ഗെയിൽ സമരം: പൊലീസ്​ നടപടിയിൽ പ്രതിഷേധിച്ച്​ മൂന്ന്​ പഞ്ചായത്തുകളിൽ നാളെ ഹർത്താൽ VIDEO

മുക്കം: കോഴിക്കോട്​ എരഞ്ഞിമാവിൽ ഗെയിൽ വാതക പദ്ധതിയുമായി ബന്ധപ്പെട്ട്​ നടന്ന സമരത്തിലെ പൊലീസ്​ നടപടിയിൽ പ്രതിഷേധിച്ച്​ മൂന്ന്​ പഞ്ചായത്തുകളിൽ നാളെ യു.ഡി.എഫ്​ ഹർത്താൽ. കാരശ്ശേരി, കൊടിയത്തൂർ, കീഴുപറമ്പ്​ പഞ്ചായത്തുകളിലാണ്​ യു.ഡി.എഫ്​ ഹർത്താൽ പ്രഖ്യാപിച്ചത്​. 

ഇന്ന്​ രാവിലെ എരഞ്ഞിമാവ് ഗെയിൽ പദ്ധതി പ്രദേശത്ത് പൊലീസും സമരക്കാരും ഏറ്റുമുട്ടിയിരുന്നു. സമരക്കാർക്ക് നേരെ പൊലീസ് ലാത്തിവീശി. പദ്ധതി പ്രദേശത്തെ വീടുകളിൽ കയറി വാഹനങ്ങൾ തകർക്കുകയും സ്ത്രീകളെയും കുട്ടികളേയും മർദ്ദിക്കുകയും ചെയ്തതായി നാട്ടുകാർ പറഞ്ഞു. സമരപ്പന്തലും കൊടിയും പൊലീസ്​ പൂർണ്ണമായും തകർത്തു. 

ഗെയിലി​​​​​െൻറ ജെ.സി.ബിയും വാഹനങ്ങളും സമരക്കാർ തകർത്തതോടെയാണ്​ സംഘർഷം ഉടലെടുത്തത്​. തുടർന്ന്​ സ്​ഥല​െത്തത്തിയ പൊലീസ്​ സമരക്കാരെ വിരട്ടിയോടിച്ചു. പ്രതിഷേധക്കാരെ പിരിച്ചുവിടാൻ​ പൊലീസ്​ പലതവണ ഗ്രനേഡ്​ പ്രയോഗിച്ചു.  നിരവധി പേർക്ക്​ പരിക്കേറ്റതായി സമരക്കാർ ആരോപിച്ചു. സമരക്കാരെയും നിരപരാധികളെയും പൊലീസ്​ അറസ്​റ്റ്​ ചെയ്​തുകൊണ്ടുപോയതായും നാട്ടുകാർ ആരോപിക്കുന്നു. അതേസമയം, ജെ.സി.ബിയും ജനറേറ്ററുമുൾപ്പടെയുള്ളവ പൊലീസ് നശിപ്പിച്ചതായി ആരോപണമുണ്ട്. നാട്ടുകാരോട് പിരിഞ്ഞുപോകാൻ പൊലീസ് ആവശ്യപ്പെട്ടെങ്കിലും പിരിഞ്ഞുപോകാത്തതിനാലാണ്​ കണ്ണീർവാതകം പ്രയോഗിച്ചത്​. 60ഒാളം പേരെ പൊലീസ്​ അറസ്​റ്റ്​ ചെയ്​തിട്ടുണ്ട്​. 

ഗെയിൽ സമരപ്പന്തൽ പൊളിച്ച നിലയിൽ

 

സമരം അതിർത്തി ഗ്രാമാമയ വാലില്ലാപ്പുഴയിലേക്കും വ്യാപിച്ചിട്ടുണ്ട്​. കെ.എസ്​.ആർ.ടി.സി ബസി​​​​​െൻറ ചില്ല്​ സമരക്കാർ എറിഞ്ഞുടച്ചു. പൊലീസിനു നേരെയും കല്ലേറുണ്ടായി. എരഞ്ഞിമാവിനടുത്ത്​ കല്ലായിയിൽ സമരാനുകൂലികൾ ഏറെനേരം ഗതാഗതം തടസ്സപ്പെടുത്തി. പ്രദേശത്ത്​ സംഘർഷാവസ്ഥ തുടരുകയാണ്. അതേസമയം, പൊലീസ്​ സംരക്ഷണയിൽ ഗെയിലി​​​​​െൻറ പ്രവർത്തനം തുടരുന്നു​ണ്ട്​.