കൂടത്തായി: ആല്ഫൈന് വധക്കേസില് പ്രജികുമാറിനെ അറസ്റ്റുചെയ്യാന് അനുമതി
text_fieldsതാമരശ്ശേരി: കൂടത്തായി കൊലപാതക പരമ്പരയിലെ ഒന്നര വയസ്സുകാരി ആല്ഫൈന് വധക്കേസി ല് മൂന്നാം പ്രതി താമരശ്ശേരി മുള്ളമ്പലത്തില് പ്രജികുമാറി(48)നെ അറസ്റ്റു ചെയ്യാന് താ മരശ്ശേരി മുന്സിഫ് മജിസ്ട്രേറ്റ് കോടതി അനുമതി നല്കി. തിരുവമ്പാടി സി.ഐ. ഷാജു ജോസഫി െൻറ നേതൃത്വത്തിലുള്ള അന്വേഷണസംഘം ശനിയാഴ്ച സമര്പ്പിച്ച അപേക്ഷ പരിഗണിച്ചാണ് കോടതി നടപടി.
അതേസമയം, സിലി വധക്കേസില് പ്രജികുമാര് താമരശ്ശേരി ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതി(ഒന്ന്)യില് സമര്പ്പിച്ച ജാമ്യാപേക്ഷ കോടതി തള്ളി. അസി. പബ്ലിക് പ്രോസിക്യൂട്ടര് നല്കിയ തടസ്സ ഹരജി പരിഗണിച്ചാണ് കോടതി ജാമ്യം നിഷേധിച്ചത്. പൊന്നാമറ്റം റോയ് തോമസ് വധക്കേസില് മൂന്നുപ്രതികളുടെയും റിമാന്ഡ് കാലാവധി താമരശ്ശേരി മുന്സിഫ് മജിസ്ട്രേറ്റ് കോടതി 14 ദിവസത്തേക്കു കൂടി നീട്ടി. രണ്ടാം പ്രതി കാക്കവയല് മഞ്ചാടിയില് എം.എസ്. മാത്യു, മൂന്നാം പ്രതി പ്രജികുമാര് എന്നിവരെ ശനിയാഴ്ച കോടതിയില് ഹാജരാക്കി.
ടോം തോമസ് വധക്കേസില് പൊലീസ് കസ്റ്റഡിയിലായതിനാല് ഒന്നാംപ്രതി ജോളിയെ ഹാജരാക്കാതെ റിമാന്ഡ് എക്സ്റ്റന്ഷന് റിപ്പോര്ട്ട് അന്വേഷണസംഘം കോടതിയില് ഹാജരാക്കുകയായിരുന്നു. മാത്യു മഞ്ചാടിയില് കേസില് രണ്ടാം പ്രതി എം.എസ്. മാത്യുവിെൻറ പ്രൊഡക്ഷന് വാറൻറ് അപേക്ഷക്ക് കോടതി ശനിയാഴ്ച അനുമതി നല്കി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.