അണക്കെട്ടുകൾ  തുറന്നതില്‍ വീഴ്ച പറ്റിയിട്ടില്ലെന്ന് കെ.എസ്.ഇ.ബി

കോട്ടയം: കനത്ത മഴക്കിടെ സംസ്ഥാന​െത അണക്കെട്ടുകൾ തുറന്നതില്‍ വീഴ്ച പറ്റിയിട്ടില്ലെന്ന് കെ.എസ്.ഇ.ബി ചെയര്‍മാന്‍ എന്‍.എസ് പിള്ള. മുന്നറിയിപ്പുകളെല്ലാം കൃത്യമായ സമയത്ത് തന്നെ നല്‍കിയിരുന്നു. മുന്‍കരുതല്‍ നടപടികൾ എടുത്തിരുന്നതായും അതിനെല്ലാം തെളിവുള്ളതായും കെ.എസ്.ഇ.ബി ചെയര്‍മാന്‍ പറഞ്ഞു.

ജാഗ്രത മുന്നറിയിപ്പുകൾ നൽകിയ ശേഷമാണ്​ ഷട്ടറുകൾ തുറന്നത്​. പുഴയോരത്ത്​ വീടുള്ളവരോടും താഴ്​ന്ന പ്രദേശത്തുള്ളവരോടും മാറി താമസിക്കണമെന്ന്​ അറിയിച്ചിരുന്നതായും എന്‍.എസ് പിള്ള പറഞ്ഞു. കെ.എസ്​.ഇ.ബിയുടെ ലാഭക്കൊതിയും ഡാമുകൾ മുന്നറിയിപ്പില്ലാതെ തുറന്നു വിട്ടതുമാണ്​ സംസ്ഥാനത്ത്​​ പ്രളയത്തിനിടയാക്കിയതെന്ന​ പ്രതിപക്ഷ നേതാവ്​ രമേശ്​ ചെന്നിത്തലയുടെ ആരോപണങ്ങളോട്​ പ്രതികരിക്കുകയായിരുന്നു അദ്ദേഹം. 
 
ഡാമുകൾ തുറക്കുന്നതിന്​ മുന്നൊരുക്കമുണ്ടായില്ല. ജാഗ്രതാ നിർദേശങ്ങൾ നൽകിയില്ലെന്നും ജനങ്ങളെ മാറ്റിപ്പാർപ്പിച്ചില്ലെന്നും ചെന്നിത്തല വാർത്താസമ്മേളനത്തിൽ വിമർശിച്ചിരുന്നു.