കൂത്താട്ടുകുളം തട്ടിക്കൊണ്ടുപോകൽ: കലാ രാജു പറയുന്നത് പറയുന്നത് പരസ്‌പര വിരുദ്ധമായ കാര്യങ്ങളെന്ന് സി.പി.എം

കൊച്ചി: കൂത്താട്ടുകുളത്തെ തട്ടിക്കൊണ്ടുപോകൽ വിവാദത്തിൽ പാർട്ടി കൗൺസിലറായ കലാ രാജുവിന് മറുപടിയുമായി സി.പിഎം. കലാ രാജു പറയുന്ന കാര്യങ്ങൾ പരസ്പര വിരുദ്ധമാണെന്ന് കൂത്താട്ടുകുളം ഏരിയ കമ്മിറ്റി കുറ്റപ്പെടുത്തി. പാർട്ടി പ്രവർത്തകർ കത്തി കാട്ടി ഭീഷണിപ്പെടുത്തിയെങ്കിൽ എന്തുകൊണ്ട് അന്നുതന്നെ പൊലീസിനോട് അക്കാര്യം പറഞ്ഞില്ല? സംഭവ ദിവസം കലാ രാജു പൂർണ ആരോഗ്യവതിയായിരുന്നുവെന്നും ഇപ്പോൾ അനാരോഗ്യത്തിൽ പ്രത്യക്ഷപ്പെടുന്നത് ദുരൂഹമെന്നുമാണ് വിമർശനം.

ഒരു പരിചയവും ഇല്ലാത്ത കലാ രാജുവിനെ മൂവാറ്റുപുഴ എം.എൽ.എ ആശുപത്രിയിൽനിന്ന് സ്വന്തം കാറിൽ തട്ടിക്കൊണ്ട് പോയെന്നും ഇന്ദിരാഗാന്ധി ആശുപത്രിയിൽ കലാ രാജുവിനെ ശുശ്രൂഷിക്കുന്നത് കുഴൽനാടന്റെ ക്രിമിനലുകളാണെന്നും സി.പി.എം നേതൃത്വം വിമർശിക്കുന്നു. കലാ രാജുവിന്റെ രഹസ്യമൊഴി കിട്ടിയശേഷം കേസിൽ തുടർ നടപടികളിലേക്ക് കടക്കുമെന്നാണ് പൊലീസ് പറയുന്നത്. കൊ​ച്ചി​യി​ലെ സ്വ​കാ​ര്യ ആ​ശു​പ​ത്രി​യി​ൽ ക​ഴി​യു​ന്ന കല​ക്ക് ചൊ​വ്വാ​ഴ്ച അ​നാ​രോ​ഗ്യ​ത്തെ​തു​ട​ർ​ന്ന് മൊ​ഴി ന​ൽ​കാ​നാ​യിരു​ന്നില്ല.

അതേസമയം, ക​ലാ രാ​ജു​വി​നെ മ​ർ​ദി​ച്ച് ത​ട്ടി​ക്കൊ​ണ്ടു​പോ​യ കേ​സി​ൽ നാ​ല് സി.​പി.​എം പ്ര​വ​ർ​ത്ത​ക​രെ മൂ​വാ​റ്റു​പു​ഴ ഒ​ന്നാം ക്ലാ​സ് മ​ജി​സ്ട്രേ​റ്റ് കോ​ട​തി റി​മാ​ൻ​ഡ്​ ചെ​യ്തു. കി​ഴ​കൊ​മ്പ് ചെ​ള്ള​യ്ക്ക​പ്പ​ടി അ​രു​ൺ വി. ​മോ​ഹ​ൻ (42), ഇ​ല​ഞ്ഞി ആ​ല​പു​രം വെ​ള്ളാ​നി​ൽ ടോ​ണി (34), കി​ഴ​കൊ​മ്പ് തു​ക്കു​പ​റ​മ്പി​ൽ റി​ൻ​സ് (42), കൂ​ത്താ​ട്ടു​കു​ളം വ​ള്ളി​യാ​ങ്കു​മ​ല​യി​ൽ സ​ജി​ത്ത് (42) എ​ന്നി​വ​രെ​യാ​ണ് റി​മാ​ൻ​ഡ്​ ചെ​യ്ത​ത്. മൂ​വാ​റ്റു​പു​ഴ താ​ലൂ​ക്ക് ആ​ശു​പ​ത്രി​യി​ൽ വൈ​ദ്യ​പ​രി​ശോ​ധ​ന​ക്ക്​ ശേ​ഷ​മാ​ണ് പൊ​ലീ​സ് പ്ര​തി​ക​ളെ കോ​ട​തി​യി​ൽ ഹാ​ജ​രാ​ക്കി​യ​ത്.

കൂത്താട്ടുകുളം നഗരസഭയിൽ അവിശ്വാസ പ്രമേയം ചർച്ചക്ക് എടുക്കാനിരിക്കെയാണ് കൗൺസിലർ കലാ രാജുവിനെ തട്ടിക്കൊണ്ടുപോയെന്ന പരാതി ഉയരുന്നത്. യു.ഡി.എഫിന് അനുകൂലമായി വോട്ട് ചെയ്യുമെന്ന സംശയത്ത തുടർന്ന് എൽ.ഡി.എഫ് കൗൺസിലർ കലാരാജുവിനെ സി.പി.എം പ്രവർത്തകർ കടത്തിക്കൊണ്ടുപോവുകയായിരുന്നു. നഗരസഭയിലെ സി.പി.എം കൗൺസിലർ കലാ രാജുവിന്റെ കുടുംബം നൽകിയ പരാതിയിലാണ് പൊലീസ് കേസെടുത്തത്.