കോഴിക്കോട് റെയിൽവേ വികസനം: ഉന്നതതല സംഘം ആഗസ്​റ്റിൽ എത്തും

ന്യൂഡല്‍ഹി: കോഴിക്കോട് റെയില്‍വേ സ്​റ്റേഷന്‍ വികസനവുമായി ബന്ധപ്പെട്ട് സാങ്കേതിക- സാമ്പത്തിക പഠനങ്ങള്‍ക്കായി കണ്‍സള്‍ട്ടൻസിയെ നിയോഗിച്ചതായി റെയില്‍വേ മന്ത്രി അശ്വനി വൈഷ്ണവ് ലോക്​സ്​ഭയെ അറിയിച്ചു. എം.കെ രാഘവന്‍ എം.പി ഉന്നയിച്ച ചോദ്യത്തിന് മറുപടി നൽകുകയായിരുന്നു മന്ത്രി.

സാധ്യത പഠനത്തോടൊപ്പം ഡി.പി.ആറും, വിശദമായ മാസ്​റ്റർ പ്ലാനും തയ്യാറാക്കുന്നതിനും കണ്‍സള്‍ട്ടന്‍സിക്ക് നിര്‍ദ്ദേശം നല്‍കിയതായും ലോക്സഭയില്‍ മന്ത്രി എം.പി ക്ക് മറുപടി നൽകി.

കോഴിക്കോട് റെയില്‍വേ സ്​റ്റേഷൻ വികസനവുമായ് ബന്ധപ്പെട്ട് ആർ.എൽ.ഡി.എ വൈസ് ചെയാർമാനെ സന്ദർശിച്ച വേളയിൽ വിശദ പദ്ധതി രൂപരേഖ തയ്യാറാക്കുന്നത​െൻറ ഭാഗമായി ആർ.എൽ.ഡി.എയുടെതുൾപ്പെടെയുള്ള ഉന്നതതല സംഘം ആഗസ്റ്റ്​ രണ്ടാം വാരത്തിനകം കോഴിക്കോട് റെയിൽവേ സ്​റ്റേഷൻ സന്ദർശിക്കുമെന്നും അറിയിച്ചിട്ടുണ്ടെന്നും എം.കെ രാഘാവൻ വാർത്താകുറിപ്പിൽ വ്യക്​തമാക്കി.