കെ.പി.സി.സി സമരാഗ്നി; നീതി നിഷേധിക്കപ്പെട്ടവരുടെ പ്രവാഹമായി ചർച്ച സദസ്സ്

തി​രു​വ​ന​ന്ത​പു​രം: കേ​ന്ദ്ര-​സം​സ്ഥാ​ന സ​ർ​ക്കാ​റു​ക​ളു​ടെ ജ​ന​ദ്രോ​ഹ ന​യ​ങ്ങ​ൾ​ക്കെ​തി​രേ കെ.​പി.​സി.​സി ന​ട​ത്തു​ന്ന സ​മ​രാ​ഗ്നി പ്ര​ക്ഷോ​ഭ​യാ​ത്ര​യു​ടെ ഭാ​ഗ​മാ​യി ജി​ല്ല​യി​ൽ സം​ഘ​ടി​പ്പി​ച്ച ജ​ന​കീ​യ ച​ർ​ച്ച സ​ദ​സ്സി​ൽ പ​​ങ്കെ​ടു​ത്ത്​ നീ​തി നി​ഷേ​ധി​ക്ക​പ്പെ​ട്ട​വ​ർ. കെ.​പി.​സി.​സി പ്ര​സി​ഡ​ന്റ് കെ. ​സു​ധാ​ക​ര​നും പ്ര​തി​പ​ക്ഷ നേ​താ​വ് വി.​ഡി. സ​തീ​ശ​നും സ​മൂ​ഹ​ത്തി​ന്റെ വി​വി​ധ തു​റ​ക​ളി​ലു​ള്ള​വ​രു​ടെ പ​രാ​തി​ക​ൾ കേ​ട്ടു.

പേ​പ്പാ​റ സെ​റ്റി​ൽ​മെ​ന്റ് കോ​ള​നി​യി​ൽ കാ​ട്ടാ​ന​ക​ളു​ടെ ആ​ക്ര​മ​ണ​ത്തി​ൽ കൊ​ല്ല​പ്പെ​ട്ട​വ​രു​ടെ വി​ധ​വ​ക​ളാ​യ സാ​വി​ത്രി​യും ല​ളി​ത​യു​മാ​ണ് ച​ർ​ച്ച സ​ദ​സ്സി​ൽ ആ​ദ്യം എ​ത്തി​യ​ത്. ഇ​രു​വ​ർ​ക്കും അ​ർ​ഹ​മാ​യ ന​ഷ്ട​പ​രി​ഹാ​രം ഇ​തു​വ​രെ ല​ഭി​ച്ചി​ട്ടി​ല്ല. സാ​വി​ത്രി​യു​ടെ ഭ​ർ​ത്താ​വ് ത​ന്റെ കൃ​ഷി​യി​ടം ആ​ന​ക്കൂ​ട്ടം ന​ശി​പ്പി​ക്കു​ന്ന​ത് ക​ണ്ടു നെ​ഞ്ചു​പൊ​ട്ടി മ​രി​ച്ചു. മ​ര​ണ​കാ​ര​ണം ഹൃ​ദ​യാ​ഘാ​ത​മാ​ണെ​ന്ന കാ​ര​ണ​ത്താ​ൽ ആ​നു​കൂ​ല്യം നി​ഷേ​ധി​ച്ചു. വി​തു​ര പേ​പ്പാ​റ​യി​ൽ വ​ന്യ​മൃ​ഗ​ങ്ങ​ളു​ടെ ആ​ക്ര​മ​ണ​ത്തെ തു​ട​ർ​ന്ന് ജീ​വി​ക്കു​ന്ന ര​ക്ത​സാ​ക്ഷി​ക​ളാ​യി മാ​റി​യ രാ​ജേ​ന്ദ്ര​നും ത​ങ്ക​പ്പ​നും അ​നു​ഭ​വ​ങ്ങ​ൾ പ​ങ്കു​വെ​ച്ച​പ്പോ​ൾ സ​ദ​സ്സ് ദുഃ​ഖ സാ​ന്ദ്ര​മാ​യി.

രാ​ജേ​ന്ദ്ര​നെ ക​ര​ടി​യാ​ണ് ആ​ക്ര​മി​ച്ച​ത്. ഇ​രു കൈ​ക​ളു​ടെ​യും സ്വാ​ധീ​നം ന​ഷ്ട​പ്പെ​ട്ടു. ത​ങ്ക​പ്പ​ന്റെ അ​ടി​വ​യ​റ്റി​ൽ കാ​ട്ടു​പോ​ത്ത് തേ​റ്റ കൊ​ണ്ട് കു​ത്തി. കു​ട​ൽ​മാ​ല പു​റ​ത്തു​വ​ന്ന നി​ല​യി​ലാ​യി​രു​ന്നു. ല​ക്ഷ​ങ്ങ​ൾ ചെ​ല​വി​ട്ട്​ ചി​കി​ത്സ ചെ​യ്തു. ഇ​വ​ർ​ക്ക് ല​ഭി​ച്ച​താ​ക​ട്ടെ 5000 രൂ​പ​യു​ടെ സ​ർ​ക്കാ​ർ സ​ഹാ​യം. മാ​ണി​ക്ക​ൽ ഗ്രാ​മ​പ​ഞ്ചാ​യ​ത്തി​ൽ​നി​ന്നു​ള്ള ക​ർ​ഷ​ക​രു​ടെ പ്ര​ധാ​ന പ​രാ​തി​യും വ​ന്യ​മൃ​ഗ​ശ​ല്യ​മാ​ണ്. കാ​ട്ടു​പ​ന്നി​യും കു​ര​ങ്ങും മ​യി​ലും ത​ങ്ങ​ളു​ടെ കൃ​ഷി ന​ശി​പ്പി​ക്കു​ന്ന​തി​ലു​ള്ള ദുഃ​ഖം പ​ങ്കു​വെ​ച്ച​ത് വാ​സു​ദേ​വ​ൻ നാ​യ​രും സ​ന്തോ​ഷ് ഇ​ട​ങ്ങ​യി​ലു​മാ​ണ്.

കാ​രു​ണ്യ മെ​ഡി​ക്ക​ൽ സ്റ്റോ​ർ വ​ഴി മ​രു​ന്നു​ക​ൾ കി​ട്ടാ​ത്ത​തി​നു​ള്ള നൊ​മ്പ​ര​മാ​ണ് നി​ർ​ധ​ന കി​ഡ്നി, വൃ​ക്ക, അ​ർ​ബു​ദ രോ​ഗി​ക​ൾ​ക്ക് പ​റ​യാ​നു​ണ്ടാ​യി​രു​ന്ന​ത്. മെ​ഡി​ക്ക​ൽ കോ​ള​ജി​ലെ സെ​ക്യൂ​രി​റ്റി ജീ​വ​ന​ക്കാ​രു​ടെ പെ​രു​മാ​റ്റ ദൂ​ഷ്യ​വും സ​ദ​സ്സി​ൽ ചൂ​ണ്ടി​ക്കാ​ണി​ക്ക​പ്പെ​ട്ടു.കു​ട്ടി​ക​ൾ​ക്കി​ട​യി​ലു​ള്ള ല​ഹ​രി​വ്യാ​പ​ന​ത്തെ​ക്കു​റി​ച്ചും സ​ദ​സ്സ് ച​ർ​ച്ച ചെ​യ്തു.

പി.​എ​സ്‌.​സി റാ​ങ്ക് ഹോ​ൾ​ഡേ​ഴ്സ് വി​കാ​രാ​ധീ​ന​രാ​യി പ്ര​ശ്ന​ങ്ങ​ൾ പ​ങ്കു​വെ​ച്ചു. ക​ഴി​ഞ്ഞ ഒ​ന്നാം തീ​യ​തി കി​ട്ടേ​ണ്ട ശ​മ്പ​ളം ഇ​തു​വ​രെ കി​ട്ടി​യി​ല്ലെ​ന്ന പ​രാ​തി പ​റ​ഞ്ഞ് കെ.​എ​സ്.​ആ​ർ.​ടി.​സി ജീ​വ​ന​ക്കാ​രും ച​ർ​ച്ച​യി​ൽ പ​ങ്കെ​ടു​ത്തു. ദ​ലി​ത് ക്രൈ​സ്ത​വ​ർ​ക്ക് ന​ൽ​കി​യി​രു​ന്ന പ​ട്ടി​ക​ജാ​തി​ക്കാ​ർ​ക്ക് തു​ല്യ​മാ​യ ആ​നു​കൂ​ല്യം പു​നഃ​സ്ഥാ​പി​ക്ക​ണ​മെ​ന്ന് ച​ർ​ച്ച​യി​ൽ ആ​വ​ശ്യം ഉ​യ​ർ​ന്നു. കെ-​റെ​യി​ൽ പ​ദ്ധ​തി​യു​ടെ ദു​രി​ത​മ​നു​ഭ​വി​ക്കു​ന്ന​വ​ർ ച​ർ​ച്ച​യി​ൽ പ​ങ്കെ​ടു​ത്തു. പ​ദ്ധ​തി നോ​ട്ടി​ഫി​ക്കേ​ഷ​ൻ ചെ​യ്യു​ക, സ​മ​രം ചെ​യ്ത​വ​ർ​ക്ക് എ​തി​രെ എ​ടു​ത്ത കേ​സു​ക​ൾ പി​ൻ​വ​ലി​ക്കു​ക തു​ട​ങ്ങി ആ​വ​ശ്യ​ങ്ങ​ളാ​ണ് ഇ​ര​ക​ളു​ടെ പ്ര​തി​നി​ധി​ക​ളാ​യ ജോ​യി പ​ള്ളി​പ്പു​റം, ന​സീ​റ സു​ലൈ​മാ​ൻ എ​ന്നി​വ​ർ ഉ​ന്ന​യി​ച്ച​ത്.

പ​ഴ​കു​ളം മ​ധു അ​ധ്യ​ക്ഷ​ത​വ​ഹി​ച്ചു. ശ​ശി ത​രൂ​ർ എം.​പി, പാ​ലോ​ട് ര​വി, അ​ടൂ​ർ പ്ര​കാ​ശ് എം.​പി, എം.​എ​ൽ.​എ​മാ​രാ​യ എം. ​വി​ൻ​സ​ന്റ്, സ​ജീ​വ് ജോ​സ​ഫ്, ടി. ​സി​ദ്ദീ​ഖ്, വി.​എ​സ്. ശി​വ​കു​മാ​ർ, ചെ​റി​യാ​ൻ ഫി​ലി​പ്, കെ.​പി. ശ്രീ​കു​മാ​ർ, മ​രി​യാ​പു​രം ശ്രീ​കു​മാ​ർ, ജി. ​സു​ബോ​ധ​ൻ, ജി.​എ​സ്. ബാ​ബു, അ​യി​ര സു​രേ​ന്ദ്ര​ൻ എ​ന്നി​വ​ർ പ​ങ്കെ​ടു​ത്തു.