ജീവനക്കാരുടെ അപകടമരണം കൂടുന്നു: കെ.എസ്​.ഇ.ബിക്ക്​ ആശങ്ക അനുശോചന യോഗം വിളിക്കാത്തതിൽ

കോഴിക്കോട്​: ​േജാലിക്കിടെ മരണമടയുന്ന ജീവനക്കാരുടെ എണ്ണം വർധിക്കു​േമ്പാഴും കെ.എസ്​.ഇ.ബിക്ക്​ ആശങ്ക അനുശോചനയോഗം വിളിക്കാത്തതിൽ. മുൻകാലങ്ങളിൽ ജോലിക്കിടെ അപകടത്തിൽ മരിക്കുന്നതിനുപിന്നാലെ കൃത്യമായി അനുശോചനയോഗം ചേരാറുണ്ടായിരുന്നെന്ന്​ ഭരണവിഭാഗം ​െസക്രട്ടറിയുടെ സർക്കുലറിൽ ഒാർമിപ്പിക്കുന്നു. ജീവനക്കാര​​െൻറ കുടുംബത്തിന്​ സഹായവും പിന്തുണയും ഉറപ്പുവരുത്താനായിരുന്നു അനുശോചന​േയാഗം ചേർന്നിരുന്നത്​. എന്നാൽ, ഒന്നിൽ കൂടുതൽ പേർ മരിച്ച സംഭവങ്ങളിൽ മാത്രമേ ഇപ്പോൾ അനുശോചനയോഗവും മൗനാചരണവും ഉണ്ടാവാറുള്ളൂവെന്നും സർക്കുലറിൽ വിവരിക്കു​ന്നു.

ഇനി അപകടമരണമുണ്ടാകു​ന്ന ദിവസമോ തൊട്ടടുത്ത ദിവസമോ വൈദ്യുതിഭവനിൽ ഒരു മിനിറ്റ്​ മൗനമാചരിക്കുകയും കെ.എസ്​.ഇ.ബി ഉന്നതരുടെ സന്ദേശം വായിക്കുകയും വേണ​െമന്ന വിചി​ത്രമായ നിർദേശമുണ്ട്​. വിലപ്പെട്ട ജീവൻ നഷ്​ടമായതിൽ ദുഃഖം രേഖപ്പെടുത്തണ​െമന്നാണ്​ സർക്കുലറിൽ പറയുന്നത്​. ഫീൽഡ്​ ലെവൽ ഒാഫിസുകളിലും മൗനാചരണവും അനുശോചനയോഗവും ഉടൻ നടത്തണം. 
പല ജീവനക്കാരുടെയും അപകടമരണങ്ങൾ ടി.വിയിലെ ഫ്ലാഷ്​ ന്യൂസിലൂടെയും പിറ്റേന്ന്​ പത്രങ്ങളിലൂടെയുമാണ്​ അറിയുന്നതെന്ന അഭിപ്രായമാണ്​ ഉന്നത ഉദ്യോഗസ്​ഥർക്ക്​. അതിനാൽ അപകടമരണമുണ്ടായാൽ  ഉടൻ അറിയിക്കണ​െമന്നും നിർദേശമുണ്ട്​.

അസിസ്​റ്റൻറ്​​ എൻജിനീയറോ അസിസ്​റ്റൻറ്​​ എക്​സിക്യൂട്ടിവ്​ എൻജിനീയറോ തങ്ങളു​ടെ പരിധിക്ക്​ കീഴിലുള്ള മരണങ്ങൾ അറിയിക്കണം. ഫോൺ വിളിച്ചോ എസ്​.എം.എസ്​ വഴിയോ മരിച്ചയാളുടെ കുടുംബവിവരങ്ങളടക്കമാണ്​ ഉന്നത ഉദ്യോഗസ്​ഥർക്ക്​ സംഭവം നടന്ന്​ ഒരു മണിക്കൂറിനകം എത്തിക്കേണ്ടത്​.  അതേസമയം, കരാർ ജീവനക്കാരടക്കമ​ുള്ളവർ നിരന്തരമായി അപകടത്തിൽ​െപടു​​​​ന്നത്​ തടയാൻ കഴിയാത്ത കെ.എസ്​.ഇ.ബി ഉന്നതർ ഇനി മരണമുണ്ടായാൽ  അനുശോചനയോഗത്തിന്​ നിർദേശം നൽകുന്നത്​ ക്രൂരതയാ​െണന്ന്​  ജീവനക്കാർ ചൂണ്ടിക്കാട്ടുന്നു. കഴിഞ്ഞമാസം മാ​ത്രം അഞ്ചുപേരാണ്​ ജോലിക്കിടെ ഷോക്കേറ്റ്​ മരിച്ചത്​. ഇതിൽ കരാർ ജീവനക്കാര​ുമുൾപ്പെടും.

കഴിഞ്ഞ അഞ്ച്​ വർഷത്തിനിടെ 160ലേറെ കെ.എസ്​.ഇ.ബി  ജീവനക്കാരാണ്​ മരിച്ചുവീണത്​. ഇതിൽ നൂറോളം പേർ കരാർ ജീവനക്കാരായിരുന്നു. മരിച്ചവരുടെ ബന്ധുക്കൾക്ക്​ ഏഴ്​ ലക്ഷം രൂപ നഷ്​ടപരിഹാരമായി നൽകുന്ന ബോർഡ്​, അപകടം തടയാൻ സജീവമായി ഇടപെടുന്നില്ലെന്നാണ്​ ആക്ഷേപം. മരണം വർധിക്കുന്നത്​ ഇതിന്​ തെളിവായി ചൂണ്ടിക്കാണിക്കപ്പെടുന്നു. അപകടസാധ്യതയുള്ള ജോലി ചെയ്യുന്നവരെ സംരക്ഷിക്കാൻ തൊഴില​ുടമക്ക്​ ബാധ്യതയുണ്ടെന്ന്​ ഹൈകോടതി ഉത്തരവിട്ടിരുന്നു. ജീവനക്കാർക്ക്​ സംരക്ഷണം നൽകുന്നത്​ മനുഷ്യാവകാശമാ​െണന്നും ഹൈകോ ടതി കെ.എസ്​.ഇ.ബിയെ ഒാർമിപ്പിച്ചിരുന്നു.