Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightകോഴിക്കോട്ടെ മഹിള മാൾ...

കോഴിക്കോട്ടെ മഹിള മാൾ അടച്ചുപൂട്ടില്ലെന്ന്​ നടത്തിപ്പുകാർ

text_fields
bookmark_border
കോഴിക്കോട്ടെ മഹിള മാൾ അടച്ചുപൂട്ടില്ലെന്ന്​ നടത്തിപ്പുകാർ
cancel

കോഴിക്കോട്​: മഹിള മാൾ അടച്ചുപൂട്ടുകയാണെന്നും നടത്തിപ്പിൽ അഴിമതിയുണ്ടെന്നുമുള്ള പ്രചാരണം അടിസ്ഥാനരഹിതമാണെന്ന്​ നടത്തിപ്പുകാരായ വനിതകൾ വാർത്തസമ്മേളനത്തിൽ അറിയിച്ചു. കുടുംബശ്രീയുടെ നേതൃത്വത്തിൽ പത്ത്​ വനിതകൾ 'യൂനിറ്റി ഗ്രൂപ്​' എന്ന പേരിലാണ്​ മാൾ നടത്തിയത്​.

മാളിലെ ചില സംരംഭകർ തുടക്കം മുതൽ ദുഷ്​പ്രചാരണം നടത്തുകയായിരുന്നു. പലരും ലൈസൻസ്​ ഫീസ്​ തരാതിരുന്നതോടെയാണ്​ മഹിള മാൾ പ്രതിസന്ധിയിലായത്​. ലൈസൻസ്​ ഫീസ്​ അടക്കാതിരുന്നാൽ കെട്ടിട ഉടമ ഇറക്കിവിടുമെന്ന്​ സംരംഭകരെ അറിയിച്ചിട്ടും ഫീസടക്കാൻ തയാറായില്ല. മാർച്ച്​ വരെയുള്ള ലൈസൻസ്​ ഫീസാണ്​ ആവശ്യപ്പെട്ടത്​.

മാർച്ചിന്​ ശേഷമുള്ളത്​ ചോദിച്ചിട്ടില്ല. വനിതകളായ 30 പേരിൽനിന്ന്​ 36.5 ലക്ഷം രൂപയാണ്​ ​ൈലസൻസ്​ ഫീസ്​ ഇനത്തിൽ കിട്ടാനുള്ളത്​. കുടിശ്ശിക അടച്ചാൽ മാളി​െൻറ പ്രവർത്തനം പുനരാരംഭിക്കാനാകും. മാളിനുള്ളിലെ കടകളിൽ വില കൂടുതലായതിനാൽ കച്ചവടം കുറഞ്ഞെന്നും യൂനിറ്റി ഗ്രൂപ്​ ഭാരവാഹികൾ പറഞ്ഞു.

പ്രശ്​നങ്ങൾ ചർച്ച ചെയ്​ത്​ പരിഹരിച്ച്​ മഹിള മാൾ വീണ്ടും തുറന്നുപ്രവർത്തിക്കാൻ സന്നദ്ധരാണെന്ന്​ യൂനിറ്റി ഗ്രൂപ്​ പ്രസിഡൻറ്​ കെ. ബീന, സെക്രട്ടറി കെ. വിജയ, വൈസ്​ പ്രസിഡൻറ്​​ സി.പി. ജിഷ എന്നിവർ പറഞ്ഞു.

Show Full Article
TAGS:Mahila Mall kozhikode mahila mall 
Next Story