You are here

കൂടത്തായി: ജോളിയെ ഷാജുവി​െൻറ വീട്ടിലെത്തിച്ച് തെളിവെടുത്തു 

  • പൊ​ന്നാ​മ​റ്റം വീ​ട്ടി​ലും  താ​മ​ര​ശ്ശേ​രി​യി​ലെ ദ​ന്താ​ശു​പ​ത്രി​യി​ലും തെ​ളി​വെ​ടു​പ്പി​നെ​ത്തി 

23:25 PM
24/10/2019
koodathai-241019.jpg

താ​മ​ര​ശ്ശേ​രി: കൂ​ട​ത്താ​യി കൊ​ല​പാ​ത​ക പ​ര​മ്പ​ര കേ​സി​ലെ മു​ഖ്യ​പ്ര​തി ജോ​ളി​യെ ര​ണ്ടാം  ഭ​ര്‍ത്താ​വ് ഷാ​ജു​വി​​​െൻറ വീ​ട്ടി​ലും കൂ​ട​ത്താ​യി പൊ​ന്നാ​മ​റ്റം വീ​ട്ടി​ലും താ​മ​ര​ശ്ശേ​രി​യി​ലെ സ്വ​കാ​ര്യ ദ​ന്താ​ശു​പ​ത്രി​യി​ലു​ം എ​ത്തി​ച്ച്​  തെ​ളി​വെ​ടു​ത്തു. വ്യാ​ഴാ​ഴ്ച രാ​വി​ലെ 11.30 ഓ​ടെ​യാ​ണ് അ​േ​ന്വ​ഷ​ണ സം​ഘം കോ​ട​ഞ്ചേ​രി  പു​ലി​ക്ക​യ​ത്ത്  ഷാ​ജു​വി​​​െൻറ പി​താ​വ് സ​ഖ​റി​യാ​സി​​​െൻറ വീ​ട്ടി​ല്‍ ജോ​ളി​യു​മാ​യെ​ത്തി​യ​ത്. ഷാ​ജു​വി​​​െൻറ ആ​ദ്യ ഭാ​ര്യ സി​ലി കൊ​ല്ല​പ്പെ​ട്ട കേ​സി​ല്‍ ജോ​ളി, ഷാ​ജു​വി​​​െൻറ മ​ക​ന്‍, അ​യ​ല്‍വാ​സി​ക​ള്‍ എ​ന്നി​വ​ര്‍ ന​ല്‍കി​യ മൊ​ഴി​യു​ടെ അ​ടി​സ്ഥാ​ന​ത്തി​ലാ​യി​രു​ന്നു തെ​ളി​വെ​ടു​പ്പ്.      

പു​ലി​ക്ക​യ​ത്തെ ഷാ​ജു​വി​​​െൻറ വീ​ട്ടി​ല്‍ വെ​ച്ചാ​ണ് 2014 ല്‍ ​അ​രി​ഷ്​​ട​ത്തി​ല്‍ സ​യ​നൈ​ഡ് ക​ല​ര്‍ത്തി ന​ല്‍കി സി​ലി​യെ ഇ​ല്ലാ​താ​ക്കാ​നു​ള്ള ആ​ദ്യ​ശ്ര​മം ന​ട​ത്തി​യ​തെ​ന്നാ​ണ് അ​ന്വേ​ഷ​ണ സം​ഘ​ത്തി​​​െൻറ നി​ഗ​മ​നം. തെ​ളി​വെ​ടു​പ്പ് സ​മ​യ​ത്ത് പി​താ​വ് സ​ഖ​റി​യാ​സും അ​മ്മ  ഫി​ലോ​മി​ന​യും വീ​ട്ടി​ലു​ണ്ടാ​യി​രു​ന്നു. വീ​ട്ടു​കാ​രു​ടെ സാ​ന്നി​ധ്യ​ത്തി​ല്‍ ജോ​ളി​യെ ദീ​ര്‍ഘ​നേ​രം ചോ​ദ്യം​ചെ​യ്​​തു. 

ഷാ​ജു​വി​നെ​യും പൊ​ലീ​സ് വീ​ണ്ടും ചോ​ദ്യം​ചെ​യ്തു. വീ​ട്ടി​ലെ മു​റി​ക​ളി​ലും അ​ല​മാ​ര​ക​ളി​ലും ജോ​ളി​യു​ടെ​യും  വീ​ട്ടു​കാ​രു​ടെ​യും സാ​ന്നി​ധ്യ​ത്തി​ല്‍ പ​രി​ശോ​ധ​ന ന​ട​ത്തി. ഇ​വി​ടെ ഒ​രു മ​ണി​ക്കൂ​ര്‍ നീ​ണ്ട  പ​രി​ശോ​ധ​ന​ക്കും ചോ​ദ്യം​ചെ​യ്യ​ലി​നും ശേ​ഷ​മാ​ണ്​ 12.30ന് ​അ​ന്വേ​ഷ​ണ സം​ഘം കൂ​ട​ത്താ​യി പൊ​ന്നാ​മ​റ്റം ടോം ​തോ​മ​സി​​​െൻറ വീ​ട്ടി​ലെ​ത്തി​യ​ത്.

സി​ലി കൊ​ല്ല​പ്പെ​ട്ട 2016 ജ​നു​വ​രി 11ന് ​കൂ​ട​ത്താ​യി പൊ​ന്നാ​മ​റ്റം വീ​ട്ടി​ല്‍ കൊ​ണ്ടു​വ​ന്ന്​ അ​വ​ർ ഫ്രൈ​ഡ്റൈ​സ് കൊ​ടു​ത്തി​രു​ന്നു. കു​പ്പി​യി​ല്‍ സ​യ​നൈ​ഡ് ക​ല​ര്‍ത്തി​യ വെ​ള്ളം  ബാ​ഗി​ലാ​ക്കി കൊ​ണ്ടു​പോ​യ​തും ഇ​വി​ടെ നി​ന്നാ​ണ്. കു​പ്പി​യെ​ടു​ത്ത സ്ഥ​ല​വും സി​ലി ഇ​രു​ന്ന് ഭ​ക്ഷ​ണം ക​ഴി​ച്ച  മേ​ശ​യും വെ​ള്ള​ത്തി​ല്‍ സ​യ​നൈ​ഡ് ക​ല​ര്‍ത്തി​യ സ്ഥ​ല​വു​മെ​ല്ലാം ജോ​ളി പൊ​ലീ​സി​ന്​ കാ​ണി​ച്ചു​കൊ​ടു​ത്തു. ഇ​വി​ടെ​വെ​ച്ചും​ ജോ​ളി​യെ വി​ശ​ദ​മാ​യി ചോ​ദ്യം ചെ​യ്തു.  

ഉ​ച്ച​ക്കു​ ശേ​ഷം മൂ​ന്ന​ര​യോ​ടെ​യാ​ണ്​ സി​ലി  കു​ഴ​ഞ്ഞു​വീ​ണ താ​മ​ര​ശ്ശേ​രി​യി​ലെ സ്വ​കാ​ര്യ ദ​ന്ത​ല്‍ ക്ലി​നി​ക്കി​ലെ​ത്തി​ച്ച് തെ​ളി​വെ​ടു​ത്ത​ത്. സി​ലി കു​ഴ​ഞ്ഞു​വീ​ണ സോ​ഫ​യും ഇ​രു​ന്ന ക​സേ​ര​ക​ളും  ജോ​ളി പൊ​ലീ​സി​ന്​ കാ​ണി​ച്ചു​കൊ​ടു​ത്തു.

കു​ഴ​ഞ്ഞു​വീ​ണ സി​ലി​യു​ടെ  വാ​യി​ലേ​ക്ക്​ സ​യ​നൈ​ഡ് പു​ര​ട്ടി​യ  ഗു​ളി​ക കൊ​ടു​ത്ത​തും കു​പ്പി​യി​ല്‍ ക​രു​തി​യ സ​യ​നൈ​ഡ്  ക​ല​ര്‍ത്തി​യ വെ​ള്ളം ഒ​ഴി​ച്ചു​കൊ​ടു​ത്ത​തും ഇ​വി​ടെ വെ​ച്ചാ​ണ്. തു​ട​ര്‍ന്നാ​ണ് ജോ​ളി​ത​ന്നെ  മു​ന്‍കൈ​യെ​ടു​ത്ത് ത​ള​ര്‍ന്നു​വീ​ണ സി​ലി​യെ ആ​ശു​പ​ത്രി​യി​ലെ​ത്തി​ച്ച​ത്. ഇ​വി​ടെ എ​ത്തി​ച്ച​പ്പോ​ഴേ​ക്കും സി​ലി മ​രി​ച്ചി​രു​ന്നു. 

അ​ന്വേ​ഷ​ണ ഉ​ദ്യോ​ഗ​സ്ഥ​രാ​യ ത​ല​ശ്ശേ​രി ഡി​വൈ.​എ​സ്.​പി വേ​ണു​ഗോ​പാ​ല്‍, വ​ട​ക​ര കോ​സ്​​റ്റ​ല്‍  സി.​ഐ ബി.​കെ. ഷി​ജു, തി​രു​വ​മ്പാ​ടി സി.​ഐ ഷാ​ജു ജോ​സ​ഫ്, ക്രൈം​ബ്രാ​ഞ്ച് എ​സ്.​ഐ  ജീ​വ​ൻ ജോ​ർ​ജ്​ എ​ന്നി​വ​രു​ടെ നേ​തൃ​ത്വ​ത്തി​ലാ​ണ്​​ തെ​ളി​വെ​ടു​പ്പ്​ ന​ട​ത്തി​യ​ത്.

Loading...
COMMENTS