മൃതദേഹം വെട്ടിനുറുക്കി ചാക്കിൽ: ഗുണ്ടയും ഭാര്യയും അറസ്​റ്റിൽ

കോട്ടയം: മാങ്ങാനത്ത്​ തലയില്ലാതെ വെട്ടിനുറുക്കിയനിലയിൽ മൃതദേഹം കണ്ടെത്തിയ സംഭവത്തിൽ കുപ്രസിദ്ധ ഗുണ്ട വിനോദ്​ കുമാറിനെയും (കമ്മൽ വിനോദ്​-58), ഭാര്യ കുഞ്ഞുമോളെയ​ും (38) കോട്ടയം വെസ്​റ്റ്​ പൊലീസ്​ അറസ്​റ്റ്​ ചെയ്​തു.  പിതാവിനെ കൊലപ്പെടുത്തിയ കേസിലെ പ്രതിയാണ്​ വിനോദ്​ കുമാർ. പയ്യപ്പാടി  മലകുന്നം പുന്നാപറമ്പിൽ സന്തോഷാണ്​ (40) ​ കൊല്ലപ്പെട്ടത്​. ആനപ്പാപ്പാനും ചില കേസുകളി​ൽ പ്രതിയുമായ സന്തോഷി​​െൻറ  മൃതദേഹം ചാക്കുകളിൽ മാങ്ങാനം മന്ദിരം കലുങ്കിന്​ സമീപത്തെ പാടത്ത്​ ഞായറാഴ്​ച​യാണ്​  കണ്ടെത്തിയത്​. തല തിങ്കളാഴ്​ച കോട്ടയം^പുതുപ്പള്ളി റോഡിൽ മക്രോണിപാലത്തിനു സമീപത്തെ തോട്ടിൽനിന്നും​ ​ കണ്ടെടുത്തു. ഞായറാഴ്​ച കസ്​റ്റഡിയിലെടുത്ത വിനോദും കുഞ്ഞുമോളും നൽകിയ സൂചനയനുസരിച്ചുള്ള തിരച്ചിലിലാണ്​ പ്ലാസ്​റ്റിക്​ കവറിൽ പൊതിഞ്ഞനിലയിൽ തല കിട്ടിയത്​.

സന്തോഷി​​​െൻറ തല പൊലീസ്​ കണ്ടെടുത്തപ്പോൾ

 

തല ഉപേക്ഷിച്ച സ്ഥലം കുഞ്ഞുമോളാണ്​ ​ കാണിച്ചുകൊടുത്തത്​. തുടർന്ന്​ തോട്ടിലിറങ്ങി പരിശോധിച്ചപ്പോൾ  കവറിൽ പൊതിഞ്ഞ്​ കല്ലുകെട്ടിത്താഴ്​ത്തിയനിലയിൽ കണ്ടെത്തി. സ​ന്തോ​ഷി​നെ ത​ല​ക്ക​ടി​ച്ച്​ കൊ​ന്നശേ​ഷം  തല അറു​ക്കു​ക​യാ​യി​രു​​െന്ന​ന്ന് വിനോദ്​ സ​മ്മ​തി​ച്ചു. ദുർ​ഗ​ന്ധം അ​നു​ഭ​വ​പ്പെട്ടതിനെത്തുടർന്ന്​ അറവുമാലിന്യമാണെന്നുകരുതി കുഴിച്ചിടാൻ ശ്രമിച്ച പ്രദേശവാസി ബിജുവാണ്​ ​മൃ​ത​ദേഹം കണ്ടെത്തിയത്​​. തു​ടർ​ന്ന്​ വി​വ​രം പൊ​ലീ​സിൽ അ​റി​യി​ച്ചു. കഴുത്തിനു​ താഴെയുള്ള ഭാഗം ഒരുചാക്കിലും ബാക്കി മറ്റൊന്നിലുമാക്കിയാണ്​ ഉപേക്ഷിച്ചത്​.​

നി​ര​വ​ധി പോ​ക്ക​റ്റ​ടിക്കേസിൽ പ്ര​തി​യായ സ​ന്തോ​ഷി​നെ ദി​വ​സ​ങ്ങ​ളാ​യി കാ​ണാ​നി​ല്ലെ​ന്ന് മനസ്സിലാക്കിയതോടെ,  മൊ​ബൈൽ ന​മ്പർ കേ​ന്ദ്രീ​ക​രി​ച്ച് അ​ന്വേ​ഷ​ണം ആരംഭിക്കുകയായിരുന്നു. ഇയാൾ അ​വ​സാ​ന​മാ​യി വി​ളി​ച്ചത് ക​മ്മൽ വി​നോ​ദി​​​െൻറ ഭാ​ര്യ കു​ഞ്ഞു​മോ​ളെ​യാ​ണെ​ന്ന്​ കണ്ടെത്തിയതിനെത്തുടർന്ന്​ ​ വി​നോ​ദി​നെ​യും ഭാ​ര്യ​യെ​യും ക​സ്​റ്റ​ഡി​യിലെ​ടുത്തു. ഞായറാഴ്​ച അർ​ധ​രാ​ത്രിവ​രെ നീ​ണ്ട ചോ​ദ്യംചെ​യ്യ​ലി​ലാണ്​  ഇവർ കു​റ്റം സ​മ്മ​തി​ച്ചത്​. വി​നോ​ദും കു​ഞ്ഞു​മോ​ളും മു​ട്ട​മ്പ​ലം ന​ഗ​ര​സഭ കോ​ള​നി​യി​ലാ​ണ് താ​മ​സിച്ചിരുന്നത്​.  അച്ഛനെ ചവിട്ടിക്കൊന്ന കേസിൽ വി​നോ​ദ് ജയിലിൽ കഴിയ​േവ സന്തോഷ്​ കു​ഞ്ഞു​മോ​ളു​മാ​യി അടുപ്പത്തിലായി. ഇ​രു​വ​രും മാ​സ​ങ്ങ​ളോ​ളം ഒ​ന്നി​ച്ച്​ താമസിക്കുകയും ചെയ്​തു. ഇതേച്ചൊല്ലി   വി​നോ​ദും സ​ന്തോ​ഷും​ ഏറ്റുമുട്ടുകയും ചെ​യ്‌​തി​രു​ന്നു.  പിന്നീടാണ്​ സ​ന്തോ​ഷി​നെ കൊ​ല​പ്പെ​ടു​ത്താൻ പദ്ധതിയിട്ടത്​.

ഇൗമാസം 23ന്​ വൈ​കുന്നേരം കു​ഞ്ഞു​മോൾ സ​ന്തോ​ഷി​നെ വീ​ട്ടി​ലേക്ക്​ വി​ളി​ച്ചുവ​രു​ത്തി​യാ​ണ് കൊ​ല​ന​ട​ത്തി​യ​ത്. വീ​ട്ടി​ലെ​ത്തിയ സ​ന്തോ​ഷി​നെ വി​നോ​ദ് കമ്പികൊണ്ട്​  അ​ടി​ച്ചുവീ​ഴ്‌​ത്തി, ത​ലക്കടിച്ച്​ കൊ​ല​പ്പെ​ടു​ത്തി. തുടർന്ന്​ റബർ തോട്ടത്തിൽ ​െകാണ്ടുപോയി കഷണങ്ങളാക്കി. മൃതദേഹം  മൂന്നു ചാക്കിലാക്കി സ്വന്തം ഓ​ട്ടോ​​യിൽ ഉ​പേ​ക്ഷി​ക്കാ​ൻ കൊ​ണ്ടുപോ​യി. മാ​ങ്ങാ​നം മ​ക്രോ​ണി ജങ്​ഷനു​ സമീപത്ത്​  പൊ​ലീ​സിനെ ക​ണ്ട​്​ വാഹനം നിർത്തി. പിന്നീട്​  തലയ​ട​ങ്ങിയ ചാ​ക്ക് അവിടെ  തോ​ട്ടിലി​ട്ടു.  പിന്നീട്​ കാ​ലും ഉ​ട​ലുമ​ട​ങ്ങു​ന്ന ചാ​ക്ക് മാ​ങ്ങാ​നം ക​ലു​ങ്കി​നുസ​മീ​പത്ത്​ വി​നോ​ദ് ഭാ​ര്യ​യു​ടെ സ​ഹാ​യ​ത്തോ​ടെ  കു​റ്റി​ക്കാ​ട്ടിലും  ഉപേക്ഷിച്ചു.
 ജില്ല പൊലീസ്​ മേധാവിയുടെ ചുമതലയുള്ള കൊച്ചി ഡി.സി.പി കറുപ്പ്​ സ്വാമി, ഡി​വൈ.​എ​സ്.​പി​മാ​രായ സ​ഖ​റിയ മാ​ത്യു, ഗി​രീ​ഷ് പി.​ സാ​ര​ഥി, സ​ന്തോ​ഷ്, ഷാ​ജി​മോൻ ജോ​സ​ഫ്, സി.​ഐ​മാ​രായ സാ​ജു വർ​ഗീ​സ്, നിർ​മൽ ബോസ്​, യു. ​ശ്രീ​ജി​ത് എ​ന്നി​വ​ർ അന്വേഷണത്തിന്​ നേതൃത്വം നൽകി.