കെ.പി.സി.സി ഭാരവാഹികളെ പ്രഖ്യാപിച്ചു

ന്യൂഡൽഹി: കെ.പി.സി.സി ഭാരവാഹികളുടെ ആദ്യഘട്ട പട്ടിക പുറത്തിറക്കി. 47 പേർ പട്ടികയിൽ ഇടംപിടിച്ചിട്ടുണ്ട്​. ഇപ്പോൾ പുറത്ത്​ വിട്ട പട്ടികയിൽ വർക്കിങ്​ പ്രസിഡൻറുമാരില്ല.12 വൈസ്​ പ്രസിഡൻറുമാർ, 34 ജനറൽ സെക്രട്ടറിമാർ, ട്രഷർ എന്നിവരടങ്ങുന്നതാണ്​ പട്ടിക. കെ.കെ കൊച്ചുമുഹമ്മദാണ്​ ട്രഷർ.

പി.സി വിഷ്​ണുനാഥ്​, പദ്​മജ വേണുഗോപാൽ, ടി.സിദ്ധിഖ്​ എന്നിവരെയെല്ലാം വൈസ്​ പ്രസിഡൻറുമാരാക്കിയിട്ടുണ്ട്​. ജംബോ പട്ടിക ഒഴിവാക്കാൻ ദിവസങ്ങൾ ചർച്ച നടത്തിയെങ്കിലും ഇത്​ ഫലം കണ്ടില്ലെന്ന സൂചനകളാണ്​ ആദ്യഘട്ട പട്ടികയിൽ നിന്ന്​ ലഭിക്കുന്നത്​.