കെ.എസ്​.ഇ.ബി നഷ്​ടം: 494.29 കോ​ടി ഏറ്റെടുത്ത്​ സർക്കാർ

തി​രു​വ​ന​ന്ത​പു​രം: കെ.​എ​സ്.​ഇ.​ബി​യു​ടെ ന​ട​പ്പു സാ​മ്പ​ത്തി​ക​വ​ർ​ഷ​ത്തെ ന​ഷ്​​ട​ത്തി​ന്‍റെ 90 ശ​ത​മാ​ന​മാ​യ 494.29 കോ​ടി രൂ​പ സ​ർ​ക്കാ​ർ ഏ​റ്റെ​ടു​ത്തു. ഈ ​തു​ക കെ.​എ​സ്.​ഇ​ബി​ക്ക്​ കൈ​മാ​റാ​ൻ ധ​ന​വ​കു​പ്പ്​ അ​നു​മ​തി ന​ൽ​കി. സ​ര്‍ക്കാ​റി​ന് കൂ​ടു​ത​ല്‍ വാ​യ്പ​യെ​ടു​ക്കു​ന്ന​തി​ന് കേ​ന്ദ്രം മു​ന്നോ​ട്ടു​വെ​ച്ച നി​ബ​ന്ധ​ന പ്ര​കാ​ര​മാ​ണി​ത്. കെ.​എ​സ്.​ഇ.​ബി​യു​ടെ ന​ഷ്ടം ഏ​റ്റെ​ടു​ത്താ​ല്‍ മൊ​ത്തം ആ​ഭ്യ​ന്ത​ര വ​രു​മാ​ന​ത്തി​ന്റെ അ​ര ശ​ത​മാ​ന​മാ​യ ആ​റാ​യി​രം കോ​ടി​യി​ല​ധി​കം രൂ​പ സ​ര്‍ക്കാ​റി​ന് ഈ ​വ​ര്‍ഷം കൂ​ടു​ത​ല്‍ ക​ട​മെ​ടു​ക്കാം.

കെ.​എ​സ്.​ഇ.​ബി​യു​ടെ 2023-24ലെ ​ന​ഷ്ടം 549.21 കോ​ടി​യാ​ണ് 2022-23ൽ ​ന​ഷ്ട​ത്തി​ന്‍റെ 75 ശ​ത​മാ​ന​മാ​യ 767.715 കോ​ടി രൂ​പ സ​ർ​ക്കാ​ർ ഏ​റ്റെ​ടു​ത്തി​രു​ന്നു. 15-ാം ധ​ന​കാ​ര്യ ക​മീ​ഷ​ന്റെ ശി​പാ​ര്‍ശ​പ്ര​കാ​രം 2022-23ലാ​ണ് ഈ ​അ​ധി​ക വാ​യ്പ പ​ദ്ധ​തി കേ​ന്ദ്രം തു​ട​ങ്ങി​യ​ത്. വൈ​ദ്യു​തി മേ​ഖ​ല പ​രി​ഷ്‌​ക​ര​ണ​ത്തി​നു​ള്ള ഉ​പാ​ധി​ക​ൾ അം​ഗീ​ക​രി​ച്ചാ​ൽ മൊ​ത്തം ആ​ഭ്യ​ന്ത​ര വ​രു​മാ​ന​ത്തി​ന്റെ അ​ര ശ​ത​മാ​നം അ​ധി​കം ക​ട​മെ​ടു​ക്കാ​ൻ അ​നു​വ​ദി​ക്കു​ന്ന പ​ദ്ധ​തി​യി​ൽ സ​ർ​ക്കാ​ർ താ​ൽ​പ​ര്യം കാ​ട്ടി​യ​ത്​ പ്ര​തി​സ​ന്ധി​ നേ​രി​ടു​ന്ന കെ.​എ​സ്.​ഇ.​ബി​ക്ക്​ ആ​ശ്വാ​സം ന​ൽ​കും.