അമ്മയെ ഫോണിൽ വിളിച്ച് അമൽ പൊട്ടി കരഞ്ഞുകൊണ്ട് പറഞ്ഞു, ഇവി​ടുത്തെ ചേട്ടന്മാർ തല്ലിക്കൊല്ലുകയാണ്... ഈ വിളിയാണ് റാഗിങിന്റെ കൊടും ​ക്രൂരത പുറത്തെത്തിച്ചത്...

കോ​ട്ട​യം: ഗ​വ. ന​ഴ്സി​ങ് കോ​ള​ജി​ലെ റാ​ഗി​ങ് ക്രൂരത ഈ നാടറിഞ്ഞ് അമൽ കൃഷ്ണ ഉള്ളുലക്കുന്ന വേദനയോട് തന്റെ സങ്കടങ്ങൾ അമ്മയോട് പറഞ്ഞതോടുകൂടിയാണ്. കഴിഞ്ഞ തിങ്കളാഴ്ച രാത്രിയാണ് അമ്മയെ വിളിച്ച് ആദ്യമായി ഈ ക്രൂരതകൾ പറഞ്ഞത്. ‘അച്ഛനും അമ്മയും എന്നെ ഇതുവരെ തല്ലിയിട്ടില്ല. പക്ഷേ, ഇവിടുത്തെ ചേട്ടന്മാർ എന്നെ തല്ലിക്കൊല്ലുകയാണമ്മേ...’. കോട്ടയം ഗാന്ധിനഗറിലെ ഗവ.നഴ്സിങ് കോളജ് ഹോസ്റ്റലിലിരുന്ന് ഫോണിലൂടെ അമലിന്റെ വാക്കുകൾ കണ്ണീർ കടലായി. കഴിഞ്ഞ മൂന്ന് മാസമായി ക്രൂര റാഗിങ്ങിനിരയായ, മരോട്ടിച്ചാൽ കുന്നുംപുറത്ത് ഉണ്ണിക്കൃഷ്ണന്റെയും അനിതയുടെയും മകൻ അമൽ കൃഷ്ണ (20) സഹിക്കാൻ കഴിയുന്നതി​നേക്കാൾ അപ്പുറമായിരുന്നു പീഡനം.

ബെൽറ്റ് കൊണ്ടുള്ള അടിയേറ്റ് വേദന സഹിക്കാതായതോടെയാണ് അമൽ അമ്മയെ വിളിച്ചത്. ഉടൻ വിഡിയോകോളിലൂടെ തിരിച്ചുവിളിച്ച അനിത കണ്ടത് അമലിന്റെ അടികൊണ്ട് നീരുവന്ന മുഖം കണ്ടു. പിറ്റേന്നു രാവിലെത്തന്നെ കോളജ് അധികൃതരെ വിവരമറിയിച്ച് നടപടി ആവശ്യപ്പെടുകയായിരുന്നു. ഇതോടെ മർദനമേറ്റ മറ്റു കുട്ടികളും പരാതിയുമായി രംഗത്തെത്തി.

ബെൽറ്റുകൊണ്ട് അടിച്ചു. ഡിവൈഡർകൊണ്ട് പുറത്തുകുത്തി. മുട്ടുകുത്തിച്ച് നിർത്തി മർദിച്ചു. ഓടാൻ ശ്രമിച്ചപ്പോൾ വാതിൽ ഉള്ളിൽനിന്ന് അടച്ചായി ക്രൂര മർദനം. രാത്രി മുഴുവൻ ഉറങ്ങാതിരിക്കാൻ മുട്ടുകുത്തിച്ചു നിർത്തി. സിനിമയിലെ റാഗിങ് രീതികളും ചെയ്യിച്ചു.

ഗ​വ. ന​ഴ്സി​ങ്​ കോ​ള​ജ്​ റാ​ഗി​ങ്​ സം​ഭ​വ​ത്തി​ൽ തെളിവ് ശേഖരണം പൂർത്തിയായി. കോളജിലും ഹോസ്റ്റലിലും പൊലീസ് പരിശോധന നടത്തി. പ്രതികളുടെ ഹോസ്റ്റൽ മുറികളിൽ നിന്നു മാരകായുധങ്ങൾ പൊലീസ് കണ്ടെത്തി. കത്തിയും കരിങ്കൽ കഷ്ണങ്ങളും വിദ്യാർഥികളെ ഉപദ്രവിക്കാൻ ഉപയോ​ഗിച്ച കോമ്പസും ഡമ്പലുകളും കണ്ടെത്തി. ഇതിനിടെ, റാ​ഗി​ങ്ങ്​ സം​ഭ​വ​ത്തി​ൽ നാ​ല്​ വി​ദ്യാ​ർ​ഥി​ക​ൾ കൂ​ടി കോ​ട്ട​യം ഗാ​ന്ധി​ന​ഗ​ർ പൊ​ലീ​സി​ൽ പ​രാ​തി ന​ൽ​കി.

ഇ​തു​വ​രെ ഒ​രു പ​രാ​തി മാ​ത്ര​മാ​ണ്​ ല​ഭി​ച്ചി​രു​ന്ന​ത്. അ​തി​നി​ടെ സം​ഭ​വ​ത്തി​ൽ ആ​രോ​ഗ്യ - വി​ദ്യാ​ഭ്യാ​സ വ​കു​പ്പും അ​ന്വേ​ഷ​ണം തു​ട​രു​ക​യാ​ണ്. ജോ​യ​ന്‍റ്​ ഡി.​എം.​ഇ​യു​ടെ നേ​തൃ​ത്വ​ത്തി​ലു​ള്ള സം​ഘം കോ​ള​ജി​ലെ​ത്തി വി​വ​ര​ങ്ങ​ൾ ശേ​ഖ​രി​ച്ചു. ക​ഴി​ഞ്ഞ​ദി​വ​സം ഡി.​വൈ.​എ​സ്.​പി കെ.​ജി. അ​നീ​ഷി​ന്‍റെ നേ​തൃ​ത്വ​ത്തി​ലു​ള്ള പൊ​ലീ​സ്​ സം​ഘ​വും കോ​ള​ജി​ലെ​ത്തി​യി​രു​ന്നു. പ​രാ​തി​യി​ലു​ൾ​പ്പെ​ട്ട മു​ഴു​വ​ൻ വി​ദ്യാ​ർ​ഥി​ക​ളു​ടെ​യും മൊ​ഴി രേ​ഖ​പ്പെ​ടു​ത്തി​യി​ട്ടു​ണ്ട്. നി​ല​വി​ൽ അ​ഞ്ച്​ പ്ര​തി​ക​ൾ മാ​ത്ര​മാ​ണു​ള്ള​ത്. കൂ​ടു​ത​ൽ പ്ര​തി​ക​ളി​ല്ലെ​ന്നാ​ണ്​ പൊ​ലീ​സ്​ വ്യ​ക്​​ത​മാ​ക്കു​ന്ന​ത്. പു​റ​ത്തു​വ​ന്ന പീ​ഡ​ന ദൃ​ശ്യ​ങ്ങ​ളു​ടെ പ​രി​ശോ​ധ​ന​ക്ക്​ ​സൈ​ബ​ർ​സെ​ല്ലി​ന്‍റെ സ​ഹാ​യം തേ​ടും. പ്ര​തി​ക​ളു​ടെ ഫോ​ൺ ശാ​സ്ത്രീ​യ പ​രി​ശോ​ധ​ന​ക്ക്​ അ​യ​ച്ചി​ട്ടു​ണ്ട്. റി​മാ​ൻ​ഡി​ലു​ള്ള പ്ര​തി​ക​ളെ ത​ൽ​ക്കാ​ലം ക​സ്റ്റ​ഡി​യി​ൽ വാ​ങ്ങേ​ണ്ടെ​ന്ന നി​ല​പാ​ടി​ലാ​ണ്​ പൊ​ലീ​സ്.

മനുഷ്യാവകാശ കമീഷൻ കേസെടുത്തു

കോ​ട്ട​യം: ഗ​വ. ന​ഴ്സി​ങ്​ കോ​ള​ജ്​ റാ​ഗി​ങ്​ സം​ഭ​വ​ത്തി​ൽ മ​നു​ഷ്യാ​വ​കാ​ശ ക​മീ​ഷ​ൻ കേ​സെ​ടു​ത്ത് അ​ന്വേ​ഷ​ണ​ത്തി​ന് ഉ​ത്ത​ര​വി​ട്ടു. ജി​ല്ലാ പൊ​ലീ​സ് മേ​ധാ​വി അ​ന്വേ​ഷ​ണം ന​ട​ത്തി ര​ണ്ടാ​ഴ്ച​ക്ക​കം റി​പ്പോ​ർ​ട്ട് ന​ൽ​ക​ണ​മെ​ന്ന് ക​മീ​ഷ​ൻ ജു​ഡീ​ഷ്യ​ൽ അം​ഗം കെ. ​ബൈ​ജു​നാ​ഥ് ആ​വ​ശ്യ​പ്പെ​ട്ടു. ഗ​വ. ന​ഴ്സി​ങ്​ കോ​ള​ജ് പ്രി​ൻ​സി​പ്പ​ലും വി​ശ​ദീ​ക​ര​ണം ന​ൽ​ക​ണം. കോ​ട്ട​യ​ത്ത് ന​ട​ക്കു​ന്ന അ​ടു​ത്ത സി​റ്റിം​ഗി​ൽ കേ​സ് പ​രി​ഗ​ണി​ക്കും. വാ​ർ​ത്ത​യു​ടെ അ​ടി​സ്ഥാ​ന​ത്തി​ൽ ക​മീ​ഷ​ൻ സ്വ​മേ​ധ​യാ ആ​ണ്​ ന​ട​പ​ടി സ്വീ​ക​രി​ച്ച​ത്.