വൈദ്യുതി ലൈനിൽ തീപ്പൊരി; അറ്റകുറ്റപ്പണിക്കെത്തിയ കരാർ ജീവനക്കാരൻ ഷോക്കേറ്റ് മരിച്ചു

തലശ്ശേരി: കെ.എസ്.ഇ.ബി കരാർ ജീവനക്കാരൻ ഷോക്കേറ്റ് മരിച്ചു. പൊന്ന്യം കുണ്ടുചിറ സ്വദേശി രാജനാ(53)ണ് മരിച്ചത്. അറ്റകുറ്റപ്പണിക്കിടെയാണ് ഷോക്കേറ്റത്.

ഇന്നലെ രാത്രി കതിരൂന് സമീപമാണ് അപകടം. പാറംകുന്ന് പരിസരത്ത് വൈദ്യുത കമ്പിയിൽ നിന്ന് തീപ്പൊരി കണ്ടതിനെ തുടർന്ന് നാട്ടുകാർ രാജനെ വിളിക്കുകയായിരുന്നു. സമീപമുള്ള മരത്തിൽ തട്ടിനിന്ന വൈദ്യുതി ലൈൻ മാറ്റുന്നതിനിടെയാണ് ഷോക്കേറ്റത്.

സാരമായി പൊള്ളലേറ്റ രാജനെ തലശ്ശേരി സഹകരണ ആശുപത്രിയിൽ പ്രവേശിപ്പിച്ചെങ്കിലും രാത്രി വൈകി മരണത്തിന് കീഴടങ്ങി. മൃതദേഹം തലശ്ശേരി സഹകരണ ആശുപത്രി മോർച്ചറിയിൽ.