Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightകെ.പി.സി.സി അധ്യക്ഷൻ:...

കെ.പി.സി.സി അധ്യക്ഷൻ: ചെന്നിത്തലയുടെ പ്രമേയത്തെ സതീശനും മുരളീധരനും പിന്താങ്ങി; തീരുമാനം എ.ഐ.സി.സി പ്രസിഡന്‍റിന്​ വിട്ടു

text_fields
bookmark_border
kpcc meeting
cancel
camera_alt

കെ.​പി.​സി.​സി ജ​ന​റ​ൽ ബോ​ഡി യോ​ഗ​ത്തി​ൽ എ.​കെ. ആ​ന്‍റ​ണി, ര​മേ​ശ് ചെ​ന്നി​ത്ത​ല,കെ.​സി. വേ​ണു​ഗോ​പാ​ൽ, കെ.​പി.​സി.​സി പ്ര​സി​ഡ​ന്‍റ്​ കെ. ​സു​ധാ​ക​ര​ൻ, പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ൻ തു​ട​ങ്ങി​യ​വ​ർ

തിരുവനന്തപുരം: കെ.പി.സി.സി അധ്യക്ഷനെയും എ.ഐ.സി.സി അംഗങ്ങളെയും നിശ്ചയിക്കാൻ എ.ഐ.സി.സി പ്രസിഡന്‍റ് ​സോണിയ ഗാന്ധിയെ കെ.പി.സി.സി ജനറൽ ബോഡി യോഗം ചുമതലപ്പെടുത്തി. ഇതുസംബന്ധിച്ച ഒറ്റവരി പ്രമേയം യോഗം ഐകകണ്​ഠ്യേന അംഗീകരിച്ചു.

വ്യാഴാഴ്ച രാവിലെ കെ.പി.സി.സി ആസ്ഥാനമായ ഇന്ദിര ഭവനിൽ പ്രദേശ്​ റിട്ടേണിങ്​​ ഓഫിസർ ജി. പരമേശ്വര, അസി. റിട്ടേണിങ്​​ ഓഫിസർ അരിവ്​ അഴകൻ, കേരളത്തിന്‍റെ ചുമതലയുള്ള എ.ഐ.സി.സി ജന.സെക്രട്ടറി താരിഖ്​ അൻവർ എന്നിവരുടെ സാന്നിധ്യത്തിൽ ചേർന്ന ജനറൽബോഡി യോഗം സംഘടന തെരഞ്ഞെടുപ്പിന്‍റെ ഭാഗമായ നടപടിക്രമങ്ങൾ ഔപചാരികമായി പൂർത്തീകരിച്ച്​ അഞ്ച്​ മിനിറ്റിനുള്ളിൽ പിരിഞ്ഞു.

സംസ്ഥാനത്തെ പുതിയ കെ.പി.സി.സി അംഗങ്ങൾ ഉൾപ്പെടുന്ന ജനറൽബോഡി യോഗമാണ്​ വ്യാഴാഴ്ച ചേർന്നത്​. നേരത്തേ തീരുമാനിച്ചിരുന്നതിലും ഒരുമണിക്കൂർ വൈകി ആരംഭിച്ച യോഗത്തിൽ കെ.പി.സി.സി അധ്യക്ഷനെയും എ.ഐ.സി.സി അംഗങ്ങളെയും നിശ്ചയിക്കാൻ എ.ഐ.സി.സി പ്രസിഡന്‍റ്​ സോണിയ ഗാന്ധിയെ ചുമതലപ്പെടുത്തുന്നെന്ന പ്രമേയം രമേശ്​ ചെന്നിത്തലയാണ്​ അവതരിപ്പിച്ചത്​.

പ്രതിപക്ഷനേതാവ്​ വി.ഡി. സതീശൻ, നേതാക്കളായ കെ. മുരളീധരൻ, എം.എം. ഹസൻ, കെ.സി. ജോസഫ്​, കൊടിക്കുന്നിൽ സുരേഷ്​ എന്നിവർ പിന്താങ്ങി. യോഗത്തിൽ സംബന്ധിച്ചവരെല്ലാം പ്രമേയത്തോട്​ യോജിച്ചതോടെ ഐകകണ്​ഠ്യേന അംഗീകരിച്ചു.

സമവായത്തിന്‍റെ ഭാഗമായി കെ. സുധാകരനെ വീണ്ടും കെ.പി.സി.സി അധ്യക്ഷനാക്കാൻ സംസ്ഥാന​ നേതാക്കൾക്കിടയിൽ ധാരണയുണ്ട്​. അതിനാൽ കെ.പി.സി.സി അധ്യക്ഷനെ തീരുമാനിക്കാൻ മുൻകാലങ്ങളിലേതുപോലെ എ.ഐ.സി.സി പ്രസിഡന്‍റിനെ ചുമതലപ്പെടുത്തുന്ന പ്രമേയം അംഗീകരിച്ച്​ ജനറൽ ബോഡി യോഗം പിരിയുമെന്ന്​ നേരത്തേ വ്യക്തമായിരുന്നു. പ്രമേയത്തിന്‍റെ അടിസ്ഥാനത്തിൽ എ.ഐ.സി.സി പ്രസിഡന്‍റ്​ ഉടൻ തീരുമാനമെടുക്കുമെന്ന്​ യോഗത്തിനു ​ശേഷം നടത്തിയ വാർത്തസമ്മേളനത്തിൽ ജി. പരമേശ്വര പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Sonia Gandhik SudhakaranAICCKPCC President
News Summary - KPCC President: The decision is left to the AICC President
Next Story