കോട്ടയം മെഡിക്കൽ കോളജ് ദുരന്തം: വിശദീകരിച്ച്​ വിയർത്ത് അധികൃതർ

കോ​ട്ട​യം: വീ​ട്ട​മ്മ​യു​ടെ ജീ​വ​നെ​ടു​ത്ത കോ​ട്ട​യം മെ​ഡി​ക്ക​ൽ കോ​ള​ജ് ആശുപ​ത്രിയിലെ കെ​ട്ടി​ട ദു​ര​ന്ത​ത്തി​ൽ പാ​ളി​ച്ചയില്ലെ​ന്ന് വി​ശ​ദീ​ക​രി​ക്കാ​ൻ പാ​ടു​പെ​ട്ട്​​ അ​ധി​കൃ​ത​ർ. ക​ഴി​ഞ്ഞ​ദി​വ​സം സ്ഥ​ല​ത്തെ​ത്തി​യ മ​ന്ത്രി​മാ​രാ​യ വീ​ണ ജോ​ർ​ജും വി.​എ​ൻ. വാ​സ​വ​നും ന​ട​ത്തി​യ പ്ര​തി​ക​ര​ണ​മാ​ണ്​ ര​ക്ഷാ​പ്ര​വ​ർ​ത്ത​നം വൈ​കി​ച്ച​തും ബി​ന്ദു​വിന്റെ ദാ​രു​ണാ​ന്ത്യ​ത്തി​ൽ ക​ലാ​ശി​ച്ച​തും. മ​ന്ത്രി​മാ​ർ​ക്കെ​തി​രെ വി​മ​ർ​ശ​ന​വും പ്ര​തി​ഷേ​ധ​വും ശ​ക്​​ത​മാ​യ​തോ​ടെ​യാ​ണ്​ പാ​ളി​ച്ച​യു​ണ്ടാ​യി​ല്ലെ​ന്ന ന്യാ​യീ​ക​ര​ണ​വു​മാ​യി മ​ന്ത്രി​മാ​രും ഉ​ദ്യോ​ഗ​സ്ഥ​രും രം​ഗ​ത്തെ​ത്തി​യ​ത്.

ര​ക്ഷാ​പ്ര​വ​ർ​ത്ത​നം പെ​ട്ടെ​ന്ന്​ ത​ന്നെ ആ​രം​ഭി​ച്ചെ​ന്ന്​ മ​ന്ത്രി​മാ​ർ ഇ​പ്പോ​ൾ അ​വ​കാ​ശ​പ്പെ​ടു​മ്പോ​ഴും രാ​വി​ലെ 10.45 ന്​ ​ദു​ര​ന്ത​മു​ണ്ടാ​യി​ട്ട്​ 12 മ​ണി​യോ​ടെ​യാ​ണ്​ തെ​ര​ച്ചി​ൽ ആ​രം​ഭി​ച്ച​തെ​ന്ന​താ​ണ്​ വ​സ്തു​ത. ബ​ല​ക്ഷ​യ​മു​ണ്ടെ​ന്ന്​ 12 വ​ർ​ഷം മു​മ്പ്​ പൊ​തു​മ​രാ​മ​ത്ത്​ വി​ഭാ​ഗം റി​പ്പോ​ർ​ട്ട്​ നൽകിയ കെ​ട്ടി​ട​ത്തി​ൽ ഇ​ത്ര​യും കാ​ലം രോ​ഗി​ക​ളെ എ​ങ്ങ​നെ പാ​ർ​പ്പി​ച്ചെ​ന്ന കാ​ര്യ​ത്തി​ൽ അ​ധി​കൃ​ത​ർ​ക്ക്​ വി​ശ​ദീ​ക​ര​ണ​വു​മി​ല്ല.

അ​ട​ച്ചി​ട്ട കെ​ട്ടി​ട​മാ​യി​രു​ന്നു ഇ​തെ​ന്ന്​ ആ​വ​ർ​ത്തി​ച്ച മ​ന്ത്രി​മാ​ർ​ക്ക് അ​വി​ടെ​യെ​ങ്ങ​നെ രോ​ഗി​ക​ളും കൂ​ട്ടി​രി​പ്പു​കാ​രും കു​ളി​ക്കാ​നെ​ത്തി​യെ​ന്ന്​ വി​ശ​ദീ​ക​രി​ക്കാ​നും കഴിയുന്നി​ല്ല. ക​ഴി​ഞ്ഞ​ദി​വ​സം മെ​ഡി​ക്ക​ൽ​കോ​ള​ജി​ലു​ണ്ടാ​യി​രു​ന്ന മ​ന്ത്രി​മാ​ർ മ​രി​ച്ച ബി​ന്ദു​വി​ന്‍റെ ബ​ന്ധു​ക്ക​ളെ ക​ണ്ട്​ സ​മാ​ശ്വ​സി​പ്പി​ക്കാ​ൻ ത​യാ​റാ​യി​ല്ലെ​ന്ന ആ​ക്ഷേ​പ​വു​മു​ണ്ട്. മ​രി​ച്ച ബി​ന്ദു​വി​ന്‍റെ കു​ടും​ബ​ത്തി​ന് ധ​ന​സ​ഹാ​യം ന​ൽ​കു​മെ​ന്നാ​ണ്​ ഇ​പ്പോ​ൾ മ​ന്ത്രി വി.​എ​ൻ വാ​സ​വ​ന്‍റെ വാ​ഗ്ദാ​നം. ക​ഴി​ഞ്ഞ​ദി​വ​സം മൂ​ന്നു ത​വ​ണ അ​വ​രു​ടെ വീ​ട്ടി​ൽ ബ​ന്ധ​പ്പെ​ട്ടി​രു​ന്നു. വീ​ട്ടി​ൽ ആ​രു​മി​ല്ലെ​ന്നാ​ണ് അ​റി​ഞ്ഞ​ത്. അ​തി​നാ​ലാ​ണ് വീ​ട്ടി​ലേ​ക്ക് പോ​കാ​ത്തതെ​ന്നും മ​ന്ത്രി വി​ശ​ദീ​ക​രി​ക്കു​ന്നു. എ​ന്നാ​ൽ ത​ന്നെ ആ​രും വി​ളി​ച്ചി​ട്ടി​ല്ലെ​ന്ന്​ ബി​ന്ദു​വി​ന്‍റെ ഭ​ർ​ത്താ​വ്​ വി​ശ്രു​ത​ൻ പ​റ​യു​ന്നു.

തെ​ര​ച്ചി​ൽ നി​ർ​ത്തി​വെ​ച്ചു എ​ന്ന​ത് രാ​ഷ്ട്രീ​യ ആ​രോ​പ​ണമാ​ണെ​ന്നാ​ണ്​ മ​ന്ത്രി​യു​ടെ പ്ര​തി​ക​ര​ണം. പു​തി​യ സ​ർ​ജി​ക്ക​ൽ ബ്ലോ​ക്കി​ലേ​ക്ക് മാ​റു​ന്ന പ്ര​ക്രി​യ ന​ട​ക്കു​ക​യാ​യി​രു​ന്നെ​ന്നാ​ണ്​ മെ​ഡി​ക്ക​ൽ കോ​ള​ജ്​ പ്രി​ൻ​സി​പ്പ​ൽ ഡോ. ​വ​ർ​ഗീ​സ് പി. ​പു​ന്നൂ​സി​ന്‍റെ വി​ശ​ദീ​ക​ര​ണം. എ​ന്നാ​ൽ എ​ന്തു​കൊ​ണ്ട്​ ഇ​തി​ന്​ കാ​ല​താ​മ​സം വ​ന്നെ​ന്ന്​ വി​ശ​ദീ​ക​രി​ക്കാ​ൻ അ​ദ്ദേ​ഹ​ത്തി​ന്​ സാ​ധി​ച്ചി​​ല്ല. താ​ൻ പ​റ​ഞ്ഞ കാ​ര്യ​ങ്ങ​ളാ​ണ്​ മ​ന്ത്രി പ​റ​ഞ്ഞ​തെ​ന്ന്​ ആ​ശു​പ​ത്രി സൂ​പ്ര​ണ്ട്​ ഡോ. ​ടി.​കെ. ജ​യ​കു​മാ​ർ ക​ഴി​ഞ്ഞ​ദി​വ​സം ഉ​ത്ത​ര​വാ​ദി​ത്തം ഏ​റ്റെ​ടു​ക്കു​ക​യും ചെ​യ്തി​രു​ന്നു.

ഫ​യ​ർ​ഫോ​ഴ്​​സ്, പൊ​ലീ​സ്​ ഉ​ദ്യോ​ഗ​സ്ഥ​ർ പ​റ​ഞ്ഞ​തി​ന്‍റെ അ​ടി​സ്ഥാ​ന​ത്തി​ലാ​ണ്​ താ​ൻ അ​ങ്ങ​നെ പ​റ​ഞ്ഞ​തെ​ന്നാ​ണ്​ സൂ​പ്ര​ണ്ടി​ന്‍റെ വി​ശ​ദീ​ക​ര​ണം. എ​ന്നാ​ൽ കെ​ട്ടി​ടം അ​ട​ച്ചി​ട്ടി​രി​ക്കു​ക​യാ​യി​രു​ന്നെ​ന്ന്​ അ​ദ്ദേ​ഹ​വും ആ​വ​ർ​ത്തി​ച്ചു.

കെ​ട്ടി​ടം അ​ട​ച്ചി​ട്ടി​രി​ക്കു​ക​യാ​ണെ​ന്ന്​ രോ​ഗി​ക​ളെ അ​റി​യി​ക്കാ​ൻ ബോ​ർ​ഡു​ക​ൾ വ​ല്ല​തും വ​ച്ചി​രു​ന്നോ​യെ​ന്ന ചോ​ദ്യ​ത്തി​ന്​ മ​റു​പ​ടി​യി​ല്ല. ഈ ​വി​ശ​ദീ​ക​ര​ണ​ത്തി​നെ​തി​രെ രൂ​ക്ഷ​മാ​യ വി​മ​ർ​ശ​ന​മാ​ണ്​ പ്ര​തി​പ​ക്ഷ പാ​ർ​ട്ടി​ക​ളും ബി​ന്ദു​വി​ന്‍റെ ബ​ന്ധു​ക്ക​ളും ഉ​യ​ർ​ത്തു​ന്ന​ത്.