നഴ്സസ് ദിനത്തിൽ അഭിമാനത്തോടെ കോട്ടയം മെഡിക്കൽ കോളജ് നഴ്സുമാർ

​േകാട്ടയം: നഴ്സസ് ദിനത്തിൽ കേരളത്തി​െല ആ​േരാഗ്യരംഗത്തെ അഭിമാനമാകുന്നതി​​​െൻറ സന്തോഷത്തിലാണ് കോട്ടയം മെഡിക്കൽ കോളജ് സ്​റ്റാഫ് നഴ്സുമാർ. കോവിഡ് ബാധിതരെ പരിചരിച്ച സ്​റ്റാഫ് നഴ്സ് രേഷ്മ മോഹൻദാസിന് രോഗബാധയുണ്ടായ ഘട്ടത്തിലും സധൈര്യം ഡ്യൂട്ടി ഏറ്റെടുക്കുകയായിരുന്നു സഹപ്രവർത്തകർ.

നിപ ഡ്യൂട്ടി ചെയ്ത മെയിൽ നഴ്സ് മനുദാസ് അടക്കം 25 സ്​റ്റാഫ് നഴ്​സുമാരാണ് ഡ്യൂട്ടിയിലുണ്ടായിരുന്നത്​.

 രണ്ടാംഘട്ടത്തിലെത്തിയ രോഗികളെ  പരിചരിക്കുന്നതിനായി എ അജിത, ലിസി ജോർജ് എന്നിവർ ഹെഡ് നഴ്സുമാരായും ആൻസ് അന്ന ജോൺ, പി.ജെ. ഗീത, വിമല വർഗീസ്, ടിങ്കുമോൾ എ.ആർ, ജയലക്ഷ്മി എം. നായർ, ബബ്ളി കൃഷ്ണൻ, മിനിമോൾ കെ.കെ, ആരണ്യ മധു, അഞ്​ജന മധു, നീതു എലിസബത്ത്‌, ഷൈനി മാത്യു, നിനു എം.മൈക്കിൾ, എം.എസ്​. രമ്യമോൾ, മിനു മൈക്കിൾ  സ്​റ്റാഫ്​ നഴ്​സുമാരായുമുണ്ടായിരുന്നു. 

നഴ്സുമാര്‍ക്ക് അഭിനന്ദനവും നന്ദിയുമായി കലക്ടറും
കോട്ടയം: ഫ്ലോറന്‍സ് നൈറ്റിംഗേലി‍​െൻറ പിന്‍ഗാമികള്‍ക്ക് നന്ദിയും ആശംസയും നേർന്ന് കലക്ടറും. കലക്ടർ പി.കെ. സുധീർബാബുവാണ് അന്താരാഷ്​ട്ര നഴ്സസ് ദിനത്തില്‍ നഴ്സുമാർക്ക് അഭിനന്ദനവും നന്ദിയും അറിയിച്ച് ഫേസ്ബുക്കിൽ കുറിപ്പിട്ടത്. കേരളത്തി​​െൻറ അംബാസഡര്‍മാരായി ലോകമെമ്പാടും പ്രവര്‍ത്തിക്കുന്നവരെന്ന വിശേഷണമാണ് കലക്ടർ ജില്ലയിലെ നഴ്സുമാർക്ക് നൽകുന്നത്.

കോട്ടയം ജില്ല ജനറൽ ആശുപത്രി കോവിഡ് സെല്ലിൽ ഡ്യൂട്ടിക്കെത്തിയ സ്​റ്റാഫ് നഴ്സ് അജിത താൻ വരച്ച ആർ.എം.ഒ ഡോ. ഭാഗ്യശ്രീയുടെ ചിത്രം സഹപ്രവർത്തകരെ കാണിക്കുന്നു

 

കലക്ടറുടെ കുറിപ്പിലെ ഭാഗം: സ്വന്തം സുരക്ഷിതത്വം ഉള്‍പ്പെടെ ഗ്രാമങ്ങളിലെ ഫീല്‍ഡുതല പ്രവര്‍ത്തനത്തില്‍ മുതല്‍ വിവിധ രാജ്യങ്ങളിലെ ആഗോളപ്രശസ്തമായ ആശുപത്രികളില്‍വരെയുള്ള നഴ്സുമാര്‍ കോട്ടയത്തി​​െൻറ കരുത്താണ്. നിങ്ങളില്‍ രോഗം ബാധിക്കുകയും രോഗമുക്തി നേടുകയും ചെയ്തവരുമുണ്ടാകാം. കുടുംബത്തിലെ ഉത്തരവാദിത്തംപോലും മാറ്റി​െവച്ച്  ഇപ്പോഴും സേവനം തുടരുന്ന ഓരോരുത്തരെയും ഈ ദിവസത്തില്‍ പ്രത്യേകം ഓര്‍മിക്കുന്നു.
സമാനതകളില്ലാത്ത സേവനത്തിന് ഈ നാടിനുവേണ്ടി അഭിനന്ദനവും നന്ദിയും അറിയിക്കുന്നു. പ്രതിസന്ധികളിലൊന്നില്‍ മനഃസാന്നിധ്യം കൈവിടാതെ മുന്നോട്ടുപോകാന്‍ കഴിയട്ടെ എന്ന് ആശംസിക്കുന്നു.