കോതമംഗലം പള്ളിത്തർക്കം: കേന്ദ്ര-സംസ്​ഥാന സർക്കാറുകൾക്ക്​ ഹൈകോടതി​ നോട്ടീസ്​

കൊച്ചി: കോതമംഗലം മാർത്തോമ ചെറിയ പള്ളിത്തർക്കത്തിൽ കേന്ദ്ര-സംസ്ഥാന സർക്കാറുകൾക്ക് ഹൈകോടതി നോട്ടീസ് അയച്ച ു. സുപ്രീംകോടതി ഉത്തരവ് നടപ്പാക്കേണ്ടത് സംസ്ഥാന സർക്കാറി​​​​െൻറ ഉത്തരവാദിത്വമാണെന്ന് പറഞ്ഞ കോടതി, കേസിൽ സത്യവാങ്​മൂലം സമർപ്പിക്കാൻ സംസ്​ഥാന സർക്കാറിനോട്​ ആവശ്യപ്പെട്ടു.

കോതമംഗലം മാർത്തോമ പള്ളിയിൽ പ്രവേശിക്കാൻ കേന്ദ്രസേനയുടെ സംരക്ഷണം ആവശ്യപ്പെട്ട്​ ഒാർത്തഡോക്​സ്​ റമ്പാൻ തോമസ് പോൾ ഹൈകോടതിയിൽ സമർപ്പിച്ച ഹരജിയിലാണ് നടപടി.

ഓർത്തഡോക്സ് വിഭാഗത്തിന് പളളി വിട്ടുകൊടുക്കാനുള്ള സുപ്രീംകോടതി ഉത്തരവ് നടപ്പാക്കാൻ സംസ്ഥാന സർക്കാറിന് കഴിയുന്നില്ല. നിയമം നടപ്പാക്കാൻ പൊലീസിന് സാധിക്കാത്തതിനാൽ കേന്ദ്രസേനയുടെ സംരക്ഷണം വേണമെന്നും ഹരജിയിൽ പറയുന്നു. കേസ് ജനുവരി നാലിന് കോടതി വീണ്ടും പരിഗണിക്കും.