Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightകോവിഡ്​-19: ഷാക്കിർ...

കോവിഡ്​-19: ഷാക്കിർ ചോദിക്കുന്നു, ഐസൊലേഷൻ വാർഡിൽ പോകാൻ എന്തിന്​ പേടിക്കണം

text_fields
bookmark_border
കോവിഡ്​-19: ഷാക്കിർ ചോദിക്കുന്നു, ഐസൊലേഷൻ വാർഡിൽ പോകാൻ എന്തിന്​ പേടിക്കണം
cancel

കോഴിക്കോട്​: കണ്ണൂർ സ്വദേശിയായ ഷാക്കിർ സുബ്​ഹാൻ നാല്​ മാസമായി ബൈക്കിൽ ലോകരാജ്യങ്ങൾ കീഴടക്കുകയായിരുന്നു. അതിനിടെയാണ്​ ലോകത്തെ ഭീതിയിലാക്കി കോവിഡ്​ -19 വൈറസ്​ വ്യാപിക്കാൻ തുടങ്ങിയത്​.

ചൈന കഴിഞ്ഞാൽ പിന്നെ ഏറ്റവു ം ദുരന്തം വിതച്ച ഇറാനിലൂടെ ദിവസങ്ങളോളമാണ്​​ ഷാക്കിർ സുബ്​ഹാൻ സഞ്ചരിച്ചത്​. അവിടെനിന്ന്​ അസർബൈജാനിലേക്കായി രുന്നു അടുത്ത യാത്ര​​.

പിന്നീട്​ ജോർജിയയിലേക്ക്​ പോകാൻ ശ്രമിച്ചെങ്കിലും ഇറാനിലൂടെ സഞ്ചരിച്ചതിനാൽ മറ്റു രാജ്യങ്ങളിലേക്ക്​​ ​വിസ കിട്ടാത്ത സ്​ഥിതിയായി. തുടർന്ന്​ ബൈക്ക്​ അസർബൈജാനിൽ കസ്​റ്റംസിനെ ഏൽപ്പിച്ച് യാത്രക്ക്​ താൽക്കാലിക വിരാമമിട്ട്​​ കണ്ണൂരി​ലേക്ക്​ മടങ്ങി.

വിമാനമിറങ്ങിയ ഉടൻ എയർപോർട്ടിലെ മെഡിക്കൽ ടീമിനെ വിവരമറിയിച്ചു. ഇതോടെ സർക്കാർ ആംബുലൻസിൽ കണ്ണൂർ ജില്ല ആശുപത്രിയിലേക്ക് മാറ്റി​. ഐസലേഷൻ വാർഡിലാണ്​ ഷാക്കിറിനെ പ്രവേശിപ്പിച്ചത്​. തുടർന്ന്​ ​തൊണ്ടയിൽനിന്നും മൂക്കിൽനിന്നും കഫമെടുത്ത്​ പരിശോധനക്കയച്ചു. ആലപ്പുഴയിലാണ്​ പരിശോധന​. ഷാക്കിറി​​​​​െൻറ ഫലം നെഗറ്റീവാണെന്നാണ്​ വിവരം.

രോഗബാധയുണ്ടെന്ന സംശയവുമായി ഗൾഫിൽനിന്ന്​ വന്ന പലരും മുങ്ങിനടക്കു​േമ്പാഴാണ്​ ഷാക്കിർ ഏവ​ർക്കും മാതൃകയാകുന്നത്​. ഈ യുവാവി​​​​​െൻറ പ്രവൃത്തിയെ ആരോഗ്യ മന്ത്രി കെ.കെ. ശൈലജ വാർത്തസമ്മേളനത്തിൽ പ്രശംസിക്കുകയും ചെയ്​തു.

അസർബൈജാനിൽനിന്ന്​ മാസ്​ക്ക്​ പോലുള്ള സുരക്ഷ മുൻകരുതലുകൾ സ്വീകരിച്ചാണ്​ ഷാക്കിർ ഇന്ത്യയിലേക്ക്​ മടങ്ങിയത്​. നാട്ടിലേക്ക്​ മടങ്ങുന്നതിന്​ മു​െമ്പ ഇദ്ദേഹം ആരോഗ്യ വകുപ്പ്​ അധികൃതരുമായി ബന്ധപ്പെട്ടിരുന്നു.

യൂട്യൂബ്​ ​േവ്ലാഗറായ ഷാക്കിർ എയർപോർട്ടിൽനിന്ന്​ ഐ​െസാലേഷൻ വാർഡിലേക്ക്​ മാറ്റുന്ന ദൃശ്യങ്ങൾ മല്ലുട്രാവലർ എന്ന ചാനലിലൂടെ പുറത്തുവിട്ടിട്ടുണ്ട്​. അഞ്ച്​ ലക്ഷത്തിലേറെ പേരാണ്​ ഈ വീഡിയോ ഇതിനകം കണ്ടത്​. കോവിഡ്​ -19നെ കേരളം എങ്ങനെയാണ്​ നേരിടുന്നതെന്ന്​ ഇതിൽ ഷാക്കിർ വിശദീകരിക്കുന്നു​ണ്ട്​.

ആശുപത്രി ജീവനക്കാരെല്ലാം മികച്ച രീതിയിലാണ്​ പെരുമാറ​ുന്നത്​​. തികച്ചും സൗജന്യമായിട്ടാണ്​ ചികിത്സ. ഭക്ഷണവും മുടക്കമില്ലാതെ ലഭിക്കുന്നു. കേരളത്തിലെത്തിയതിനാൽ പേടിക്കാനില്ലെന്നും രോഗമുണ്ടെന്ന്​ സംശയമുള്ളവർ മടികൂടാതെ ആരോഗ്യ വകുപ്പ്​ അധികൃതരുമായി ബന്ധപ്പെടണമെന്നും ഈ ചെറുപ്പക്കാരൻ ചൂണ്ടിക്കാട്ടുന്നു.

കഴിഞ്ഞദിവസം ഇറ്റലിയിൽനിന്ന്​ വന്ന മൂന്നുപേർ ആരോഗ്യവിഭാഗത്തെ അറിയിക്കാതെ മുങ്ങിയിരുന്നു. ഇവരുടെ ബന്ധുക്കൾ പനിബാധിച്ച്​ ചികിത്സ തേടിയതോടെ മൂന്നുപേർക്കും കോവിഡ്​ -19 ബാധിച്ചിട്ടുണ്ടെന്ന്​ കണ്ടെത്തി.


Show Full Article
TAGS:Mallu Traveler Shakir Subhan KOVID 19 corona 
News Summary - kovid -19: shakir subhan at isolation ward, kerala news
Next Story