എല്ലായിടത്തും ജോളിയുടെ സാന്നിധ്യം

കൂടത്തായിയിൽ ആറ്​ മരണങ്ങളിലെയും സമാനതകളാണ്​ പൊലീസിൽ സംശയമുയർത്തിയത്​. ഭക്ഷണമോ പാനീയമോ കഴിച്ചതിന്​ ശേഷം സമാനമായ രീതിയിലായിരുന്നു മരണങ്ങളെല്ലാം. മരണങ്ങൾ നടക്കു​േമ്പാൾ അതിന്​ ദൃക്​സാക്ഷിയായി എല്ലായിടത്തും ജോളി ഉണ്ടായിരുന്നുവെന്നതും അന്വേഷണം അവരിലേക്ക്​ തിരിയുന്നതിന്​ കാരണമായി.

2002ൽ അന്നമ്മ തോമസാണ്​ ആദ്യം മരിച്ചത്​. ആട്ടിൻ സൂപ്പ്​ കഴിച്ചതിന്​ പിന്നാലെ ഛർദിച്ചു തളർന്നു വീണു. ആശുപത്രിയിൽ എത്തിക്കുന്നതിന്​ മുമ്പ്​ തന്നെ അന്നമ്മ മരിച്ചു. 2008ലാണ്​ ടോം തോമസ്​ പൊന്നമറ്റം മരിക്കുന്നത്​. കപ്പപ്പുഴക്ക്​ കഴിച്ചതിന്​ ശേഷം തളർന്ന്​ വീണായിരുന്നു മരണം. 2011ല ടോം തോമസിൻെറ മകൻ റോയ്​ തോമസ്​ മരിച്ചു. ഭക്ഷണം കഴിച്ചയുടൻ ഛർദിച്ച്​ അവശനായി വീഴുകയായിരുന്നു. റോയിയുടെ മരണത്തിൽ അന്നമ്മയുടെ സഹോദരൻ എം.എം മാത്യു മഞ്ചാടിയിൽ സംശയം പ്രകടിപ്പിച്ചിരുന്നു.

തുടർന്ന്​ 2014ൽ അന്നമ്മ തോമസിൻെറ സഹോദരൻ എം.എം മാത്യു മഞ്ചാടിയിൽ സമാനമായ രീതിയിൽ മരിച്ചു. ഭാര്യ വീട്ടിൽ പോയതിനെ തുടർന്ന്​ വീട്ടിൽ തനിച്ചായിരുന്ന ദിവസമാണ്​ മാത്യു തളർന്ന്​ വീണത്​. മാത്യു തളർന്ന്​ വീണ വിവരം ജോളിയാണ്​ അയൽക്കാ​െര അറിയിച്ചത്​.
പിന്നീട്​ ടോം തോമസിൻെറ സഹോദരൻ പുത്രൻ ഷാജുവിൻെറ മകൾ രണ്ട്​ വയസുകാരി അൽഫൈനാണ്​ മരിച്ചത്​. സഹോദരൻെറ കുർബാനയിൽ പ​ങ്കെടുക്കാൻ പോകനായി തയ്യാറാവുന്നതിനിടെ ഭക്ഷണം കഴിച്ചതിന്​ ശേഷമായിരുന്നു അൽഫൈനിൻെറ മരണം. തുടർന്ന്​ 2016ൽ അൽഫൈനിൻെറ അമ്മ സിലിയും മരിച്ചു. ദന്തഡോക്​ടറെ കാണാനായി കാത്തു നിൽക്കുന്നതിനിടെ ജോളിയുടെ മടിയിലേക്ക്​ കുഴഞ്ഞു വീണാണ്​ സിലി മരിച്ചത്​.

ആറ്​ പേരുടെ മരണത്തിൽ റോയിയുടെ മൃതദേഹം മാത്രമാണ്​ പോസ്​റ്റ്​മോർട്ടം നടത്തിയത്​. ഇയാളുടെ മൃതദേഹത്തിൽ നിന്ന്​ സയനൈഡിൻെറ അംശം കിട്ടിയിരുന്നു. ഇത്​ ആത്​മഹത്യയാണെന്ന നിഗമനത്തിൽ ​ലോക്കൽ പൊലീസ്​ കേസ്​ അവസാനിപ്പിച്ചു. പിന്നീട്​ റോയിയുടെ സഹോദരൻ അമേരിക്കയിലുള്ള റോജോ മരണങ്ങളിൽ സംശയം പ്രകടിപ്പിച്ച്​ ക്രൈംബ്രാഞ്ചിന്​ പരാതി നൽകിയതോടെയാണ്​ കേസിൽ വീണ്ടും അന്വേഷണം തുടങ്ങിയത്​.