കെ.പി.സി.സി ഭാരവാഹികൾക്ക്​ ചുമതലകളായി; കെ.പി. അനിൽകുമാറിന്​ സംഘടന ചുമതല

തിരുവനന്തപുരം: ഏറെ നാളുകളായി നടക്കുന്ന ചർച്ചകൾക്കൊട​ുവിൽ കെ.പി.സി.സി ഭാരവാഹികൾക്കുള്ള ചുമതലകൾ വിഭജിച്ചു നൽകി. കെ.പി. അനിൽ കുമാറിനാണ്​ സംഘടന ച​ുമതല. എ.ഐ.സി.സിയുമായുള്ള ഏകോപനം പി​.സി വിഷ്​ണുനാഥ്​ നിർവഹിക്കും. മഹിള കോൺഗ്രസി​​െൻറ ചുമതല പത്മജ വേണുഗോപാലിനാണ്​. യൂത്ത്​ കോൺഗ്രസി​​െൻറ ചുമതല സി.ആർ. മഹേഷിന്​ നൽകി​.

കെ.എസ്​.യുവി​​െൻറ ചുമതല ജയ്​സൺ ജോസഫിനാണ്​. കെ.പി.സി.സി ഓഫീസി​​െൻറയും നിയമസഭ, പാർലമ​െൻറ്​ തെരഞ്ഞെടുപ്പുകളുടെയും ചുമതല തമ്പാനൂർ രവിക്ക് നൽകി.​ ശൂരനാട്​ രാജശേഖരനാണ് മാധ്യമ ഏകോപനത്തി​​െൻറ ചുമതല​. കേന്ദ്ര സർക്കാർ ജീവനക്കാരുടെ സംഘടനകളുടെ ചുമതല ജോസഫ്​ വാഴക്കനും സർവീസ്​ സംഘടനകളുടെ ചുമതല ടി. സിദ്ധിഖിനും നൽകി.  മണക്കാട്​ സുരേഷിന്​ അസംഘടിത മേഖലകളിലെ യൂണിയനുകളുടെയും കെ.പി. ധനപാലന്​ ഐ.എൻ.ടി.യു.സിയുടെയും ചുമതല നൽകി.

കഴിഞ്ഞ മാസം ചുമതല വിഭജനം നടത്തിയിരുന്നെങ്കിലും ഗ്രൂപ്പുകൾ തമ്മിലുള്ള അഭിപ്രായ വ്യത്യാസങ്ങൾ കാരണം ഈ പട്ടിക മരവിപ്പിക്കുകയായിരുന്നു. കെ.പി.സി.സി പ്രസിഡൻറ്​ വിവിധ നേതാക്കളുമായി നടത്തിയ ചർച്ച​ക്ക്​ ശേഷമാണ്​ ചുമതല വിഭജനത്തി​​െൻറ പുതിയ പട്ടിക തയാറാക്കിയത്​.