കൊ​ങ്കൺ പാതയിൽ മണ്ണിടിഞ്ഞതിനെ തുടർന്ന്​ ട്രെയിനുകൾ റദ്ദാക്കി

കൊച്ചി: കൊങ്കൺ പാതയിൽ മണ്ണിടിച്ചിലുണ്ടായതിനെ തുടർന്ന്​ വിവിധ ട്രെയിനുകൾ റദ്ദാക്കി. തിരുവനന്തപുരം ലോകമാന്യ തിലക്​ -തിരുവനന്തപുരം നേ​ത്രാവതി ട്രെയിൻ ഞായറാഴ്​ച മുതൽ 20 വരെ​ റദ്ദാക്കി.

ന്യൂഡൽഹി -തിരുവനന്തപുരം രാജധാനി സ്​പെഷൽ ഒമ്പത്​, 11,12, 16,18 തീയതികളിലെ റദ്ദാക്കി. തിരുവനന്തപുരം ന്യൂഡൽഹി രാജധാനി സ്​പെഷൽ 11, 13,14, 18, 20 തീയതിക​ളിലെയും റദ്ദാക്കി. എറണാകുളം -നിസാമുദ്ദീൻ -എറണാകുളം മംഗള സ്​പെഷൽ ഒമ്പതുമുതൽ 20 വരെ പനവേൽ, മിറാജ്​, പുണെ വഴി തിരിച്ചുവിടും. നിസാമുദ്ദീൻ -എറണാകുളം -തുരന്തോ 15ന്​ പുണെ, ഗുണ്ടക്കൽ, ജോലാർപേട്ട വഴിയാകും സർവിസ്​ നടത്തുക.