കെ.എസ്.ഇ.ബിക്ക് കടബാധ്യത 9056.71 കോടി: പിരിഞ്ഞുകിട്ടാൻ 3159.08 കോടി

കൊ​ച്ചി: സാ​മ്പ​ത്തി​ക പ്ര​തി​സ​ന്ധി ചൂ​ണ്ടി​ക്കാ​ട്ടി നി​ര​ക്ക് വ​ർ​ധ​ന​ക്ക് പ​ദ്ധ​തി​യി​ടു​ന്ന സം​സ്ഥാ​ന വൈ​ദ്യു​തി ബോ​ർ​ഡി​ന് വി​വി​ധ മേ​ഖ​ല​ക​ളി​ൽ നി​ന്നാ​യി പി​രി​ഞ്ഞു​കി​ട്ടാ​നു​ള്ള​ത് 3159.06 കോ​ടി. ഗാ​ർ​ഹി​ക ഉ​പ​ഭോ​ക്താ​ക്ക​ളി​ൽ നി​ന്ന്​ 496.64 കോ​ടി, എ​ക്സ്ട്രാ ഹൈ​ടെ​ൻ​ഷ​ൻ ഉ​പ​ഭോ​ക്താ​ക്ക​ളി​ൽ​നി​ന്ന്​ 374.90 കോ​ടി, ക​മേ​ഴ്സ്യ​ൽ ഉ​പ​ഭോ​ക്താ​ക്ക​ളി​ൽ നി​ന്ന്​ 1121.23 കോ​ടി, സം​സ്ഥാ​ന​ത്തെ പൊ​തു​മേ​ഖ​ല സ്ഥാ​പ​ന​ങ്ങ​ളി​ൽ​നി​ന്ന്​ 994.81 കോ​ടി, സം​സ്ഥാ​ന സ​ർ​ക്കാ​റി​ന്‍റെ വി​വി​ധ വി​ഭാ​ഗ​ങ്ങ​ളി​ലെ സ്ഥാ​പ​ന​ങ്ങ​ളി​ൽ​നി​ന്ന്​ 171.5 കോ​ടി എ​ന്നി​ങ്ങ​നെ​യാ​ണ് ല​ഭി​ക്കാ​നു​ള്ള​തെ​ന്ന് വി​വ​രാ​വ​കാ​ശ രേ​ഖ​യി​ൽ വ്യ​ക്ത​മാ​ക്കു​ന്നു.

2022 ജ​നു​വ​രി വ​രെ​യു​ള്ള ബോ​ർ​ഡി​ന്‍റെ ക​ട​ബാ​ധ്യ​ത 9056.71 കോ​ടി​യാ​ണ്. കാ​ല​ങ്ങ​ളാ​യി ശ്ര​മി​ച്ചി​ട്ടും പി​രി​ച്ചെ​ടു​ക്കാ​നാ​വാ​ത്ത കോ​ടി​ക​ളു​ടെ കു​ടി​ശ്ശി​ക തു​ക ല​ഭ്യ​മാ​യാ​ൽ വ​ലി​യ തോ​തി​ൽ കെ.​എ​സ്.​ഇ.​ബി​യി​ലെ സാ​മ്പ​ത്തി​ക സ്ഥി​തി മെ​ച്ച​പ്പെ​ടു​ത്താ​ൻ ക​ഴി​യും. കു​ടി​ശ്ശി​ക​യു​മാ​യി ബ​ന്ധ​പ്പെ​ട്ട് നി​ല​നി​ൽ​ക്കു​ന്ന കേ​സു​ക​ളാ​ണ് തു​ക പി​രി​ച്ചെ​ടു​ക്കു​ന്ന​തി​ന് ത​ട​സ്സം. രാ​ഷ്ട്രീ​യ ഇ​ട​പെ​ട​ലു​ക​ളും പ​ല​പ്പോ​ഴും വി​ല​ങ്ങു​ത​ടി​യാ​കു​ന്ന​താ​യാ​ണ് ആ​രോ​പ​ണം.

വൈ​ദ്യു​തി ചാ​ർ​ജി​ന് പു​റ​മെ കെ.​എ​സ്.​ഇ.​ബി പോ​സ്റ്റു​ക​ളി​ലൂ​ടെ സ്വ​കാ​ര്യ​ക​മ്പ​നി​ക​ളു​ടെ കേ​ബി​ൾ വ​ലി​ക്കു​ന്ന​തി​ലൂ​ടെ വ​ലി​യ വ​രു​മാ​നം ല​ഭി​ക്കു​ന്നു​ണ്ട്. ഏ​ഷ്യാ​നെ​റ്റ് സാ​റ്റ​ലൈ​റ്റ് ക​മ്യൂ​ണി​ക്കേ​ഷ​ൻ മാ​ത്രം ഈ​യി​ന​ത്തി​ൽ 101.91 കോ​ടി രൂ​പ ന​ൽ​കി​യി​ട്ടു​ണ്ടെ​ന്ന് കൊ​ച്ചി ആ​സ്ഥാ​ന​മാ​യ പ്രോ​പ​ർ ചാ​ന​ൽ സം​ഘ​ട​ന പ്ര​സി​ഡ​ൻ​റ് എം.​കെ. ഹ​രി​ദാ​സി​ന് വി​വ​രാ​വ​കാ​ശ നി​യ​മ​പ്ര​കാ​രം ല​ഭി​ച്ച മ​റു​പ​ടി​യി​ൽ വ്യ​ക്ത​മാ​ക്കു​ന്നു.

കൂ​ടാ​തെ, ജി​ല്ല അ​ടി​സ്ഥാ​ന​ത്തി​ലും പ്രാ​ദേ​ശി​ക​മാ​യു​ള്ള കേ​ബി​ൾ ഓ​പ​റേ​റ്റ​ർ​മാ​രു​ടെ പ​ക്ക​ൽ​നി​ന്ന്​ ല​ഭി​ച്ച​ത് ഉ​ൾ​പ്പെ​ടെ ഈ​യി​ന​ത്തി​ൽ വ​ൻ തോ​തി​ലു​ള്ള വ​രു​മാ​ന​മാ​ണ് കെ.​എ​സ്.​ഇ.​ബി​ക്ക് ല​ഭി​ച്ചി​ട്ടു​ള്ള​ത്. പു​തു​ക്കി​യ ശ​മ്പ​ള സ്കെ​യി​ൽ പ്ര​കാ​രം കെ.​എ​സ്.​ഇ.​ബി​യി​ലെ കു​റ​ഞ്ഞ ശ​മ്പ​ളം 12200-24310 രൂ​പ​യും കൂ​ടി​യ ശ​മ്പ​ളം 114000- 166400 എ​ന്ന ഘ​ട​ന​യി​ലു​മാ​ണെ​ന്ന് വി​വ​രാവ​കാ​ശ മ​റു​പ​ടി​യി​ൽ വ്യ​ക്ത​മാ​ക്കു​ന്നു.