കോഴിക്കോട്​ ആത്​മഹത്യക്ക്​ ശ്രമിച്ച ഓ​ട്ടോ ഡ്രൈവർ മരിച്ചു

കോഴിക്കോട്​: എലത്തൂരിൽ ആത്​മഹത്യക്ക്​ ശ്രമിച്ച ഓ​ട്ടോ ഡ്രൈവർ മരിച്ചു. എലത്തൂർ എസ്​.കെ ബസാറിൽ രാജേഷാണ്​ മര ിച്ചത്​. ഓ​ട്ടോ ഓടിക്കുന്നതുമായി ബന്ധ​പ്പെട്ട്​ സി.ഐ.ടി.യു പ്രവർത്തകരുമായി തർക്കമുണ്ടായിരുന്നു. തുടർന്ന്​ സ ി.പി.എം പ്രവർത്തകർ രാജേഷിനെ മർദിക്കുകയും ചെയ്​തിരുന്നു. ഇതിൽ മനംനൊന്താണ്​ രാജേഷ്​ ആത്​മഹത്യ ചെയ്​തത്​​.

എഴുപത് ശതമാനത്തോളം പൊള്ളലേറ്റ നിലയിലാണ്​ ഏലത്തൂര്‍ സ്വദേശിയായ രാജേഷിനെ കോഴിക്കോട് മെഡിക്കല്‍ കോളജില്‍ ആശുപത്രിയിൽ പ്രവേശിപ്പിച്ചത്​. ആശുപത്രിയിൽ ചികിൽസയിലിരിക്കെയാണ്​ മരണം.

രണ്ടാഴ്ച്ച മുമ്പാണ് രാജേഷ് വായ്പയെടുത്ത് ഓട്ടോറിക്ഷ വാങ്ങിയത്. പെര്‍മിറ്റ് അടക്കമുള്ളവ ശരിയാക്കി ഓ​ട്ടോയുമായി സ്​റ്റാൻഡിലെത്തിയ അന്നു മുതൽ മറ്റു ഓ​ട്ടോ ഡ്രൈവർമാരുമായി തർക്കത്തിലായി. രാജേഷിൻെറ ഓ​ട്ടോറിക്ഷ അവിടെ ഓടിക്കാൻ അനുവദിക്കില്ലെന്നായിരുന്നു മറ്റുള്ളവരുടെ നിലപാട്​. എന്നാൽ രാജേഷ്​ ഇത്​ അവഗണിച്ചു. ആറ്​ ദിവസം മുമ്പ്​ രാജേഷിനെ വഴിയിൽ തടഞ്ഞുവെച്ച്​ ഒരു സംഘം ഓ​ട്ടോ ഡ്രൈവർമാർ മർദിച്ചു. രോഗിയായ ഭാര്യയെ കൊല്ലുമെന്നും ഭീഷണിപ്പെടുത്തി. ഇതിൽ മനംനൊന്തായിരുന്നു ആത്​മഹത്യാ.