കോഴിക്കോട്ട്​ 4000 വരെ കോവിഡ്​ രോഗികൾ ഉണ്ടായേക്കാം 

കോഴിക്കോട്​: കോവിഡ്​ ബാധിതരുടെ എണ്ണം കോഴി​ക്കോട്​ ജില്ലയിൽ ഇനിയും ഉയർന്നേക്കാമെന്ന്​ വിലയിരുത്തൽ. ജില്ലയിൽ 3000 മുതൽ 4000 വരെ കോവിഡ്​ രോഗികൾ ഉ​ണ്ടായേക്കാം. ഏതു സാഹചര്യവും നേരിടാൻ ജില്ല തയാറായി. ഓക്​സിജൻ സിലിണ്ടർ അടക്കം സജ്ജീകരിച്ച്​ കഴിഞ്ഞു. ജില്ലയിൽ നാലായിരത്തോളം രോഗികൾ ഉണ്ടാകുന്ന സാഹച​ര്യമുണ്ടായാൽ 600 ഓക്​സിജൻ സിലിണ്ടറുകളും 200 വ​െൻറിലേറ്ററുകളും ആവശ്യമായി വരുമെന്നും കോവിഡ്​ അവലോകന യോഗത്തിന്​ ശേഷം മന്ത്രി എ.കെ. ശശീന്ദ്രൻ അറിയിച്ചു. 

ജില്ലയിലെ പൊലീസ്​ സ്​റ്റഷനുകൾ കേന്ദ്രീകരിച്ചും ഓക്​സിജൻ സിലിണ്ടറുകൾ സൂക്ഷിച്ച്​ വരുന്നു. കോഴിക്കോട്​ ബീച്ച്​ ആശുപത്രി കോവിഡ്​ ആശുപത്രിയാക്കും. തദ്ദേശസ്​ഥാപനങ്ങൾ കേന്ദ്രീകരിച്ച്​ ഫസ്​റ്റ്​ലൈൻ ട്രീറ്റ്​മ​െൻറ്​ സ​െൻററുകളും ഒരുക്കും. ക​ണ്ടെയ്​ൻമ​െൻറ്​ സോണുകളിൽ കർശനം നിയ​ന്ത്രണം ഉറപ്പാക്കാൻ സ്​ക്വാഡുകളെ രംഗത്തിറക്കും. ജില്ലയിലെ കോവിഡ്​ സാഹചര്യം മോശമാകുന്ന സാഹചര്യത്തിലാണ്​ നടപടി.

ജില്ലയിൽ വടകര മുനിസിപ്പാലിറ്റിയും 14 പഞ്ചായത്തു​കളിലെയും മുനിസിപ്പാലിറ്റികളിലെയും കോർപറേഷൻ പരിധിയി​െലയും വാർഡുകളുമാണ്​ കണ്ടെയ്​ൻമ​െൻറ്​ സോണുകൾ. 23 ​െവൻറിലേറ്ററുകൾ വാങ്ങാൻ എം.എൽ.എമാർ സന്നദ്ധത അറിയിച്ചതായും മന്ത്രി പറഞ്ഞു.