എം.ഡി.എം.എയുമായി കോഴിക്കോട് സ്വദേശി പിടിയിൽ

വൈത്തിരി: മാരക മയക്കുമരുന്നായ എം.ഡി.എം.എയുമായി യുവാവിനെ വൈത്തിരി പൊലീസ് അറസ്റ്റ് ചെയ്തു. കോഴിക്കോട് കാന്തപുരം സ്വദേശി തടായിൽ വീട്ടിൽ ഇർഷാദിനെയാണ് മയക്കു മരുന്ന് ഉപയോഗിക്കുന്നതിനിടെ ലക്കിടിയിൽ വെച്ച് പിടികൂടിയത്.

ബംഗളൂരുവിൽനിന്നു കൊണ്ടുവന്നതാണ് മയക്കുമരുന്ന്. എസ്.ഐ സത്യൻ, എ.എസ്.ഐ ഷിനിത്ത്, സീനിയർ സി.പി.ഒ രാജേഷ്, സി.പി.ഒ യൂനുസ് എന്നിവരാണ് പിടികൂടിയത്.