വൈദ്യുതി മുടക്കം ഒഴിവാക്കാന് സഹകരിക്കണം -കെ.എസ്.ഇ.ബി
text_fieldsതിരുവനന്തപുരം: വൈദ്യുതി മുടക്കം ഒഴിവാക്കാന് ഉപഭോക്താക്കള് സഹകരിക്കണമെന്ന് കെ.എസ്.ഇ.ബി വാർത്തകുറിപ്പിൽ അഭ്യർഥിച്ചു. എ.സിയുടെ ഉപയോഗം കൂടിയതും വൈദ്യുതി വാഹനങ്ങള് കൂടുതലായി ചാര്ജ് ചെയ്യുന്നതും വിതരണ സംവിധാനത്തെ കാര്യമായി ബാധിച്ചിട്ടുണ്ട്. സംസ്ഥാനത്തിന്റെ ചില ഭാഗങ്ങളിലെങ്കിലും വൈകീട്ട് ആറു മുതല് 12 വരെ വൈദ്യുതി തടസ്സമുണ്ടാകുന്നുവെന്ന പരാതി വ്യാപകമാണ്.
വൈകീട്ട് ഏഴിന് ശേഷം പ്രസരണ വിതരണ ട്രാന്സ്ഫോര്മറുകളുടെ ലോഡ് ക്രമാതീതമായി വര്ധിക്കുന്ന സ്ഥിതിയുണ്ട്. വൈദ്യുതിയുടെ ഉപയോഗം കൂടുന്നതുകാരണം ലൈനില് ലോഡ് കൂടി ഫ്യൂസ് പോവുന്നതും വോള്ട്ടേജില് ഗണ്യമായ കുറവുണ്ടാവുന്നതും നിയന്ത്രിക്കാനാവാത്ത സ്ഥിതിയാണ്. കണക്കുകൂട്ടൽ തെറ്റിച്ചുള്ള വൈദ്യുതി ആവശ്യകത പ്രസരണ വിതരണ ശൃംഖലയെ ബാധിച്ചു. ഉപഭോക്താക്കളുടെ സഹകരണമുണ്ടെങ്കില് വൈദ്യുതി വിതരണം തടസ്സരഹിതമാക്കാന് കഴിയും.
എ.സിയുടെ താപനില 25 ഡിഗ്രി സെല്ഷ്യസിലോ അതിനുമുകളിലോ ആക്കി നിലനിര്ത്തണം. വാഷിങ് മെഷീനിൽ തുണികള് കഴുകുന്നതും ഇസ്തിരിയിടുന്നതും പമ്പ് സെറ്റുകളുടെ ഉപയോഗവും രാത്രിയിൽ ഒഴിവാക്കണം. അത്യാവശ്യമല്ലാത്ത ലൈറ്റുകള് അണക്കണം. വൈദ്യുതി ഉപയോഗിച്ചുള്ള പാചകവും കഴിയുന്നിടത്തോളം ഈ സമയത്ത് ഒഴിവാക്കണമെന്ന് കെ.എസ്.ഇ.ബി അഭ്യർഥിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.