'വ്യ​ക്തി​യ​ല്ല, പാ​ർ​ട്ടി​യാ​ണ് വ​ലു​തെന്ന് തി​രി​ച്ച​റി​യ​ണം'; മുല്ലപ്പള്ളിക്ക് മറുപടിയുമായി ഡി.സി.സി പ്രസിഡന്‍റ്

കോ​ഴി​ക്കോ​ട്: നവ ചിന്തൻ ശി​ബി​രത്തിൽ പങ്കെടുക്കാത്ത മുൻ കെ.പി.സി.സി അധ്യക്ഷൻ മു​ല്ല​പ്പ​ള്ളി​ രാമചന്ദ്രന് മ​റു​പ​ടി​യു​മാ​യി കോ​ഴി​ക്കോ​ട് ഡി.​സി.​സി അധ്യക്ഷൻ അ​ഡ്വ. കെ. ​പ്ര​വീ​ൺ​കു​മാ​ർ. എ​ൻ.​ജി.​ഒ യൂ​നി​യ​ൻ മു​ൻ വൈ​സ് പ്ര​സി​ഡ​ന്റും കോ​ൺ​ഗ്ര​സ് നേ​താ​വു​മാ​യ സി. ​ര​വീ​ന്ദ്ര​​നെ അ​നു​സ്മ​രി​ക്കാ​ൻ ഇ​ൻ​ഡോ​ർ സ്റ്റേ​ഡി​യം ഹാ​ളി​ൽ 'ആ​ക്ടീ​വ്' സം​ഘ​ടി​പ്പി​ച്ച പ​രി​പാ​ടി​യി​ലാ​യി​രു​ന്നു പ​രോ​ക്ഷ​മാ​യി ഡി.​സി.​സി അധ്യക്ഷൻ മു​ല്ല​പ്പ​ള്ളി​ക്ക് മ​റു​​പ​ടി പ​റ​ഞ്ഞ​ത്.

ശി​ബി​രം ഗം​ഭീ​ര വി​ജ​യ​മാ​യ​തി​ന് പ്ര​വീ​ൺ കു​മാ​റി​നെ അ​ഭി​ന​ന്ദി​ച്ചു​ കൊ​ണ്ട് മു​ല്ല​പ്പ​ള്ളി​യാ​ണ് തു​ട​ക്ക​മി​ട്ട​ത്. പാ​ർ​ട്ടി​യി​ൽ ​നി​ന്ന് വി​ട്ടു​നി​ൽ​ക്കു​ന്ന​വ​ർ പോ​കു​ന്നെ​ങ്കി​ൽ പോ​ക​ട്ടെ എ​ന്ന സ​മീ​പ​നം ശ​രി​യ​ല്ലെന്നും അ​വ​സാ​ന​ത്തെ കോ​​ൺ​ഗ്ര​സു​കാ​ര​നെ​യും ചേ​ർ​ത്തു​ പി​ടി​ച്ചു​ വേ​ണം പാ​ർ​ട്ടി​യെ കെ​ട്ടി​പ്പ​ടു​ക്കാ​നും ജ​ന​ങ്ങ​ളി​ലേ​ക്ക് ഇ​റ​ങ്ങാ​നും എ​ന്നാ​യി​രു​ന്നു മു​ല്ല​പ്പ​ള്ളി​യു​ടെ പ​ര​മാ​ർ​ശം.

മു​ഖ്യ​പ്ര​ഭാ​ഷ​ണ​ത്തി​നി​ട​യി​ൽ മു​ല്ല​പ്പ​ള്ളി പ​റ​ഞ്ഞ​ത് ശ​രി​വെ​ച്ചു​ കൊ​ണ്ടു​ത​ന്നെ പ്ര​വീ​ൺ​കു​മാ​ർ പ​രോ​ക്ഷ​മാ​യി മ​റു​പ​ടി പ​റ​ഞ്ഞു. അ​ഭി​പ്രാ​യ​ങ്ങ​ൾ പാ​ർ​ട്ടി​യു​ടെ വേ​ദി​യി​ൽ ത​ന്നെ പ​റ​യു​ന്ന​തി​നു ​പ​ക​രം പു​റ​ത്തി​റ​ങ്ങി പ​റ​യു​ന്ന​വ​രു​ടെ വ്യ​ക്തി​ത്വം ത​ന്നെ സം​ശ​യി​ക്ക​പ്പെ​ടു​മെ​ന്ന് പ്ര​വീ​ൺ​കു​മാ​ർ പ​റ​ഞ്ഞു. എ​ത്ര വ​ലി​യ നേ​താ​വാ​യാ​ലും ശി​ബി​ര​ത്തി​ലെ തീ​രു​മാ​നം എ​ല്ലാ​വ​ർ​ക്കും ബാ​ധ​ക​മാ​ണ്. വ്യ​ക്തി​യ​ല്ല, പാ​ർ​ട്ടി​യാ​ണ് വ​ലു​ത് എ​ന്ന് എ​ല്ലാ​വ​രും തി​രി​ച്ച​റി​യ​ണ​മെ​ന്നും പ്ര​വീ​ൺ​കു​മാ​ർ ഓ​ർ​മ​പ്പെ​ടു​ത്തി.

കോൺഗ്രസിനെ പുനരജ്ജീവിപ്പിക്കാനുള്ള കാര്യങ്ങൾ ചർച്ച ചെയ്യുന്നതിനായി കോഴിക്കോട് സംഘടിപ്പിച്ച ചിന്തൻ ശിബിരത്തിൽ നിന്നും കാരണം അറിക്കാതെ വി​ട്ടു​നി​ന്ന​ത് മു​ൻ കെ.​പി.​സി.​സി അധ്യക്ഷന്മാ​രായ മു​ല്ല​പ്പ​ള്ളി രാ​മ​ച​ന്ദ്ര​നും വി.​എം. സു​ധീ​ര​നു​മാ​ണ്. കോൺഗ്രസിലെ ഏ​റ്റ​വും മു​തി​ർ​ന്ന നേ​താ​ക്ക​ളാ​യ തെ​ന്ന​ല ബാ​ല​കൃ​ഷ്ണ പി​ള്ള, എ.​കെ. ആ​ന്റ​ണി, വ​യ​ലാ​ർ ര​വി, പി.​പി. ത​ങ്ക​ച്ച​ൻ, ആ​ര്യാ​ട​ൻ മു​ഹ​മ്മ​ദ്, കെ. ​ബാ​ബു, സ​തീ​ശ​ൻ പാ​ച്ചേ​നി എ​ന്നി​വ​ർ അ​സു​ഖം ചൂണ്ടിക്കാട്ടി ചിന്തൻ ശിബിരത്തിൽ പങ്കെടുത്തിരു​ന്നില്ല. എന്നാൽ, കാരണം അറിയിക്കാതെയുള്ള മു​ല്ല​പ്പ​ള്ളിയുടെയും സു​ധീ​രന്‍റെയും വിട്ടുനിൽക്കൽ വലിയ വിമർശനത്തിനാണ് വഴിവെച്ചത്.

അതേസമയം, വിഷയത്തോട് പ്രതികരിച്ച മു​ല്ല​പ്പ​ള്ളി രാ​മ​ച​ന്ദ്ര​ൻ, കോ​ൺ​ഗ്ര​സ്​ ചി​ന്ത​ൻ ശി​ബി​ര​ത്തി​ൽ പ​​ങ്കെ​ടു​ക്കാ​ത്ത​തി​ന്‍റെ കാ​ര​ണം പാ​ർ​ട്ടി അ​ധ്യ​ക്ഷ സോ​ണി​യ ഗാ​ന്ധി​യെ അ​റി​യി​ക്കു​മെ​ന്നാണ് മാ​ധ്യ​മ​ങ്ങ​ളോ​ട് പ​റ​ഞ്ഞത്. പാ​ർ​ട്ടി​യു​ടെ സു​പ്ര​ധാ​ന സ​മ്മേ​ള​നം ത​ന്റെ നാ​ട്ടി​ൽ ന​ട​ക്കു​​മ്പോ​ൾ വെ​റും കാ​ഴ്ച​ക്കാ​ര​നാ​യി നി​ൽ​ക്കേ​ണ്ട​യാ​ള​ല്ല ത​ൻ. എ​ന്നി​ട്ടും അ​തി​ൽ പ​​ങ്കെ​ടു​ക്കാ​ൻ ക​ഴി​യാ​തെ പോ​യ​ത് അ​ത്യ​ന്തം ഹൃ​ദ​യ വേ​ദ​ന​യു​ണ്ടാ​ക്കു​ന്ന​താ​ണെന്നും മു​ല്ല​പ്പ​ള്ളി ചൂണ്ടിക്കാട്ടി.