അതിജീവിതക്കൊപ്പം നിന്ന നഴ്സിന് സ്ഥലം മാറ്റം: കോടതിയലക്ഷ്യത്തിന് കേസ്

കോ​ഴി​ക്കോ​ട്: മെ​ഡി​ക്ക​ൽ കോ​ള​ജ് ഐ.​സി.​യു. പീ​ഡ​ന​ക്കേ​സി​ൽ അ​തി​ജീ​വി​ത​ക്കൊ​പ്പം നി​ന്ന​തി​ന് സ്ഥ​ലം മാ​റ്റി​യ സീ​നി​യ​ർ ന​ഴ്‌​സി​ങ് ഓ​ഫി​സ​ർ പി.​ബി. അ​നി​ത കോ​ട​തി​യ​ല​ക്ഷ്യ​ത്തി​ന് കേ​സ് ന​ൽ​കി. കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ൽ ജോ​ലി​യി​ൽ പ്ര​വേ​ശി​ക്കാ​ൻ ഹൈ​കോ​ട​തി അ​നു​കൂ​ല ഉ​ത്ത​ര​വു​ണ്ടാ​യി​ട്ടും അ​ധി​കൃ​ത​ർ പ്ര​വേ​ശി​ക്കാ​ൻ അ​നു​വ​ദി​ക്കു​ന്നി​ല്ലെ​ന്ന പ​രാ​തി​യു​മാ​യാ​ണ് അ​നി​ത വീ​ണ്ടും കോ​ട​തി​യെ സ​മീ​പി​ക്കു​ന്ന​ത്.

അ​ധി​കൃ​ത​രു​ടെ ന​ട​പ​ടി​യി​ൽ പ്ര​തി​ഷേ​ധി​ച്ച് ഉ​പ​വാ​സ​ത്തി​ലാ​ണ് അ​നി​ത. മൂ​ന്ന് ദി​വ​സ​ങ്ങ​ളാ​യി തു​ട​ർ​ച്ച​യാ​യി സ​മ​രം ചെ​യ്തി​ട്ടും അ​നു​കൂ​ല ന​ട​പ​ടി ഉ​ണ്ടാ​കാ​ത്ത​തി​നാ​ൽ പ്ര​തി​പ​ക്ഷ സം​ഘ​ട​ന​ക​ൾ വ്യാ​ഴാ​ഴ്ച മു​ത​ൽ സ​മ​രം വ്യാ​പി​പ്പി​ക്കാ​നാ​ണ് തീ​രു​മാ​നം.

പ്രി​ൻ​സി​പ്പ​ലി​ന്‍റെ ഓ​ഫി​സി​നു മു​ന്നി​ൽ യു.​ഡി.​വൈ.​എ​ഫി​ന്‍റെ നേ​തൃ​ത്വ​ത്തി​ൽ ഉ​പ​രോ​ധ സ​മ​രം ന​ട​ക്കു​മെ​ന്ന് ദി​നേ​ശ് പെ​രു​മ​ണ്ണ അ​റി​യി​ച്ചു.

ഐ.​സി.​യു പീ​ഡ​ന​ക്കേ​സി​ൽ അ​തി​ജീ​വി​ത​ക്കൊ​പ്പം നി​ന്ന​തി​ന് ഇ​ടു​ക്കി​യി​ലേ​ക്ക് സ്ഥ​ലം മാ​റ്റി​യ​തി​നെ​തി​രെ അ​നു​കൂ​ല ഹൈ​കോ​ട​തി വി​ധി​യു​മാ​യി തി​ങ്ക​ളാ​ഴ്ച​യാ​ണ് അ​നി​ത മെ​ഡി​ക്ക​ൽ കോ​ള​ജി​ലെ​ത്തി​യ​ത്. സീ​നി​യ​ര്‍ ന​ഴ്‌​സി​ങ് ഓ​ഫി​സ​ര്‍ ത​സ്തി​ക​യി​ല്‍ മാ​ര്‍ച്ച് 31ന് ​റി​ട്ട​യ​ര്‍മെ​ന്റി​ലൂ​ടെ ഒ​ഴി​വ് വ​ന്ന സാ​ഹ​ച​ര്യ​ത്തി​ൽ ത​ന്നെ ജോ​ലി​യി​ൽ പ്ര​വേ​ശി​ക്കാ​ൻ അ​നു​വ​ദി​ക്ക​ണ​മെ​ന്നാ​യി​രു​ന്നു ആ​വ​ശ്യം. എ​ന്നാ​ൽ, സ​ർ​ക്കാ​റി​ൽ​നി​ന്നു​ള്ള ഉ​ത്ത​ര​വു​പ്ര​കാ​ര​മു​ള്ള സ്ഥ​ലം​മാ​റ്റ​മാ​യ​തി​നാ​ൽ സെ​ക്ര​ട്ടേ​റി​യ​റ്റി​ൽ നി​ന്നു​ള്ള ഉ​ത്ത​ര​വി​ല്ലാ​തെ പ്ര​വേ​ശ​നം ന​ൽ​കാ​നാ​വി​ല്ലെ​ന്നാ​ണ് സീ​നി​യ​ർ സൂ​പ്ര​ണ്ട് അ​റി​യി​ച്ച​ത്. ഇ​തി​നെ​തി​രെ​യാ​ണ് അ​നി​ത​യും ന​ഴ്സി​ങ് സം​ഘ​ട​ന​ക​ളും സ​മ​രം ചെ​യ്യു​ന്ന​ത്.