കോഴിക്കോട് കലക്​ടറുടെ കാറി​നുനേരെ കല്ലേറ്​; ഒരാൾ അറസ്​റ്റിൽ

കോഴിക്കോട്​: ജില്ല കലക്​ടർ എസ്​. സാബശിവറാവുവി​ന്‍റെ കാറി​നുനേരെ കല്ലെറിഞ്ഞയാളെ പൊലീസ്​ പിടികൂടി. എടക്കാട്​ സ്വദേശി പ്രമോദിനെയാണ്​ നടക്കാവ്​ പൊലീസ്​ അറസ്​റ്റുചെയ്​തത്​. വ്യാഴാഴ്​ച രാവിലെ പത്തേകാലോടെയാണ്​ സംഭവം. കലക്​ടറേറ്റ്​ വളപ്പിൽ നിർത്തിയിട്ട കാറി​ന്‍റെ ചില്ല്​ യാതൊരു പ്രകോപനവുമില്ലാതെ ഇയാൾ എറിഞ്ഞുടക്കുകയായിരുന്നു​െവന്ന്​ പൊലീസ്​ പറഞ്ഞു.

പാർലമെൻറ്​ തെരഞ്ഞെടുപ്പ്​ വേളയിൽ കുണ്ടുപറമ്പ്​ സ്​കൂളിൽ വെച്ച്​ വോട്ടിങ്​ മെഷീൻ എറിഞ്ഞു തകർത്ത കേസിലും നഗരത്തിൽ മാവോവാദി അനുകൂല പോസ്​റ്റർ ഒട്ടിച്ച കേസിലും പ്രതിയാണിയാൾ​. ഒമ്പതുമണിക്ക്​ ഓഫിസിലെത്തി യോഗത്തിൽ പ​ങ്കെടുത്തുകൊണ്ടിരിക്കവേയാണ്​ പുറത്തുനിർത്തിയിട്ട കാറിനുനേരെ കല്ലേറുണ്ടായ​െതന്ന്​ കലക്​ടർ സാംബശിവറാവു പറഞ്ഞു.