Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightനിർത്തിയിട്ട...

നിർത്തിയിട്ട ലോറിക്ക്​ പിന്നിൽ മിനിലോറിയിടിച്ച്​ രണ്ട്​ തമിഴ്​നാട്​ സ്വദേശികൾ മരിച്ചു

text_fields
bookmark_border
നിർത്തിയിട്ട ലോറിക്ക്​ പിന്നിൽ മിനിലോറിയിടിച്ച്​ രണ്ട്​ തമിഴ്​നാട്​ സ്വദേശികൾ മരിച്ചു
cancel

കുറവിലങ്ങാട്: നിർത്തിയിട്ട തടിലോറിക്ക് പിന്നിൽ മിനിലോറി ഇടിച്ച് തമിഴ്​നാട്​ സ്വദേശികളായ രണ്ടുപേർ മരിച്ചു. മിനിലോറി ഡ്രൈവറുടെ  നില അതിഗുരുതരം. മിനിലോറിയിൽ സഞ്ചരിച്ച തിരു​െനൽവേലി നോർത്ത് പനമടയിൽ ശങ്കരൻകോവിലിൽ പാണ്ടിത്തേവരുടെ മകൻ മുത്തയ്യ  (50), ദിണ്ഡിഗൽ ശ്രീരാംപുരം സേത്തിയപടിയിൽ സൗത്ത് തോട്ടത്തിൽ ദിനേഷ്കുമാർ (26) എന്നിവരാണ് മരിച്ചത്.

മിനിലോറി ൈഡ്രവർ ദിണ്ഡിഗൽ ശ്രീരാംപുരം സേത്തിയപടിയിൽ ഗുരുസ്വാമിയുടെ മകൻ സെന്തിൽകുമാറിനെ (32) കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ശനിയാഴ്​ച പുലർച്ച മൂന്നരയോടെ കോഴ ജങ്​ഷന് സമീപം ഉഴവൂർ ​േബ്ലാക്ക് പഞ്ചായത്ത് ഓഫിസിന് മുന്നിലായിരുന്നു അപകടം.

പെരുമ്പാവൂരിലേക്ക് പോകുകയായിരുന്ന തടിലോറി എം.സി റോഡരികിൽ നിർത്തിയിട്ടിരിക്കുകയായിരുന്നു. കോട്ടയത്തുനിന്ന്​ തൃശൂർ ഭാഗത്തേക്ക്​ വരുകയായിരുന്ന മിനിലോറി ഇതിനു​ പിന്നിൽ ഇടിക്കുകയായിരുന്നു. ഗുരുതര പരിക്കേറ്റ മിനിലോറിയുണ്ടായിരുന്നവർ സംഭവസ്ഥലത്ത്​ തന്നെ മരിച്ചതായി പറയുന്നു.

കുറവിലങ്ങാട് പൊലീസും നാട്ടുകാരും ലോറി വെട്ടിപ്പൊളിച്ചാണ്​ അപകടത്തിൽപെട്ട​വരെ പുറത്തെടുത്തത്​. ൈഡ്രവർ ഉറങ്ങിയതാണ് അപകടകാരണമെന്ന് പൊലീസ്​ പറഞ്ഞു. പോസ്​റ്റ്​മോർട്ടത്തിനുശേഷം മൃതദേഹം ബന്ധുക്കൾക്ക് വിട്ടുകൊടുത്തു. 


 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kottayamkerala newsmalayalam newsKuravilangad Accident
News Summary - Kottayam Kuravilangad Accident; Two Dead -kerala News
Next Story