്കാൻ ​െറഗുലേറ്ററി കമീഷന്​ അപേക്ഷ നൽകിയിട്ടുണ്ട്​. ഇതുവരെ തീരുമാനം ഉണ്ടായിട്ടില്ല. 8000 കോടിയോളം രൂപയുടെ കമ്മി നികത്തി കിട്ടാനുണ്ട്​. സംസ്ഥാന ചരിത്രത്തിലെ കുറഞ്ഞ നീരൊഴുക്കാണ്​ ജൂണിൽ രേഖപ്പെടുത്തിയതെന്നും ചെയർമാൻ പറഞ്ഞു.