കോഴിക്കോട് മിന്നലേറ്റ് ഒരാൾ മരിച്ചു

കോഴിക്കോട്: ജില്ലയിൽ ആറുപേർക്ക് മിന്നലേറ്റു, ഒരാൾ മരിച്ചു. കൂടരഞ്ഞി കൂമ്പാറ മുണ്ടുമല ഇളംപുള്ളിയിൽ ജെയ്സണാണ് മരിച്ചത്. കൂമ്പാറയിൽ രണ്ടുപേർക്കും താമരശ്ശേരിയിൽ നാലുപേർക്കുമാണ് മിന്നലേറ്റത്. ഇന്ന് ​വൈകീട്ട് 5 മണിക്ക് ശേഷമാണ് സംഭവം.

വൈകീട്ട് ജില്ലയിൽ കനത്ത മഴയാണ് അനുഭവപ്പെട്ടത്. ഇടിമിന്നലും ഉണ്ടായിരുന്നു. മുണ്ടുമലയി​ലെ ത​ന്റെ കോഴിഫാമിൽ പോയപ്പോഴാണ് ജെയ്സണ് മിന്നലേറ്റത്. ഉടൻ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. താമരശ്ശേരിയിൽ മിന്നലേറ്റ നാലുപേരും അപകടനില തരണം ചെയ്തു.