കൂടത്തായി മരണങ്ങൾ: വില്ലനായ സയനൈഡിനെ അറിയാം

കൂടത്തായിയിലെ മരണങ്ങളിൽ വില്ലനായത്​ സയനൈഡാണെന്നാണ്​ പൊലീസ്​ സംശയം​​. സയനൈഡിൻെറ ചെറിയൊരു അംശം ശരീരത്തിൽ ചെന്നാൽ പോലും അതിവേഗത്തിലുള്ള മരണമുണ്ടാകും. കൂടത്തായിയി മരിച്ചവരിൽ രണ്ട്​ വയസുകാരിയായ അൽഫൈൻ ഒഴികെ മറ്റെല്ലാവരും ആശുപത്രിയിൽ എത്തുന്നതിന്​ മുമ്പ്​ തന്നെ മരിച്ചിരുന്നു. മരണങ്ങളിൽ സയനൈഡി​ൻെറ സാന്നിധ്യത്തിലേക്കാണ്​ ഇത്​ വിരൽ ചൂണ്ടുന്നത്​.

KCN എന്ന് രാസസൂത്രമുള്ള ഒരു സംയുക്തമാണ് പൊട്ടാസ്യം സയനൈഡ് (Potassium cyanide). പഞ്ചസാരയോടു സാമ്യമുള്ള, ജലത്തിൽ വളരെ നന്നായി ലയിക്കുന്ന, നിറമില്ലാത്ത, ക്രിസ്റ്റൽ രൂപത്തിലുള്ള ഒരു ലവണമാണ് ഇത്. സ്വർണ്ണഖനനത്തിലും ആഭരണമേഖലയിലും ഇലക്ട്രോപ്ലേറ്റിംഗിലും സയനൈഡ്​ ഉപയോഗിക്കുന്നു. കൂടത്തായിയിലെ മരണങ്ങൾക്ക്​ കാരണമായ സയനൈഡ്​ ജ്വല്ലറിയിൽ ജോലി ചെയ്യുന്നയാളാണ്​ ​ജോളിക്ക്​ നൽകിയതെന്നാണ്​ പൊലീസ്​ സംശയം.

സയനൈഡ് വിഷബാധയേൽക്കുന്നയാളിൻെറ മുഖം ചുവന്നുതുടുക്കുന്നതാണ്​ ആദ്യ ലക്ഷണങ്ങളിലൊന്ന്​. രക്തത്തിലെ ഓക്സിജൻ ടിഷ്യുസിന് ഉപയോഗിക്കാൻ കഴിയാത്തതുകൊണ്ടാണിത്​​. പൊട്ടാസ്യം, സോഡിയം സയനൈഡ് എന്നിവയുടെ ഫലം സമാനമാണ്. വിഷബാധയോടുകൂടിയ ലക്ഷണങ്ങൾ വസ്തുവിന് ദഹനം സംഭവിക്കുന്നതിനുമുമ്പ് തന്നെ സയനൈഡ്​ ഉള്ളിൽചെന്ന വ്യക്​തിയിൽ പ്രകടമാകുന്നു. വ്യക്തിക്ക്​ ബോധം നഷ്ടപ്പെടുകയും മരണം സംഭവിക്കുകയും ചെയ്യുന്നു. സെറിബ്രൽ ഹൈപോക്സിയ മൂലമാണ്​ സയനൈഡ്​ മൂലമുള്ള മരണം സംഭവിക്കുന്നത്​.