കോ​ഴി​ക്കോ​ട്​ ഇ​ര​ട്ട സ്​​ഫോ​ട​ന​ക്കേ​സ്: വെറുതെവി​ട്ടെങ്കിലും നസീറിനും ഷഫാസിനും പുറത്തിറങ്ങാനാവില്ല

കൊ​ച്ചി: കോ​ഴി​ക്കോ​ട്​ ഇ​ര​ട്ട സ്​​ഫോ​ട​ന​ക്കേ​സി​ൽ ഹൈ​കോ​ട​തി കു​റ്റ​വി​മു​ക്ത​രാ​ക്കി​യെ​ങ്കി​ലും ത​ടി​യ​ന്‍റ​വി​ട ന​സീ​റി​നും ഷ​ഫാ​സി​നും ജ​യി​ൽ​മോ​ചി​ത​രാ​കാ​ൻ ക​ഴി​യി​ല്ല. 2013ൽ ​വി​ചാ​ര​ണ പൂ​ർ​ത്തി​യാ​ക്കി വി​ധി​പ​റ​ഞ്ഞ ക​ശ്​​മീ​ർ റി​ക്രൂ​ട്​​മെൻറ്​ കേ​സി​ൽ ജീ​വ​പ​ര്യ​ന്തം ത​ട​വി​ന്​ ശി​ക്ഷി​ക്ക​പ്പെ​ട്ട​താ​ണ്​ ഇ​വ​ർ​ക്ക്​ ജ​യി​ൽ​മോ​ച​ന​ത്തി​ന്​ ത​ട​സ്സ​മാ​യു​ള്ള​ത്. ഈ ​കേ​സി​ലെ മൂ​ന്നും അ​ഞ്ചും പ്ര​തി​ക​ളാ​യാ​ണ്​ ഇ​വ​ർ വി​ചാ​ര​ണ നേ​രി​ട്ട​ത്.

അ​ന്ന്​ വി​ധി പ​റ​ഞ്ഞ​പ്പോ​ൾ പ്ര​ത്യേ​ക എ​ൻ.​ഐ.​എ കോ​ട​തി ജ​ഡ്​​ജി എ​സ്. വി​ജ​യ​കു​മാ​ർ ഇ​രു​വ​രു​ടെ​യും ശി​ക്ഷ കാ​ലാ​വ​ധി തു​ട​ങ്ങു​ന്ന​തി​ന്​ പ​രി​ധി നി​ശ്ച​യി​ച്ച​തും പു​റ​ത്തി​റ​ങ്ങ​ലി​ന്​ ത​ട​സ്സ​മാ​ണ്. കോ​ഴി​ക്കോ​ട്​ സ്​​ഫോ​ട​ന​ക്കേ​സി​ലെ ശി​ക്ഷ കാ​ലാ​വ​ധി പൂ​ർ​ത്തി​യാ​യ​ശേ​ഷ​മേ ക​ശ്​​മീ​ർ റി​ക്രൂ​ട്മെൻറ്​ കേ​സി​ൽ ശി​ക്ഷ തു​ട​ങ്ങാ​വൂ എ​ന്നാ​യി​രു​ന്നു വ്യ​വ​സ്ഥ.

ഇ​തോ​ടെ ക​ശ്​​മീ​ർ കേ​സി​ലെ ഇ​വ​രു​ടെ ശി​ക്ഷ ഇ​നി തു​ട​ങ്ങു​ക​യേ​യു​ള്ളൂ. ക​ള​മ​ശ്ശേ​രി ബ​സ്​ ക​ത്തി​ക്ക​ൽ​, ബം​ഗ​ളൂ​രു സ്​​ഫോ​ട​ന​ക്കേ​സു​ക​ളി​ൽ വി​ചാ​ര​ണ ത​ട​വു​കാ​ര​നു​മാ​ണ്​ ന​സീ​ർ. ഈ ​ര​ണ്ട്​ കേ​സി​ലും ഇ​യാ​ളു​ടെ വി​ചാ​ര​ണ പൂ​ർ​ത്തി​യാ​യി​ട്ടി​ല്ല. ബ​സ്​ ക​ത്തി​ക്ക​ൽ കേ​സി​ലെ ഒ​ന്നാം പ്ര​തി​യാ​ണ്​ ന​സീ​ർ.

അ​ന്വേ​ഷ​ണ​സം​ഘ​ത്തി​ന്റെ പ​ക്ക​ൽ കു​റ്റ​സ​മ്മ​ത മൊ​ഴി മാ​ത്രം

കൊ​ച്ചി: കോ​ഴി​ക്കോ​ട് ഇ​ര​ട്ട സ്​​ഫോ​ട​ന​ക്കേ​സി​ൽ ഒ​ന്നാം പ്ര​തി ക​ണ്ണൂ​ർ ത​യ്യി​ൽ സ്വ​ദേ​ശി ത​ട​യി​ന്റ​വി​ട ന​സീ​ർ, നാ​ലാം പ്ര​തി ക​ണ്ണൂ​ർ വ​ള​പ്പ് സ്വ​ദേ​ശി ത​യ്യി​ൽ ഷ​ഫാ​സ് എ​ന്നി​വ​രെ ഹൈ​കോ​ട​തി കു​റ്റ​മു​ക്ത​രാ​ക്കി​യ വി​ധി​യി​ൽ പ്ര​തി​ക​ളു​ടെ കു​റ്റ​സ​മ്മ​ത മൊ​ഴി​ക​ള​ല്ലാ​തെ കേ​സ് തെ​ളി​യി​ക്കാ​ൻ പ​ര്യാ​പ്​​ത​മാ​യ മ​റ്റ്​ വ​സ്തു​ത​ക​ളോ തെ​ളി​വു​ക​ളോ ക​ണ്ടെ​ത്തു​ന്ന​തി​ൽ അ​ന്വേ​ഷ​ണ​സം​ഘം പ​രാ​ജ​യ​പ്പെ​ട്ടെ​ന്ന് ഹൈ​കോ​ട​തി വി​ല​യി​രു​ത്തി.

പ്ര​തി​ക​ൾ​ക്കെ​തി​രെ ചു​മ​ത്തി​യ കു​റ്റ​ങ്ങ​ൾ സം​ശ​യാ​തീ​ത​മാ​യി തെ​ളി​യി​ക്കാ​ൻ എ​ൻ.​ഐ.​എ​ക്ക്​ ക​ഴി​ഞ്ഞി​ല്ല. ന​സീ​റി​നും ഷ​ഫാ​സി​നും യു.​എ.​പി.​എ (തീ​വ്ര​വാ​ദ പ്ര​വ​ർ​ത്ത​ന നി​രോ​ധ​ന നി​യ​മം) പ്ര​കാ​ര​മു​ള്ള ര​ണ്ട്​ വ​കു​പ്പി​ലാ​യി ഇ​ര​ട്ട ജീ​വ​പ​ര്യ​ന്തം ത​ട​വും പി​ഴ​യു​മാ​ണ് വി​ചാ​ര​ണ​ക്കോ​ട​തി വി​ധി​ച്ച​ത്. ഇ​തി​ന്​ പു​റ​മെ ന​സീ​റി​ന് സ്​​ഫോ​ട​ക വ​സ്തു നി​യ​മ​പ്ര​കാ​രം ഒ​രു ജീ​വ​പ​ര്യ​ന്തം ത​ട​വു​കൂ​ടി വി​ധി​ച്ചി​രു​ന്നു. എ​ന്നാ​ൽ, സ്​​ഫോ​ട​ക വ​സ്തു നി​യ​മ​പ്ര​കാ​രം വി​ചാ​ര​ണ ന​ട​ത്താ​ൻ ജി​ല്ല മ​ജി​സ്ട്രേ​ട്ടി​ന്റെ മു​ൻ​കൂ​ർ അ​നു​മ​തി വേ​ണ​മെ​ന്ന വ്യ​വ​സ്ഥ അ​ന്വേ​ഷ​ണ​സം​ഘം പാ​ലി​ച്ചി​ല്ലെ​ന്നും ഹൈ​കോ​ട​തി വ്യ​ക്ത​മാ​ക്കി.

ഏ​ഴാം പ്ര​തി മ​ല​പ്പു​റം സ്വ​ദേ​ശി ഷ​മ്മി ഫി​റോ​സ് കേ​സി​ൽ മാ​പ്പു​സാ​ക്ഷി​യാ​യി മാ​റി​യി​രു​ന്നു. മ​റ്റൊ​രു സ്​​ഫോ​ട​ന​ക്കേ​സി​ൽ അ​റ​സ്റ്റി​ലാ​യ അ​ബ്ദു​ൽ ഹാ​ലി​മി​ന്റെ മൊ​ഴി​യു​ടെ അ​ടി​സ്ഥാ​ന​ത്തി​ലാ​ണ് ഈ ​കേ​സി​ലെ പ്ര​തി​ക​ളെ ക​ണ്ടെ​ത്തി അ​റ​സ്റ്റ് ചെ​യ്ത​ത്. ത​ടി​യ​ന്റ​വി​ട ന​സീ​ർ ഇ​പ്പോ​ൾ ബം​ഗ​ളൂ​രു സ്​​ഫോ​ട​ന​ക്കേ​സി​ൽ പ​ര​പ്പ​ന അ​ഗ്ര​ഹാ​ര ജ​യി​ലി​ലാ​ണ്.