ആത്​മഹത്യ ചെയ്യാൻ മൂന്ന്​ വാഹനങ്ങൾക്ക്​ മുന്നിൽ ചാടി: കോട്ടയം സ്വദേശിക്ക്​ ദാരുണാന്ത്യം

കോട്ടയം: ജീവനൊടുക്കാൻ നഗരമധ്യത്തിൽ മൂന്ന്​ വാഹനങ്ങൾക്ക്​ മുന്നിൽ ചാടിയയാൾ മിനി ട്രക്ക്​ കയറി മരിച്ചു. പാലാത്ര കൺസ്ട്രക്ഷൻസ്​ ​െലയ്​സൺ ഒാഫിസർ ആലപ്പുഴ നീലംപേരൂർ ചെറുകരതുണ്ടിയിൽ ടി.എ. പുത്ര​​​െൻറ മകൻ പി.പി. രാജേഷാണ്​ (42) മരിച്ചത്. വെള്ളിയാഴ്​ച വൈകീട്ട്​ മൂന്നിന്​ ടി.ബി റോഡിൽ കോഴിച്ചന്തക്ക്​ സമീപമായിരുന്നു അപകടം. വാഹനങ്ങൾക്ക്​ മുന്നിൽ ചാടിയ ഇയാൾ അവസാനം കെ.എസ്.ആർ.ടി.സി ബസിൽ തട്ടി ട്രക്കിനുമുന്നിലേക്ക്​ തെറിച്ച്​ വീഴുകയായിരുന്നു. 

കെ.എസ്.ആർ.ടി.സി ബസ് സ്​റ്റാൻഡ്​ പരിസരത്തുനിന്നാണ്​ രാജേഷ്​ ഒാടിയെത്തിയത്​. ആദ്യം കെ.എസ്.ആർ.ടി.സി സ്​റ്റാൻഡിന്​ സമീപത്തുവെച്ച്​ ലോറിക്ക്​ മുന്നിൽ ചാടിയെങ്കിലും ലോറി ബ്രേക്കിട്ടു. പിന്നാലെ പച്ചക്കറിയുമായി എത്തിയ ടാറ്റ എയ്‌സ് ലോറിയുടെ പിന്നിൽ ഇടിച്ചു. ഇടിയുടെ ആഘാതത്തിൽ എയ്‌സി​​​െൻറ മുൻഭാഗം പൂർണമായി തകർന്നു. ഡ്രൈവർ പരിക്കേൽക്കാതെ രക്ഷപ്പെട്ടു. 

വ്യാപാരികൾ പിന്തിരിപ്പിക്കാൻ നോക്കിയെങ്കിലും രക്ഷപ്പെട്ട് ഓടിയ രാജേഷ്​ അനുപമ തിയറ്ററിന്​ മുൻവശത്ത് നിന്നും​ സ്വകാര്യ ബസിന്​ മുന്നിലേക്ക്​ ചാടി. വേഗത കുറച്ചെത്തിയതിനാൽ ഇടിക്കാതെ രക്ഷപ്പെട്ട രാജേഷ്​, പിന്നീട്, കോഴിച്ചന്ത ഭാഗത്തുവെച്ച്​ കെ.എസ്.ആർ.ടി.സി ബസിന്​ മുന്നിലേക്ക്​ ചാടുകയായിരുന്നു.
 
ബസി​​​െൻറ വശത്ത് തട്ടിയ രാജേഷ് തെറിച്ചുവീണത് പിന്നാലെ എത്തിയ മിനി ട്രക്കി​​​െൻറ അടിയിലേക്കാണ്​. ട്രക്ക് ഇയാളുടെ തലയിലൂടെ കയറുകയായിരുന്നു. അപകടത്തെ തുടർന്ന്​ ട്രക്ക് ഉപേക്ഷിച്ച് ഡ്രൈവർ സംഭവസ്ഥലത്തുനിന്ന്​ ഓടി രക്ഷപ്പെട്ടു. റോഡിന്​ നടുവിൽ ട്രക്ക് കിടന്നതോടെ ടി.ബി റോഡിൽ ഗതാഗതക്കുരുക്കും രൂക്ഷമായി. 15 മിനിറ്റോളം രാജേഷി​​​െൻറ മൃതദേഹം റോഡിൽ കിടന്നു.
 
ഒടുവിൽ ട്രാഫിക് പൊലീസെത്തി കൺട്രോൾ റൂം വാഹനത്തിൽ മൃതദേഹം ജനറൽ ആശുപത്രി മോർച്ചറിയിലേക്ക്​ മാറ്റി. തുടർന്ന്​​​ ഗതാഗതം പുനരാരംഭിക്കുകയായിരുന്നു​. സംഭവത്തിൽ കേസെടുത്തതായി ട്രാഫിക് എസ്.ഐ ഷി​േൻറാ പി. കുര്യൻ അറിയിച്ചു. രാജേഷി​​​െൻറ ഭാര്യ: ഡോ. ബിന്ദു (കാലടി സംസ്​കൃത സർവകലാശാല അധ്യാപിക). മകൻ: പ്രണവ്. മാതാവ് തങ്കമ്മ.