കെ.പി.സി.സി ജനറൽ സെക്രട്ടറി ജി. രതികുമാർ കോൺഗ്രസ്​ വിട്ടു, എ.കെ.ജി സെന്‍ററിലെത്തി

തിരുവനന്തപുരം: കോൺ​ഗ്രസിൽ നിന്നും രാജി തുടരുന്നു. കെ.പി.സി.സി ജനറൽ സെക്രട്ടറി ജി. രതികുമാറാണ്​ രാജിവെച്ചത്​. രതികുമാർ ഉടൻ സി.പി.എമ്മിൽ ചേർന്നേക്കും. ഇതിന്​ മുന്നോടിയായി രതികുമാർ എ.കെ.ജി സെന്‍ററിലെത്തിയതായാണ്​ വിവരം.

സംഘടനാപരമായ വിഷയങ്ങളിലുള്ള അതൃപ്​തിയാണ്​ രാജിക്ക്​ കാരണമെന്ന്​ വിവരം. കാസർകോട് ജില്ലയുടെ ചുമതല വഹിച്ചിരുന്ന ജനറൽ സെക്രട്ടറിയായിരുന്നു രതികുമാർ. കൊല്ലം ജില്ലയിലെ കൊട്ടാരക്കര സ്വദേശിയാണ്​.