കൂടത്തായി കൊലപാതകം: ഡി.എൻ.എ സാമ്പിൾ അമേരിക്കയിൽ പരിശോധിക്കും

കോഴിക്കോട്: കൂടത്തായിയിൽ ഒരു കുടുംബത്തിലെ ആറു പേരെ കൊലപ്പെട​ുത്തിയ സംഭവത്തിൽ മരണ കാരണങ്ങൾ മനസ്സിലാക്കാൻ കുടുംബാംഗങ്ങളുടെ ഡി.എൻ.എ പരിശോധന നടത്താൻ തീരുമാനം.

മൈറ്റോ കോൺട്രിയ ഡി.എൻ.എ അനാലിസിസ്​ ​പരിശോധനയാണ്​ നടത്തുക. ഇന്ത്യയിൽ ഇൗ പരിശോധന ഫലപ്രദമായി നടത്താൻ സാധ്യമ​െല്ലങ്കിൽ സാമ്പിൾ അമേരിക്കയിൽ അയച്ച്​​ പരിശോധന നടത്താനാണ്​ ഉദ്ദേശിക്കുന്നതെന്ന്​​ ഡി.ജി.പി ലോക്​നാഥ്​ ബെഹ്​റ പറഞ്ഞു. മരണത്തിൻെറ കാലവും സമയവും വ്യത്യസ്​തമായതിനാൽ വ്യത്യസ്​തമായ എഫ്​.ഐ.ആർ രജിസ്​റ്റർ ചെയ്യുകയാണ്​ നല്ല​െതന്നും കൂടത്തായ്​ കൊലപാതക കേസ്​ തെളിയിക്കുകയെന്നത്​ വലിയൊരു വെല്ലുവിളിയായി മാറിയിരിക്കുന്നുവെന്നും അദ്ദേഹംപറഞ്ഞു.

പരമാവധി തെളിവുകൾ ശേഖരിക്കുകയാണ്​ ലക്ഷ്യം. മരണകാരണമായ സൈനേഡ്​ ജോളിക്ക്​ എവിടുന്നു കിട്ടിയെന്നും അതിന്​ പിന്നിൽ പ്രവർത്തിച്ചവർ ആരൊക്കെയെന്നും കണ്ടെത്തേണ്ടതുണ്ടെന്നും ബെഹ്​റ വ്യക്തമാക്കി. സൈനേഡ്​ ഉപയോഗത്തിൻെറ ​െതളിവ്​ കണ്ടെത്തുകയെന്നത്​ ശ്രമകരമായ ജോലിയാണ്​. എന്നാൽ അസാധ്യമല്ല. എല്ലാ വെല്ലുവിളികളേയും അതിജീവിക്കാൻ സാധിക്കുമെന്നാണ്​ പ്രതീക്ഷയെന്നും അദ്ദേഹം പറഞ്ഞു.

മരിച്ച റോയിയുടെ സഹോദരനും പരാതിക്കാരനുമായ റോജോയുടെ മൊഴിയെടുക്കുന്നതിനായി അമേരിക്കയിൽ നിന്ന്​ വിളിച്ചു​ വര​ുത്തും. ചോദ്യം ചെയ്യാനുള്ളവരുടെ വിശദമായ പട്ടിക തയാറാക്കുമെന്നും അന്വേഷണ സംഘത്തെ വിപുലീകരിച്ചേക്കുമെന്നും ഉദ്യോഗസ്ഥർ അറിയിച്ചു.