ശശികലയുടെ അറസ്​റ്റ്​ വൈകിപ്പിച്ചു; എസ്.പിക്കെതിരെ റിപ്പോർട്ട്​

തിരുവനന്തപുരം: ശബരിമലയിൽ നിരോധനാജ്​ഞ ലംഘിച്ച ഹിന്ദു ഐക്യവേദി സംസ്ഥാന അധ്യക്ഷ കെ.പി. ശശികലയെ അറസ്​റ്റ്​ ചെ യ്യാന്‍ താമസം നേരിട്ടത്​ അന്ന്​ ചുമതലയിലുണ്ടായിരുന്ന എസ്​.പിയുടെ വീഴ്​ചകൊണ്ടെന്ന്​ ​െഎ.ജിയുടെ റിപ്പോർട്ട ്​. മരക്കൂട്ടം മേഖലയുടെ ചുമതലയുണ്ടായിരുന്ന എസ്.പി സുദര്‍ശനനെതിരെ കൊച്ചി റേഞ്ച്​ ​ഐ.ജി വിജയ് സാക്കറെയാണ്​ ഡി.ജി.പി ലോക്​നാഥ്​ ബെഹ്​റക്ക്​ റിപ്പോർട്ട്​ നൽകിയത്​. റിപ്പോര്‍ട്ടി​​​െൻറ അടിസ്ഥാനത്തില്‍ എസ്.പി സുദര്‍ശനനോട് ഡി.ജി.പി ലോക്‌നാഥ് ബെഹ്‌റ വിശദീകരണം തേടും.

നവംബർ 16നാണ്​ ശശികലയെ അറസ്​റ്റ്​ ചെയ്തത്. മരക്കൂട്ടത്ത് ശശികലയെത്തുമ്പോള്‍ എസ്.പിയും ഡിവൈ.എസ്.പിയും സ്ഥലത്തുണ്ടായിരുന്നില്ല. സംഘർഷ സാധ്യത കാരണം നിരോധനാജ്ഞ പ്രഖ്യാപിച്ച ​ശബരിമലയിലേക്ക് പോകരുതെന്നും തിരിച്ചുപോകണമെന്നുമുള്ള പൊലീസ് നിര്‍ദേശം അവഗണിച്ച്​ ശശികല അഞ്ചുമണിക്കൂറോളമാണ് മരക്കൂട്ടത്ത് കുത്തിയിരുന്നത്.

സ്​റ്റേഷൻ ചുമതലയുള്ള ഉദ്യോഗസ്ഥന്‍ അറസ്​റ്റ്​ രേഖപ്പെടുത്തിയാല്‍ മതിയെന്നായിരുന്നു എസ്.പിയുടെ നിലപാട്​. പിന്നീട്​ ഉന്നത പൊലീസ്​ ഉദ്യോഗസ്ഥരുടെ അഭാവത്തില്‍ പുലർച്ച രണ്ടിന്​ വനിതാ പൊലീസ് എത്തിയാണ്​ ശശികലയെ അറസ്​റ്റ്​ ചെയ്തത്. ഈ വനിതാ പൊലീസുകാരെ പിന്നീട് അനുമോദിക്കുകയും ചെയ്തിരുന്നു.