കൊട്ടിയൂർ-വയനാട് ചുരംപാത ഒരാഴ്ചക്കകം ഗതാഗത യോഗ്യമായേക്കും

കേ​ള​കം: ഉ​രു​ൾ​പൊ​ട്ട​ലി​ൽ ത​ക​ര്‍ന്ന കൊ​ട്ടി​യൂ​ർ-​വ​യ​നാ​ട് ചു​രം​പാ​ത ഒ​രാ​ഴ്ച​ക്ക​കം ഗ​താ​ഗ​ത​യോ​ഗ്യ​മാ​ക്കാ​മെ​ന്ന പ്ര​തീ​ക്ഷ​യി​ൽ പി.​ഡ​ബ്ല്യൂ.​ഡി. കൊ​ട്ടി​യൂ​ർ-​പാ​ല്‍ചു​രം ബോ​യ്​​സ് ടൗ​ണ്‍ റോ​ഡ് പു​ന​ർ​നി​ർ​മാ​ണം ത​കൃ​തി​യാ​യി ന​ട​ക്കു​ന്നു​ണ്ട്. റോ​ഡി​ലേ​ക്ക് ഇ​ടി​ഞ്ഞു​വീ​ണ മ​ണ്ണ് നീ​ക്കു​ക​യും ഇ​ടി​ഞ്ഞ​ഭാ​ഗ​ങ്ങ​ളി​ല്‍ മ​ണ്ണി​ട്ട് നി​ക​ത്തു​ക​യും ചെ​യ്യു​ന്ന പ്ര​വൃ​ത്തി​യാ​ണ് ഇ​പ്പോ​ള്‍ ന​ട​ക്കു​ന്ന​ത്.

മ​ണ്ണി​ടി​ച്ചി​ലി​ല്‍ റോ​ഡി​ലേ​ക്ക് വീ​ണ കൂ​റ്റ​ന്‍ ക​ല്ല് കം​പ്ര​സ​ര്‍ ഉ​പ​യോ​ഗി​ച്ച് പൊ​ട്ടി​ച്ചു​നീ​ക്കി. കു​ന്നി​ന്‍മു​ക​ളി​ല്‍ അ​പ​ക​ടാ​വ​സ്ഥ​യി​ല്‍ നി​ല്‍ക്കു​ന്ന ക​ല്ല് പൊ​ട്ടി​ച്ചു​നീ​ക്കാ​നു​ള്ള പ്ര​വൃ​ത്തി​യും പു​രോ​ഗ​മി​ക്കു​ന്നു​ണ്ട്. അ​ഞ്ചു​ മ​ണ്ണു​മാ​ന്തി​യ​ന്ത്ര​ങ്ങ​ൾ ഉ​പ​യോ​ഗി​ച്ചാ​ണ് മ​ണ്ണ് നീ​ക്കം​ചെ​യ്യു​ന്ന​ത്. സ്ഥി​ര​മാ​യി ഗ​ര്‍ത്തം രൂ​പ​പ്പെ​ടു​ന്ന ചെ​കു​ത്താ​ന്‍തോ​ട് ഭാ​ഗ​ത്ത് റോ​ഡി​ല്‍ ഇ​ൻ​റ​ര്‍ലോ​ക്ക് പ​തി​പ്പി​ക്കു​ന്ന പ്ര​വൃ​ത്തി​യും ആ​രം​ഭി​ച്ചി​ട്ടു​ണ്ട്. മ​ണ്ണ് നീ​ക്കം ചെ​യ്യു​മ്പോ​ള്‍ വീ​ണ്ടും ഇ​ടി​ഞ്ഞു​വീ​ഴു​ന്ന​ത് ന​വീ​ക​ര​ണ​പ്ര​വൃ​ത്തി​യെ ബാ​ധി​ക്കു​ന്നു​ണ്ട്.

എ​ന്നാ​ല്‍, അ​പ​ക​ട​ഭീ​ഷ​ണി ഉ​യ​ര്‍ത്തി​നി​ല്‍ക്കു​ന്ന മ​ണ്‍തി​ട്ട​ക​ള്‍ നീ​ക്കം​ചെ​യ്യാ​ന്‍ വ​നം​വ​കു​പ്പ് അ​നു​വ​ദി​ക്കു​ന്നി​ല്ലെ​ന്ന ആ​രോ​പ​ണ​വും ഉ​യ​രു​ന്നു​ണ്ട്. ആ​ദ്യ​ഘ​ട്ട​ത്തി​ൽ ചെ​റു​വാ​ഹ​ന​ങ്ങ​ങ്ങ​ൾ ക​ട​ത്തി​വി​ടാ​നാ​ണ് നീ​ക്കം. മ​ഴ വി​ട്ടു​നി​ൽ​ക്കു​ന്ന​ത്​ പാ​ത​യു​ടെ പു​ന​ർ​നി​ർ​മാ​ണം വേ​ഗ​ത്തി​ലാ​ക്കും.