കൂളിമാട് കടവ് പാലം നിർമാണം പുനരാരംഭിച്ചു
text_fieldsകൂളിമാട്: കോഴിക്കോട്-മലപ്പുറം ജില്ലകളെ ബന്ധിപ്പിച്ച് കൂളിമാട് കടവിൽ നിർമിക്കുന്ന പാലത്തിെൻറ പ്രവൃത്തി പുനരാരംഭിച്ചു. വെള്ളിയാഴ്ച വൈകീട്ട് പൈലിങ് തുടങ്ങി. തുടക്കത്തിൽ ഇരുകരയിലെയും പൈലിങ്ങും നിർമാണവുമാണ് നടക്കുക.
2019 മാർച്ചിൽ പ്രവൃത്തി ഉദ്ഘാടനം നിർവഹിച്ച പാലത്തിെൻറ നിർമാണം കഴിഞ്ഞ പ്രളയേത്താടെയാണ് നിലച്ചത്. തുടർന്ന്, പ്രളയനിരപ്പിനനുസരിച്ച് പാലത്തിെൻറ ഡിസൈൻ പുതുക്കണമെന്ന നിർദേശം വന്നതോടെ നിർമാണം പൂർണമായി നിർത്തിവെച്ചു. സെപ്റ്റംബർ മൂന്നിന് ഡിസൈനിങ് വിഭാഗം സ്ഥലം പരിശോധിച്ചതനുസരിച്ച് ഡിസൈനിലും പാലത്തിെൻറ ഉയരത്തിലും മാറ്റം വരുത്തുകയും എസ്റ്റിമേറ്റ് പുതുക്കുകയുമായിരുന്നു.
പുതുക്കിയ എസ്റ്റിമേറ്റ് അംഗീകരിക്കുകയും മുഴുവൻ അനുമതിയും ലഭിക്കുകയും ചെയ്തതോടെയാണ് നിർമാണം പുനരാരംഭിച്ചത്. 21.5 കോടിയായിരുന്നു പാലത്തിെൻറ ആദ്യ എസ്റ്റിമേറ്റ് 3.5 കോടി രൂപ വർധിപ്പിച്ച് 25 കോടിയുടെ എസ്റ്റിമേറ്റാണ് അംഗീകരിച്ചത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.