കർണാടക കോൺഗ്രസ് ഏർപ്പെടുത്തിയ ആദ്യ ബസ് കേരളത്തിലേക്ക്​  പുറപ്പെട്ടു

ബംഗളൂരു: ലോക്ക് ഡൗണിൽ ബംഗളൂരുവിൽ കുടുങ്ങികിടക്കുന്ന മലയാളികളെ നാട്ടിലെത്തിക്കുന്നതി​​െൻറ ഭാഗമായി കർണാടക കോൺഗ്രസ് ഏർപ്പെടുത്തിയ ആദ്യ ബസ് പുറപ്പെട്ടു. തിങ്കളാഴ്ച രാത്രി ബംഗളൂരുവിലെ കോൺഗ്രസ് ഭവന് മുന്നിൽ കർണാടക പ്രദേശ് കോൺഗ്രസ് കമ്മിറ്റി പ്രസിഡൻറ് ഡി.കെ. ശിവകുമാർ ബസി​​​െൻറ ഫ്ലാഗ് ഒാഫ് നിർവഹിച്ചു.  

കുമളി വഴി കായംകുളത്തേക്കുള്ള ബസിൽ 25പേരാണുള്ളത്. കർണാടക കോൺഗ്രസാണ് യാത്രക്കാരുടെ ചിലവ് വഹിക്കുന്നത്. ചൊവ്വാഴ്ച അതിർത്തി കടക്കാനുള്ള കേരളത്തി​​െൻറ പാസ് ലഭിച്ചിട്ടുള്ളവരാണ് ബസിലുള്ളത്. പാസ് ലഭിച്ചിട്ടുള്ളവർക്കാണ് സൗജന്യ യാത്ര ഒരുക്കുന്നത്. 

യാത്രയുടെ ചുമതലയുള്ള എൻ.എ. ഹാരിസ് എം.എൽ.എ, കർണാടക പ്രവാസി േകാൺഗ്രസ് പ്രസിഡൻറ് സത്യൻ പുത്തൂർ, ജനറൽ സെക്രട്ടറി വിനു തോമസ്, കോൺഗ്രസ് സോഷ്യൽ മീഡിയ േകാ-ഒാഡിനേറ്റർ എൻ.എ മുഹമ്മദ് ഹാരിസ് നാലപ്പാട്, ബാംഗ്ലൂർ കേരള സമാജം ജനറൽ സെക്രട്ടറി റെജികുമാർ തുടങ്ങിയവർ സംബന്ധിച്ചു.