കൊയിലാണ്ടി ദേശീയപാതയിൽ മരം വീണ് ഗതാഗതം തടസപ്പെട്ടു

കോഴിക്കോട്: കൊയിലാണ്ടിയിൽ ദേശീയപാതയിൽ മരം വീണ് ഗതാഗതം തടസപ്പെട്ടു. കൊയിലാണ്ടി ചെങ്ങോട്ട് കാവിലാണ് അപകടം സംഭവിച്ചത്. ശക്തമായ കാറ്റിൽ വൻമരം കടപുഴകി വീഴുകയായിരുന്നു.

ഇതേതുടർന്ന് കണ്ണൂർ-കോഴിക്കോട് പാതയിൽ ഒന്നര മണിക്കൂറോളം വാഹന ഗതാഗതം തടസപ്പെട്ടു. മരം മുറിച്ചുമാറ്റി പുനഃസ്ഥാപിക്കാനുള്ള ശ്രമത്തിലാണ് അഗ്നിശമനസേന.