വി.ഡി. സതീശനെതിരെ വനിത കമീഷനിൽ ശശികല പരാതി നൽകി

തിരുവനന്തപുരം: പറവൂരിലെ വിവാദ പ്രസംഗത്തി​െൻറ പേരിൽ കേസ്​ നേരിടുന്ന ഹിന്ദു ഐക്യവേദി സംസ്ഥാന പ്രസിഡൻറ് കെ.പി. ശശികല വി.ഡി. സതീശൻ എം.എൽ.എക്കെതിരെ സംസ്ഥാന വനിത കമീഷനിൽ പരാതി നൽകി. അടിസ്ഥാനരഹിതമായ പരാതി നൽകിയതിലൂടെ എം.എൽ.എ ത​​െൻറ അഭിമാനത്തിന് ക്ഷതമേൽപ്പി​െച്ചന്ന്​ ഹരജിയിൽ ശശികല ആരോപിച്ചു​. നിലവിലുള്ള കേസി​െൻറ വിശദാംശങ്ങൾ സംസ്ഥാന പൊലീസ്​ മേധാവിയിൽനിന്ന് വാങ്ങുകയും എം.എൽ.എയെ വിളിച്ചുവരുത്തി അന്വേഷണം നടത്തുകയും വേണമെന്നാണ്​ ആവശ്യം. താൻ പ്രകോപനപരമായി പ്രസംഗിച്ചിട്ടില്ലെന്നും എം.എൽ.എ പ്രസംഗം കേട്ടിട്ടില്ലെന്നും ശശികല ചൂണ്ടിക്കാട്ടി. പരാതിയിൽ തുടർനടപടി സ്വീകരിക്കുമെന്ന് വനിത കമീഷൻ ചെയർപേഴ്​സൺ എം.സി. ജോസഫൈൻ അറിയിച്ചു.

കേരളത്തിലും മോദി ഉണ്ടാവണമെന്ന് പിണറായി ആഗ്രഹിക്കുന്നു -കെ.പി. ശശികല
തിരുവനന്തപുരം: കേരളത്തിലും നരേന്ദ്ര മോദി ഉണ്ടാവണമെന്ന് മുഖ്യമന്ത്രി പിണറായി വിജയൻ ആഗ്രഹിക്കു​െന്നന്ന് ഹിന്ദു ഐക്യവേദി പ്രസിഡൻറ് കെ.പി. ശശികല. കിഴക്കേകോട്ട പ്രിയദർശിനി ഹാളിൽ ഹിന്ദു സംഘടനകൾ നൽകിയ സ്വീകരണയോഗത്തിൽ മറുപടി പറയുകയായിരുന്നു അവർ. ത‍​െൻറ പ്രഭാഷണത്തി​െൻറ വാൽ എടുത്താണ് വി.ഡി. സതീശൻ ഒരു ചാനലിനുകൊടുത്തത്. സർക്കാർ തനിക്കെതിരെ കേസെടുത്തത് വിഡ്​ഢിത്തമായെന്നും ശശികല അഭിപ്രായപ്പെട്ടു. സ്വീകരണ സമ്മേളനം സംവിധായകൻ രാജസേനൻ ഉദ്ഘാടനം ചെയ്തു. അഡ്വ. അയ്യപ്പൻപിള്ള അധ്യക്ഷത വഹിച്ചു.